ایم ڈبلیو ایم پاکستان میں اتحاد کی حامی جماعت ہے، علامہ مقصود ڈومکی
اشاعت کی تاریخ: 30th, October 2025 GMT
خیرپور ناتھن شاہ میں مختلف شخصیات سے ملاقات کے موقع پر علامہ مقصود ڈومکی نے کہا کہ امریکہ اور اس کے صدر ٹرمپ سے کسی خیر کی امید نہیں، کیونکہ وہ فلسطینیوں کے قتل عام میں برابر کے شریک ہیں۔ اسلام ٹائمز۔ مجلس وحدت مسلمین پاکستان کے رہنماء علامہ مقصود علی ڈومکی نے کہا ہے کہ امریکی صدر ٹرمپ سے خیر کی کوئی امید نہیں ہے۔ فسلطین کے مستقبل کا فیصلہ خود فلسطینی عوام کو کرنے دیا جائے۔ انہوں نے کہا کہ مجلس وحدت مسلمین پاکستان میں اتحاد کی حامی جماعت ہے۔ عوام کے حقوق کے لئے ہر فارم پر آواز اٹھائی ہے۔ یہ بات ایم ڈبلیو ایم صوبہ سندھ کے صوبائی آرگنائزر علامہ مقصود علی ڈومکی نے خیرپور ناتھن شاہ میں مختلف شخصیات سے ملاقات کے موقع پر گفتگو کرتے ہوئے کہی۔ اس سے قبل انہوں نے جامع مسجد و مرکزی امام بارگاہ کے متولی سید معظم علی شاہ کے انتقال پر ان کے اہل خانہ سے تعزیت کی۔ اس موقع پر ان کے ہمراہ ایم ڈبلیو ایم سندھ کی آرگنائزنگ کمیٹی کے رکن سید علی اکبر شاہ، ضلعی آرگنائزنگ کمیٹی کے رکن اصغر علی حسینی اور ایڈووکیٹ مختیار کھوکھر و دیگر موجود تھے۔
بعد ازاں ایڈوکیٹ مختار کھوکھر کی کی رہائش گاہ پر مختلف شخصیات سے گفتگو کرتے ہوئے علامہ مقصود علی ڈومکی نے کہا کہ اسرائیل کو 70 ہزار بے گناہ فلسطینیوں کے خون ناحق کا حساب دینا ہوگا۔ فلسطین کے مستقبل کا فیصلہ فلسطینی عوام کو کرنے دیا جائے۔ غاصب اسرائیل کے تحفظ کے لیے اٹھایا جانے والا کوئی بھی قدم فلسطینی مظلوموں سے خیانت کے مترادف ہے۔ انہوں نے کہا کہ امریکہ اور اس کے صدر ٹرمپ سے کسی خیر کی امید نہیں، کیونکہ وہ فلسطینیوں کے قتل عام میں برابر کے شریک ہیں۔ انہوں نے کہا کہ ایم ڈبلیو ایم سندھ کے حقوق، محروم طبقات اور صوبائی وحدت کی حامی جماعت ہے۔ ایم ڈبلیو ایم نے ہمیشہ دریائے سندھ کے پانی کے مسئلے، سندھ میں بدامنی، قبائلی جھگڑوں اور عوامی حقوق کے لیے ہر فورم پر آواز بلند کی ہے۔ انہوں نے کہا کہ مجلس وحدتِ مسلمین ہمیشہ سندھ کی وحدت، خود مختاری اور مظلوم عوام کے حقوق کے تحفظ کے لیے صف اوّل میں رہی ہے اور آئندہ بھی یہی کردار ادا کرتی رہے گی۔
ذریعہ
ذریعہ: Islam Times
کلیدی لفظ: انہوں نے کہا کہ ایم ڈبلیو ایم علامہ مقصود ڈومکی نے
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی