تھر کول: 100 سے زائد کوماٹسو مشینوں کی فراہمی اور تنصیب مکمل
اشاعت کی تاریخ: 19th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی: پاکستان کے توانائی کے شعبے میں ایک اہم پیش رفت سامنے آئی ہے جہاں جعفر برادرز (پرائیویٹ) لمیٹڈ نے سندھ اینگرو کول مائننگ کمپنی (ایس ای سی ایم سی) اور جاپان کی کوماٹسو لمیٹڈ کے ساتھ اشتراک کے تحت تھر کول فیلڈ بلاک II منصوبے میں 100 سے زائد کوماٹسو مشینوں کی فراہمی اور کامیاب تنصیب کا سنگ میل عبور کرلیا، یہ کامیابی پاکستان کے مائننگ سیکٹر میں جدید معیار قائم کرنے کے ساتھ ساتھ تینوں اداروں کی مضبوط شراکت داری کا مظہر ہے۔
کراچی میں منعقدہ تقریب کے دوران تینوں اداروں کے درمیان طویل المدتی تعاون کو باضابطہ شکل دینے کے لیے مفاہمتی یادداشت (ایم او یو) پر دستخط کیے گئے۔
اس موقع پر بتایا گیا کہ تھر کول منصوبہ نہ صرف درآمدی ایندھن پر انحصار کم کرنے اور مقامی وسائل کے مؤثر استعمال کو یقینی بنا رہا ہے بلکہ ہزاروں روزگار کے مواقع فراہم کرنے، صنعتی سرگرمیوں کو فروغ دینے اور توانائی میں خود کفالت کے قومی ہدف کو حقیقت بنانے میں بھی اہم کردار ادا کر رہا ہے۔
اس منصوبے میں پائیداری کو کلیدی حیثیت حاصل ہے، جس کے تحت مقامی کمیونٹیز کی ترقی، ماحولیاتی تحفظ اور ہنر مندی میں اضافہ جیسے اقدامات شامل ہیں۔ یہ کوششیں ایک ایسے مستقبل کی ضمانت ہیں جو معاشی استحکام اور ماحولیاتی توازن دونوں کو یقینی بنائے گا۔
جعفر برادرز کے چیف ایگزیکٹو آفیسر فرید ہارون جعفر نے تقریب سے خطاب کرتے ہوئے کہا کہ پاکستان کے اپنے وسائل کو بروئے کار لا کر توانائی کے محفوظ مستقبل کی جانب یہ شراکت داری ایک اہم قدم ہے۔ انہوں نے مزید کہا کہ جعفر برادرز کو کوماٹسو اور ایس ای سی ایم سی کے ساتھ اشتراک پر فخر ہے، جو ایک مضبوط اور خود کفیل پاکستان کی تعمیر میں عملی کردار ادا کر رہا ہے۔
سندھ اینگرو کول مائننگ کمپنی کے سی ای او عامر اقبال نے کہا کہ یہ شراکت داری ہمارے اس عزم کا ثبوت ہے کہ ہم عالمی معیار کی پائیدار کان کنی کمپنی کے طور پر پاکستان کے روشن مستقبل کے لیے کام کر رہے ہیں۔ شمولیتی ترقی، معیار اور تحفظ ہماری مشترکہ اقدار ہیں جو تھر کی کمیونٹیز کی خوشحالی پر دیرپا اثر ڈالیں گی۔
کوماٹسو مڈل ایسٹ کے منیجنگ ڈائریکٹر تومومیتسو ہوگ نے اپنے خیالات کا اظہار کرتے ہوئے کہا کہ تھر کول فیلڈ بلاک II میں 100 سے زائد مائننگ اور معاون مشینوں کی کامیاب تنصیب ہمارے اعتماد اور معیار کا مظہر ہے۔ انہوں نے کہا کہ کوماٹسو پاکستان کے توانائی میں خود انحصاری کے سفر میں بھرپور تعاون جاری رکھے گا۔
خیال رہے کہ ایس ای سی ایم سی تھر کول بلاک II کے ترقیاتی اور عملی مراحل کی قیادت کر رہا ہے، جعفر برادرز 1979 سے پاکستان میں کوماٹسو کے مجاز ڈسٹری بیوٹر کی حیثیت سے اعلیٰ معیار کی سپورٹ اور خدمات فراہم کر رہے ہیں جبکہ کوماٹسو دنیا بھر میں مائننگ اور کنسٹرکشن مشینری کا رہنما سمجھا جاتا ہے اور جدید سازوسامان مہیا کر رہا ہے جو محفوظ، مؤثر اور پائیدار آپریشنز کو یقینی بناتا ہے۔
.
ذریعہ
ذریعہ: Jasarat News
کلیدی لفظ: پاکستان کے کر رہا ہے تھر کول کہا کہ
پڑھیں:
عاطف اسلم کا نیا البم ’صبح آئے نہ‘ کب ریلیز ہو گا؟ گلوکار نے بڑی اپڈیٹ دے دی
پاکستان کے عالمی شہرت یافتہ گلوکار عاطف اسلم نے اپنے نئے میوزک البم ’صبح آئے نہ‘ کا باضابطہ اعلان کر دیا ہے۔
گلوکار عاطف اسلم کے مطابق آٹھ گانوں پر مشتمل اس البم میں ’صبح آئے نہ‘، ’سفر میں ہوں‘، ’عشق‘، ’لیٹس ہیو سو فن‘، ’سن سجنا‘، ’ہوں عشق میں‘، ’چار یار‘ اور ’سچے وعدے‘ شامل ہیں اور اس البم کو 31 جولائی کو دنیا بھر کے مختلف میوزک اسٹریمنگ پلیٹ فارمز پر ریلیز کیا جائے گا۔
اپنے نئے البم کے حوالے سے عاطف اسلم کا کہنا تھا کہ ’صبح آئے نہ‘ ان کے ذاتی سفر کی عکاسی کرتا ہے، جس میں انہوں نے اندرونی کشمکش سے نکل کر اپنی اصل شخصیت کو دریافت کیا۔
انہوں نے کہا، ’’یہ البم میری اس جدوجہد کی نمائندگی کرتا ہے جس میں میں نے اندرونی انتشار سے نکل کر اپنے حقیقی وجود کو پایا۔ میں بے حد پرجوش ہوں کہ آخرکار اسے اپنے مداحوں کے ساتھ شیئر کر رہا ہوں۔‘‘
View this post on Instagram View this post on Instagram
عاطف اسلم کے گانوں کو 8 ارب بار سنا جا چکا ہے:
دو دہائیوں سے زائد عرصے پر محیط اپنے شاندار موسیقی کے سفر کے دوران عاطف اسلم جنوبی ایشیا کے مقبول ترین گلوکاروں میں شمار ہوتے ہیں۔
تازہ اسپاٹیفائی اعداد و شمار کے مطابق، ان کے گانوں کو اب تک تقریباً 8 ارب بار سنا جا چکا ہے، جبکہ ہر ماہ 3 کروڑ سے زائد افراد 184 ممالک میں ان کی موسیقی سنتے ہیں۔
اعداد و شمار کے مطابق گزشتہ ایک سال کے دوران عاطف اسلم کی 96 فیصد اسٹریمنگز پاکستان سے باہر ہوئیں، جو مشرقِ وسطیٰ، شمالی امریکا، یورپ اور ایشیا پیسیفک سمیت مختلف خطوں میں ان کی مقبولیت کا ثبوت ہے۔
رپورٹ کے مطابق، عاطف اسلم کی موسیقی نوجوان نسل میں بھی بے حد مقبول ہے، جہاں جنریشن زیڈ ان کے 85 فیصد سامعین پر مشتمل ہے۔ گزشتہ ایک سال میں 4 کروڑ 10 لاکھ سے زائد نئے اور پرانے سامعین نے ان کے گانے سنے، جبکہ ان کے گانوں کو دنیا بھر میں 3 کروڑ 75 لاکھ سے زائد ذاتی پلے لسٹس میں شامل کیا گیا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم