دفاعی معاہدہ پر ملک بھر میں یوم تشکر، معاہدہ ملک کو ناقابل تسخیر بنانے کی طرف قدم، علما کرام
اشاعت کی تاریخ: 20th, September 2025 GMT
لا ہور (خصوصی نامہ نگار) مرکزی مسلم لیگ‘ جمعیت اہلحدیث پاکستان‘ مجلس علماء پاکستان اور وفاق المدارس الاسلامیہ الرضویہ کے زیر اہتمام ملک بھر میں پاکستان اور سعودی عرب کے درمیان دفاعی معاہدے پر ’’یوم تشکر‘‘ منایا گیا۔ علماء کرام نے دفاعی معاہدے کو خوش آئند قرار دیا۔ مجلس علماء پاکستان کے زیر اہتمام بادشاہی مسجد میں جمعتۃ المبارک کے موقع پر دفاعی معاہدہ کے حوالے سے یوم تشکرکی تقریب منعقد ہوئی، جس کی صدارت چیئرمین مرکزی رویت ہلال کمیٹی پاکستان /خطیب وامام مولانا عبدالخبیر آزاد نے کی، جس میں تمام مکاتب فکر کے جید علماء کرام و مشائخ عظام نے شرکت کی۔ مولانا عبدالخبیر آزادنے خطاب کرتے ہوئے کہا کہ سعودی عرب اور پاکستان کے درمیان باہمی مضبوط دفاعی معاہدہ خوش آئند ہے جس پر ہم اللہ تعالیٰ کا شکر ادا کرتے ہیں اور سعودی ولی عہد محمد بن سلمان، وزیر اعظم شہباز شریف اور فیلڈ مارشل عاصم منیر کو پاک سعودی تاریخی دفاعی معاہدہ کرنے پر خراج تحسین پیش کرتے ہیں۔ پاکستان سعودی عرب دفاعی معاہدہ خطے میں امن استحکام، اور اْمت مسلمہ کی سلامتی و تحفظ کا ضامن ہے۔ سعودی عرب سے پاکستان کی لازوال اور بے مثال دوستی و تعلقات کوہ ہمالیہ سے بھی بلند ہیں۔ اسلامی ملکوں کے درمیان مضبوط دفاعی تعاون و مضبوط دفاعی اتحاد وقت کی اشد ضرورت ہے۔ اب وقت آگیا ہے کہ اسلامی فوج بنائی جائے اور تمام اسلامی ملکوں کی عوام کے تحفظ اور حرمین شریفین کی سکیورٹی کے تمام انتظامات فیلڈ مارشل عاصم منیر کی قیادت میں افواج پاکستان کے سپرد کیے جائیں۔ مرکزی مسلم لیگ کے زیر اہتمام خطبات جمعہ میں علماء کرام نے کہا کہ پاک سعودیہ دفاعی معاہدہ امت کے دفاع کو ناقابل تسخیر بنانے کی طرف اہم قدم ہے۔ یہ معاہدہ صرف دفاعی نوعیت کا نہیں بلکہ عالمِ اسلام کی سلامتی، اتحاد اور خودمختاری کے لیے ایک طاقتور پیغام بھی ہے۔ حرمین شریفین کا تحفظ ہر مسلمان کے ایمان کا حصہ ہے۔ مرکزی مسلم لیگ کے صدر خالد مسعود سندھو نے جمعہ کے اجتماع سے خطاب کرتے ہوئے کہا موجودہ حالات میں جب مسلم دنیا کو اندرونی و بیرونی چیلنجز کا سامنا ہے، ایسے میں پاکستان اور سعودی عرب جیسے اہم مسلم ملکوں کے درمیان دفاعی تعاون کا فروغ انتہائی خوش آئند ہے۔ برادر اسلامی ملک نے مشکل وقت میں کبھی پاکستان کوتنہا نہیں چھوڑا اور ہر موقع پر پاکستان کا ساتھ دینے کا حق ادا کیا ہے۔ جمعیت اہلحدیث پاکستان کے صدر علامہ ہشام الہی ظہیر کی اپیل پر ملک بھر میں اہلحدیث مساجد میں پاکستان سعودی عرب دفاعی معاہدے پر یوم تشکر منایا گیا۔ مرکزی سیکرٹریٹ میں نماز جمعہ کے بڑے اجتماع سے خطاب کرتے ہوئے ڈاکٹر ہشام الہی نے کہا کہ حرمین شریفین کا تحفظ ہمارے عقیدے اور ایمان کی حقیقی اساس ہے اس کے لئے ہمارا تن من دھن قربان ہے۔ پاکستان سعودی عرب دفاعی معاہدہ کو عظیم کامیابی قرار دیتے ہوئے کہا ہے کہ پاکستان اور سعودی عرب کی قیادت کا فیصلہ دنیا میں امن چاہنے والوں کیلئے نوید صبح ہے۔ وفاق المدارس الاسلامیہ الرضویہ کے زیر اہتمام پاک سعودیہ دفاعی معاہدے کی کامیابی پر ملک بھر میں "یومِ تشکر" منایا گیا۔ اس موقع پر اہلسنت کی لاکھوں مساجد اور وفاق المدارس الاسلامیہ الرضویہ سے وابستہ 5000 سے زائد مدارس میں علمائے کرام نے جمعۃ المبارک کے اجتماعات میں اپنے خطبات کا موضوع پاک–سعودیہ دفاعی معاہدے کو بنایا۔ خطباتِ جمعہ میں وزیرِ اعظم، فیلڈ مارشل عاصم منیر اور سعودی ولی عہد محمد بن سلمان کو زبردست خراجِ تحسین پیش کیا گیا۔ چیئرمین ڈاکٹر مفتی محمد کریم خان نے لاہور میں جمعہ کے بڑے اجتماع سے خطاب کرتے ہوئے کہا کہ حرمین شریفین کا دفاع ایک عظیم اعزاز ہے۔ پاکستان ایک اسلامی ملک ہے اور اس کے خلاف مسلح جدوجہد کرنا شرعاً حرام ہے۔ پاک سعودیہ دفاعی معاہدہ دونوں ملکوں کے تعلقات کو مزید مضبوط اور خطے میں سلامتی و استحکام کو فروغ دے گا۔ تحریک دعوت توحید کے مرکزی قائد میاں محمد جمیل نے جامع أبی ہریرہؓ کریم بلاک اقبال ٹاؤن میں خطبہ جمعہ اوریوم تشکرریلی سے خطاب کرتے ہوئے کہا کہ پاک سعودی دفاعی معاہدے سے دنیاکفرلرزہ براندام ہے،حرمین شریفین کے مضبوط دفاع سے ابرہہ کی نسل پریشان ہے ۔
.
ذریعہ
ذریعہ: Nawaiwaqt
کلیدی لفظ: خطاب کرتے ہوئے کہا سے خطاب کرتے ہوئے پاک سعودیہ دفاعی کے زیر اہتمام دفاعی معاہدہ دفاعی معاہدے حرمین شریفین پاکستان اور ملک بھر میں پاکستان کے پاک سعودی اور سعودی کے درمیان یوم تشکر کہا کہ
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار