گھریلو ملازم سے لاکھوں مالیت کا چوری شدہ سامان برآمد
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) کلفٹن میں طویل عرصے سے ایک ہی گھر میں ملازمت کرنے والے گھریلو ملازم کی مبینہ طور پر لاکھوں روپے کی چوری میں ملوث ہونے کی سنسنی خیز واردات کا انکشاف ہوا ہے۔ پولیس نے کارروائی کرتے ہوئے ملزم واجد کو گرفتار کرلیا، جس کی نشاندہی پر سونا، نقد رقم اور دیگر قیمتی سامان برآمد کرلیا گیا۔ پولیس کے مطابق متاثرہ خاتونِ خانہ کی مدعیت میں درج مقدمے کے تحت کارروائی عمل میں لائی گئی۔ایف آئی آر کے متن میں بیان کیا گیا کہ ملزم واجد گزشتہ آٹھ سال سے اسی گھر میں ملازم تھا اور اعتماد حاصل کرنے کے بعد اس نے وقفے وقفے سے گھر سے نقد رقم اور قیمتی اشیاء غائب کرنا شروع کیں۔ تحقیقات کے دوران ملزم نے اعتراف کیا کہ وہ کئی سالوں سے چوری میں ملوث تھا اور بینک کے اے ٹی ایم کارڈز اور چیک بْک کے ذریعے بھی رقم منتقل کرتا رہا۔ پولیس کے مطابق ملزم کے قبضے سے نو سے زائد سونے کے بسکٹ، دو لاکھ ستائیس ہزار روپے نقد اور دیگر قیمتی اشیاء برآمد کی گئیں۔ملزم نے چوری کی رقم سے لاکھوں روپے مالیت کی جائیداد اور گاڑیاں خریدنے کا بھی انکشاف کیا ہے۔ پولیس نے برآمد شدہ سامان تحویل میں لے کر مزید تفتیش شروع کر دی ہے تاکہ معلوم کیا جا سکے کہ اس کے ساتھ مزید کوئی شریکِ جرم تو نہیں۔ پولیس مالیاتی ریکارڈ، بینک ٹرانزیکشنز اور جائیداد کی تفصیلات کی بنیاد پر مزید قانونی کارروائی کر رہی ہے، جبکہ امکان ظاہر کیا جا رہا ہے کہ اس نیٹ ورک میں دیگر ملازمین یا ایجنسیوں کے ملوث ہونے کا بھی سراغ مل سکتا ہے۔
ذریعہ: Jasarat News
پڑھیں:
کراچی سے ملکی و غیر ملکی کرنسی، جعلی جوائننگ لیٹرز اور ڈالرز سمیت دیگر اشیا برآمد، ملزم گرفتار
کراچی:شہر قائد میں ملکی و غیر ملکی کرنسی، جعلی جوائننگ لیٹرز اور ڈالرز سمیت دیگر اشیا برآمد کرکے پولیس نے ملزم کو گرفتار کرلیا۔
گارڈن پولیس نے کارروائی کرتے ہوئے ملکی و غیر ملکی کرنسی ، پی آئی اے اور اے این ایف کے جعلی جوائننگ آرڈرز ، جعلی چیکس ، پلاٹ کے جعلی کاغذات ، جعلی ڈالرز بنانے کے کالے کاغذ ، کیمیکل اور دیگر اشیا برآمد کرلیں۔
پولیس نے جعلسازی میں ملوث ایک ملزم کو بھی گرفتار کر لیا۔ ترجمان ڈسٹرکٹ سٹی پولیس کے مطابق گرفتار ملزم بہزاد سے جعلی پاکستانی کرنسی اور امریکی ڈالرز برآمد کیے گئے ۔ ملزم سے پی آئی اے اور اے این ایف کے جعلی جوائننگ آرڈرز ، جعلی چیکس ، پلاٹ کے جعلی کاغذات ، جعلی ڈالرز بنانے کے کالے کاغذ ، کیمیکل اور دیگر اشیا بھی برآمد کی گئی ہیں۔
ملزم اپنے ساتھیوں کے ساتھ مل کر سادہ لوح شہریوں کو لوٹتا تھا اور نوکری دلوانے کا جھانسا دے کر جعلی جوائننگ آرڈر دیتا تھا ۔ ملزم نے کرنسی نوٹ کا درست سائز بنانے کی متعدد ڈائیاں بھی بنا رکھی تھیں۔ ملزم اپنے ساتھیوں کے ساتھ مل کر گزشتہ 4 برس سے جعلسازی کر رہا تھا ۔
گرفتار ملزم کے ساتھی میڈیکل ریپ اور کال سینٹر کا کام کرتے ہیں ۔ ملزم نے کرنسی نوٹ ایک بیگ میں بھر کر رکھے ہوئے تھے ۔ گرفتار ملزم سے بڑی تعداد میں کرنسی نوٹوں کے سائز کے سفید کاغذ بھی ملے ہیں ۔
ڈی آئی جی ساؤتھ نے کامیاب کارروائی پر ایس ایچ او گارڈن اور پولیس پارٹی کو تعریفی اسناد دینے کا اعلان کیا ہے ۔ دوسری جانب ملزم کے خلاف مقدمہ درج کر کے تفتیش کا عمل شروع کردیا گیا ہے۔
ویرات کوہلی کا آٹوگراف ملنے کے بعد کم عمر مداح خوشی سے نہال