ڈکشنری ڈاٹ کام نے 2025 کیلئے منفرد لفظ “سکس۔سیون”67 منتخب کرلیا
اشاعت کی تاریخ: 30th, October 2025 GMT
data-id="863a0a8" data-element_type="widget" data-widget_type="theme-post-content.default">
دنیا بھر میں ہر سال مختلف ادارے ایک ایسے لفظ کا انتخاب کرتے ہیں جو اس برس کے رجحانات، رویوں یا ثقافتی تبدیلیوں کی عکاسی کرتا ہے۔ مگر اس بار ڈکشنری ڈاٹ کام نے جو انتخاب کیا ہے، وہ نہ صرف چونکانے والا ہے بلکہ زبان کے بدلتے ہوئے انداز کی ایک منفرد جھلک بھی پیش کرتا ہے۔
ڈکشنری ڈاٹ کام نے 2025 کے لیے “67” کو سال کا لفظ قرار دیا ہے، جسے “سکس۔ سیون” پڑھا جاتا ہے۔ یہ لفظ نئی نسل، خصوصاً جنریشن الفا (2010 سے 2024 کے درمیان پیدا ہونے والے بچے) کی بولی میں تیزی سے مقبول ہوا ہے۔ دلچسپ بات یہ ہے کہ اس لفظ کی کوئی واضح تعریف موجود نہیں، اور حتیٰ کہ والدین اور اساتذہ بھی اس کے مطلب سے پریشان نظر آتے ہیں۔
یہ غیر روایتی لفظ سوشل میڈیا پلیٹ فارم ٹک ٹاک کے ذریعے عام ہوا، جہاں آرٹسٹ Skrilla کے گانے “Doot Doot (سکس سیون)” نے اسے شہرت بخشی۔ چند ہی ہفتوں میں یہ لفظ ویڈیوز اور تبصروں میں اس قدر عام ہوگیا کہ کئی اساتذہ نے طلبہ کو “سکس سیون” دہرانے سے روکنے کے طریقے آن لائن شیئر کرنا شروع کر دیے۔
اگرچہ اس لفظ کے معنی پر کوئی متفق نہیں، تاہم ڈکشنری ڈاٹ کام کے مطابق “67” کا مطلب کچھ ایسا ہے جو نہ اچھا ہے نہ برا، بلکہ ایک غیر یقینی کیفیت یا “شاید یہ، شاید وہ” کے مفہوم کے قریب ہے۔ دلچسپ پہلو یہ ہے کہ خود ادارے نے بھی اعتراف کیا کہ اس لفظ کی اصل طاقت اسی ابہام میں چھپی ہے — کیونکہ اسے سمجھنا ممکن نہیں۔
یہ نیا لفظ بظاہر بے معنی سہی، مگر ماہرین کے مطابق یہ جنریشن الفا کے مزاح، انٹرنیٹ کلچر اور اظہارِ خیال کے نئے انداز کی علامت بن چکا ہے، جو ظاہر کرتا ہے کہ زبان کس طرح ڈیجیٹل دور میں بچوں کے ہاتھوں نئی شکل اختیار کر رہی ہے۔
.ذریعہ: Jasarat News
پڑھیں:
پاکستان بار کونسل الیکشن ،23 نشستوں میں 16 پر انڈیپینڈنٹ گروپ کامیاب: اعظم نذیر بھی منتخب
اسلام آباد (اپنے سٹاف رپورٹر سے + نوائے وقت رپورٹ) پاکستان بار کونسل کے انتخابات میں وفاقی وزیر قانون اعظم نذیر تارڑ سے منسلک انڈیپینڈنٹ گروپ نے23 میں سے16 نشستیں حاصل کر لیں۔ پنجاب کی 11 نشستوں میں آٹھ پر انڈیپنڈنٹ (عاصمہ جہانگیر) گروپ نے کامیابی حاصل کی۔ وزیر قانون اعظم نذیر تارڑ ‘ احسن بھون‘ طاہر نصراللہ وڑائچ، عامر سعید راں، پیر مسعود چشتی، ثاقب اکرم گوندل، حفیظ الرحمان چودھری، سید قلب حسن، سلمان اکرم راجہ، شفقت چوہان ممبر پاکستان بار کونسل منتخب ہو گئے۔ پنجاب کی 11 ویں نشست کا فیصلہ نہیں ہو سکا۔ واضح رہے کہ حامد خان گروپ نے پنجاب میں صرف 2 سیٹوں پر کامیابی حاصل کی۔ سندھ کی 6 نشستوں پر فاروق نائیک‘ عابد زبیری‘ صلاح الدین احمد‘ منیر ملک‘ عبیداﷲ میمن اور سلیم منگریو ممبر منتخب ہو گئے۔ رضوان عباسی اسلام آباد سے پاکستان بار کونسل کی نشست پر کامیاب ہو گئے۔ دریں اثناء وزیراعظم شہباز شریف نے پاکستان بار کونسل کے انتخابات میں انڈیپنڈنٹ گروپ کو کامیابی اور احسن بھون‘ اعظم نذیر تارڑ کو ممبر پاکستان بار کونسل منتخب ہونے پر بھی مبارکاد دیتے ہوئے کہا، وکلاء مسائل کے حل اور آئین و قانون کی بالادستی کیلئے سنجیدہ قیادت کے خواہاں ہیں۔ اعظم نذیر تارڑ ہمیشہ وکلاء برادری کے مسائل کے حل کیلئے کوشاں ہیں۔ حکومت وکلاء برادری کو ریاست کا اہم ستون سمجھتی ہے۔ بار اور بنچ کے درمیان ہم آہنگی کو مضبوط بنانے کیلئے تعاون جاری رکھا جائے گا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر