وزیراعلیٰ خیبرپختونخوا: صوبے کا حق ڈنکے کی چوٹ پر لوں گا، کسی سے بھیک نہیں مانگوں گا
اشاعت کی تاریخ: 30th, October 2025 GMT
خیبرپختونخوا کے وزیراعلیٰ سہیل آفر یدی نے کہا ہے کہ وہ صوبے کے حقوق حاصل کرنے کے لیے پُرعزم ہیں اور کسی سے بھیک نہیں مانگیں گے۔ انہوں نے واضح کیا کہ اگر پاکستان میں کوئی پالیسی غلط ہوگی تو وہ اس کے خلاف کھڑے ہوں گے۔
میڈیا سے گفتگو میں سہیل آفر یدی نے بتایا کہ خیبرپختونخوا میں مارٹر گولے اور ڈرون حملوں کی وجہ سے ایک ہی گھر کے 21 افراد شہید ہو چکے ہیں، اور وہی لوگ اس درد کو سمجھ سکتے ہیں۔ انہوں نے کہا کہ گزشتہ روز 6 سیکیورٹی اہلکار شہید ہوئے، اور ان کے جنازے پر جانے کے دوران انہیں محسوس ہوا کہ کندھوں پر 80 ہزار شہدا کا بوجھ ہے۔
وزیراعلیٰ نے کہا کہ صوبے نے دہشتگردی کے خلاف 80 ہزار جانوں کا نذرانہ دیا ہے، اور فوج و پولیس کے شہداء کی قربانیوں کو قدر کی نگاہ سے دیکھنا چاہیے، کیونکہ افغانستان سے آنے والی دہشتگردی کی وجہ سے یہاں مسلسل شہادتیں ہو رہی ہیں۔
صحافی کے سوال پر کہ پی ٹی آئی کی ہمدردیاں افغان باشندوں کے ساتھ کیوں ہیں، انہوں نے جواب دیا کہ ان کی ہمدردی صرف پاکستان کے ساتھ ہے۔ اگر پاکستان میں کوئی پالیسی بن رہی ہے تو تمام اسٹیک ہولڈرز کو اعتماد میں لینا چاہیے۔
این ایف سی ایوارڈ کے حوالے سے پوچھے جانے پر انہوں نے کہا کہ انہیں اس اجلاس میں مدعو نہیں کیا گیا تھا، اور اگر نومبر میں این ایف سی کے حوالے سے کوئی میٹنگ ہوئی تو وہ اپنے صوبے کے حق کے لیے ضرور جائیں گے۔ سہیل آفر یدی نے دوبارہ زور دیا کہ وہ کسی سے بھیک نہیں مانگیں گے بلکہ اپنے صوبے کے حقوق ڈنکے کی چوٹ پر لیں گے۔
انہوں نے گورنر کی تبدیلی کی افواہوں پر کہا کہ عوامی مینڈیٹ سے آئے ہیں اور عوامی مینڈیٹ کے ساتھ رہیں گے۔ علاوہ ازیں بتایا کہ خیبرپختونخوا سے اب تک 8 لاکھ افغان باشندوں کو واپس بھیج دیا گیا ہے جبکہ باقی کا انخلا عزت اور وقار کے ساتھ جاری ہے۔
وزیراعلیٰ نے سابق پی ٹی آئی قائد عمران خان سے ملاقات میں رکاوٹوں کے حوالے سے کہا کہ دو سال سے ملاقات نہیں ہو سکی۔ انہوں نے تمام قانونی راستے استعمال کیے، خطوط لکھے اور اسلام آباد ہائی کورٹ میں درخواست دی، لیکن پھر بھی ملاقات کی اجازت نہیں ملی۔ اب پارٹی اجلاس کے ذریعے یہ طے کیا جائے گا کہ آئندہ کیا اقدامات کیے جائیں۔
ذریعہ
ذریعہ: Daily Mumtaz
کلیدی لفظ: انہوں نے کے ساتھ کہا کہ نے کہا
پڑھیں:
گلگت میں نئے منصوبوں کی نگرانی خود کروں گا: نواز شریف
گلگت (نوائے وقت رپورٹ) مسلم لیگ (ن) کے صدر محمد نواز شریف ایک روزہ دورے پر گلگت بلتستان پہنچ گئے جہاں عوامی اجتماع سے خطاب کرتے ہوئے انہوں نے کہا کہ گلگت بلتستان میں شروع ہونے والے نئے منصوبوں کی خود نگرانی کروں گا۔ انہوں نے گلگت تک موٹر وے بنانے‘ ائرپورٹ کی توسیع اور الیکٹرک بسیں چلانے کا بھی اعلان کیا۔ انہوں نے کہا کہ گلگت سی پیک کا مرکز ہے، پوچھنا چاہتا ہوں گلگت کو نظرانداز کیوں کیا گیا۔ ٹوٹی سڑکیں دیکھ کر دکھ ہوتا ہے۔ ان کا کہنا تھا کہ گلگت بلتستان میں شروع ہونے والے نئے منصوبوں کی خود نگرانی کروں گا، ووٹ دیں یا نہیں، یہاں کے مسائل کے حل کے لیے شہباز شریف سے بات کروں گا۔ طلبہ کو سکالرشپس دی جائیں گی، مزید لیپ ٹاپ دیے جائیں گے، میں وہ نوازشریف ہوں جو کسی پر تنقید کر کے کسی کی برائی کر کے ووٹ نہیں مانگتا ہم اپنی کارکردگی کی بنا پر ووٹ مانگتے ہیں۔ نواز شریف نے کہا کہ یہاں 20 گھنٹے لوڈشیڈنگ ہوتی ہے، یہ ہمیں منظور نہیں ہے، کسی اور کو منظور ہو تو ہو، یہ مجھے منظور نہیں ہے، میں جاکر شہباز شریف سے بات کروں گا، انہوں نے کہا کہ مجھے آپ نے کئی دفعہ دیس نکالا کیا ہے، مجھ سے گلہ نہیں کرو، یہ گلہ میں سننے کو تیار نہیں ہوں، یہ قصور آپ کا بھی ہے کہ مجھ جیسے بندے کو دیس نکالا کیوں ہونے دیا۔ نواز شریف نے کہا کہ کیوں مجھے جیلوں میں ڈالا گیا، کیوں مجھے دیس چھوڑ کر جانا پڑا، یہ بھی سوچنے والی ہے، میں اس پر بات نہیں کرنا چاہتا لیکن یہ بھی حقیقت ہے، ہم تمام سٹیک ہولڈرز کو بٹھا کر اس مسئلے کو حل کریں گے۔ انہوں نے کہا کہ گلگت بلتستان میں ہمارے علاوہ کسی جماعت نے ادھر کام نہیں کیا، یہاں کی سڑکوں کا حال دیکھ کر بہت دکھ ہوتا ہے۔ میں کسی جماعت کے خلاف بات نہیں کرنا چاہتا، لیکن پوچھنا چاہتا ہوں کہ کیوں چیزوں کونظر انداز کیا۔ میرا دل روتا ہے کہ آپ لوگوں کی سہولتوں کے لیے کیوں پیسا نہیں لگایاگیا، وہ پیسا کہاں گیا؟ یہاں ہسپتال بنایا تو ہم نے بنایا، ہائیڈل پاور پلانٹس ہم نے لگائے، نگر کا منصوبہ ہم نے مکمل کیا، مجھے بتائیں کسی اور پارٹی نے کوئی کام کیا ہو۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ