سعودی عرب کے قومی دن پر ملک بھر میں عام تعطیل
اشاعت کی تاریخ: 20th, September 2025 GMT
ریاض: سعودی عرب میں قومی دن کے موقع پر ملک بھر میں عام تعطیل کا اعلان کردیا گیا ہے۔
عرب نیوز ایجنسی کی رپورٹ کے مطابق سعودی وزارت افرادی قوت و سماجی ترقی کی جانب سے یوم وطنی کے موقع پرملک بھر میں سرکاری تعطیل کا باقاعدہ اعلان کردیا گیا ہے۔
خبرایجنسی کی رپورٹ کے مطابق اعلامیے میں کہا گیا کہ 23 ستمبر کو ملک بھر میں سرکاری، نجی اور غیر منافع بخش اداروں میں عام تعطیل ہوگی۔
یہ بات ذہن نشیں رہے کہ یوم وطنی سعودی عرب کا قومی دن ہے، جسے ہر سال بھرپور جوش و خروش سے منایا جاتا ہے۔ ملک کے طول و ارض میں تقاریب، آتش بازی اور ثقافتی سرگرمیوں کا اہتمام ہوتا ہے۔
ذریعہ: Al Qamar Online
کلیدی لفظ: ملک بھر میں
پڑھیں:
سعودی واٹر اتھارٹی کا پانی صاف کرنے کی ٹیکنالوجیز کے لیے ورچوئل انویشن سینٹر کا آغاز
سعودی واٹر اتھارٹی نے کنگ عبدالعزیز سٹی فار سائنس اینڈ ٹیکنالوجی اور کنگ عبدالعزیز یونیورسٹی کے تعاون سے پانی صاف کرنے کی ٹیکنالوجیز میں جدت کے لیے ایک مشترکہ ورچوئل سینٹر قائم کر دیا۔
سعودی پریس ایجنسی کے مطابق اس مرکز کا مقصد پائیداری کو فروغ دینا، جدید مٹیریل اور قابل تجدید توانائی سے استفادہ کرنا اور ریسرچ تعاون کے ذریعے پانی کی ٹیکنالوجی میں قومی صلاحیتوں کو مزید بہتر بنانا ہے۔
یہ بھی پڑھیے: سعودی عرب اور ٹیکنالوجی کمپنی ڈیل کے درمیان مفاہمت کی یادداشت پر دستخط
یہ مرکز تینوں اداروں کے درمیان طے پانے والے سہ فریقی معاہدے کے تحت قائم کیا گیا ہے جس کی بنیاد پر کئی اہم شعبوں میں تعاون کیا جائے گا۔ ان میں بنیادی واٹر ٹریٹمنٹ کی کارکردگی میں اضافہ کے لیے مقامی ممبرینز کی تیاری، سافٹ ویئر ڈویلپمنٹ اور گریجویٹ طلبا کے لیے مشترکہ ریسرچ لیبارٹریوں کا قیام شامل ہیں۔
اتھارٹی کے مطابق یہ شراکت پانی کے شعبے میں پائیدار اور جدید حل تلاش کرنے، قومی وسائل کے تحفظ کو یقینی بنانے، اور تعلیمی و تحقیقی اداروں کے ساتھ تعاون کو مزید مضبوط بنانے کی عکاسی کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پانی ٹیکنالوجی سعودی عرب فلٹریشن
سامعہ حجاب نے ہراساں کرنے والے حسن زاہد کو خدا کے نام پرمعاف کردیا