ڈکشنری ڈاٹ کام نے 2025 کیلئے منفرد لفظ “سکس۔سیون”67 منتخب کرلیا
اشاعت کی تاریخ: 30th, October 2025 GMT
data-id="863a0a8" data-element_type="widget" data-widget_type="theme-post-content.default">
دنیا بھر میں ہر سال مختلف ادارے ایک ایسے لفظ کا انتخاب کرتے ہیں جو اس برس کے رجحانات، رویوں یا ثقافتی تبدیلیوں کی عکاسی کرتا ہے۔ مگر اس بار ڈکشنری ڈاٹ کام نے جو انتخاب کیا ہے، وہ نہ صرف چونکانے والا ہے بلکہ زبان کے بدلتے ہوئے انداز کی ایک منفرد جھلک بھی پیش کرتا ہے۔
ڈکشنری ڈاٹ کام نے 2025 کے لیے “67” کو سال کا لفظ قرار دیا ہے، جسے “سکس۔ سیون” پڑھا جاتا ہے۔ یہ لفظ نئی نسل، خصوصاً جنریشن الفا (2010 سے 2024 کے درمیان پیدا ہونے والے بچے) کی بولی میں تیزی سے مقبول ہوا ہے۔ دلچسپ بات یہ ہے کہ اس لفظ کی کوئی واضح تعریف موجود نہیں، اور حتیٰ کہ والدین اور اساتذہ بھی اس کے مطلب سے پریشان نظر آتے ہیں۔
یہ غیر روایتی لفظ سوشل میڈیا پلیٹ فارم ٹک ٹاک کے ذریعے عام ہوا، جہاں آرٹسٹ Skrilla کے گانے “Doot Doot (سکس سیون)” نے اسے شہرت بخشی۔ چند ہی ہفتوں میں یہ لفظ ویڈیوز اور تبصروں میں اس قدر عام ہوگیا کہ کئی اساتذہ نے طلبہ کو “سکس سیون” دہرانے سے روکنے کے طریقے آن لائن شیئر کرنا شروع کر دیے۔
اگرچہ اس لفظ کے معنی پر کوئی متفق نہیں، تاہم ڈکشنری ڈاٹ کام کے مطابق “67” کا مطلب کچھ ایسا ہے جو نہ اچھا ہے نہ برا، بلکہ ایک غیر یقینی کیفیت یا “شاید یہ، شاید وہ” کے مفہوم کے قریب ہے۔ دلچسپ پہلو یہ ہے کہ خود ادارے نے بھی اعتراف کیا کہ اس لفظ کی اصل طاقت اسی ابہام میں چھپی ہے — کیونکہ اسے سمجھنا ممکن نہیں۔
یہ نیا لفظ بظاہر بے معنی سہی، مگر ماہرین کے مطابق یہ جنریشن الفا کے مزاح، انٹرنیٹ کلچر اور اظہارِ خیال کے نئے انداز کی علامت بن چکا ہے، جو ظاہر کرتا ہے کہ زبان کس طرح ڈیجیٹل دور میں بچوں کے ہاتھوں نئی شکل اختیار کر رہی ہے۔
.ذریعہ: Jasarat News
پڑھیں:
جونیئر ہاکی ورلڈکپ: پاکستان کے انکار کے بعد عمان کو شامل کرلیا گیا
جونیئر ہاکی ورلڈکپ میں سیکیورٹی ایشوز کی بناء پر پاکستان ٹیم کے بھارت جانے سے انکار کے بعد عمان کو شامل کرلیا گیا۔
ایف آئی ایچ نے عمان کو میگا ایونٹ کا حصہ بنانے کی تصدیق کردی۔
Following Pakistan’s decision not to participate in the upcoming FIH Hockey Men’s Junior World Cup Tamil Nadu 2025, the Oman men’s junior team will now take the spot in the event, being held from 28 Nov - 10 Dec 2025.
Read the full story here: https://t.co/ycCYovCWrv #JWC2025 pic.twitter.com/kMS4nQaZua
جونئیر ہاکی ورلڈکپ 28 نومبر سے چنائی میں کھیلا جائے گا جس کا فائنل 10 دسمبر کو کھیلا جائے گا۔
پہلی بار مینز اور ویمنز مقابلوں میں 24، 24 ٹیمیں ایکشن میں ہوں گی۔
ملائییشیا میں کھیلے گئے گزشتہ ایڈیشن میں جرمنی نے عالمی چیمپئن بننے کا اعزاز پایا تھا۔
وفاق نے تحفظات دور کرانے کی یقین دہانی کرائی، مزید مسائل پیدا کرنا نہیں چاہتے، شازیہ مری