فلڈریلیف کیمپس سے متاثرین سیلاب کی گھروں میں واپسی ہوچکی ہے، ڈپٹی کمشنر ملتان
اشاعت کی تاریخ: 23rd, September 2025 GMT
ڈپٹی کمشنر وسیم حامد سندھو نے کہا کہ وزیراعلی پنجاب مریم نواز شریف کی ہدایت پر نوراجہ بھٹہ فلڈ بند کے شگاف کو پر کرنے کیلئے ہنگامی آپریشن جاری ہے، موقع پر موجود مشینری اور اریگیشن ڈیپارٹمنٹ کے افسران کو ہدایت کی گئی ہے کہ بند کو مضبوط بنانے کیلئے تمام وسائل بروئے کار لائے جائیں۔ اسلام ٹائمز۔ ڈپٹی کمشنر ملتان وسیم حامد سندھو نے کہا ہے کہ وزیراعلی پنجاب مریم نواز شریف کی جانب سے سیلاب متاثرین کی بحالی کیلئے تاریخی ریلیف پیکج دیا گیا ہے، اس سلسلے میں ضلع ملتان میں دو روز میں سروے شروع کیا جارہاہے۔ انہوں نے کہا کہ جلالپور پیروالہ میں حالات معمول پر آنے کے بعد سیلاب متاثرین کی گھروں میں واپسی کا سلسلہ شروع کیا جائے گا جبکہ ضلع ملتان کی باقی تحصیلوں میں فلڈ ریلیف کیمپس سے متاثرین سیلاب کی گھروں میں واپسی ہوچکی ہے۔ ان خیالات کا اظہار انہوں نے جلالپورپیروالا میں موٹر وے ریلیف آپریشن اور انفراسٹرکچر کی بحالی کے حوالے سے بریفننگ لیتے ہوئے کیا۔ اس موقع پر محکمہ آبپاشی کے حکام نے سیلابی صورتحال پر بریفننگ بھی دی۔ ڈپٹی کمشنر وسیم حامد سندھو نے کہا کہ وزیراعلی پنجاب مریم نواز شریف کی ہدایت پر نوراجہ بھٹہ فلڈ بند کے شگاف کو پر کرنے کیلئے ہنگامی آپریشن جاری ہے۔ موقع پر موجود مشینری اور اریگیشن ڈیپارٹمنٹ کے افسران کو ہدایت کی گئی ہے کہ بند کو مضبوط بنانے کیلئے تمام وسائل بروئے کار لائے جائیں۔ انہوں نے کہا کہ نوراجہ بھٹہ زمیدارہ فلڈ بند پر شگاف پر کرنے کیلئے بھاری مشینیں کام کر رہی ہیں اور ٹرکوں کے ذریعے پتھر اور مٹی ڈالنے کا عمل تیزی سے جاری ہے۔ ڈپٹی کمشنر نے اس عزم کا اظہار کیا کہ وزیراعلی پنجاب کی ہدایت پر فلڈ بند کی بحالی اور عوام کے تحفظ کیلئے ہر ممکن قدم اٹھایا جا رہا ہے۔
ذریعہ
ذریعہ: Islam Times
کلیدی لفظ: کہ وزیراعلی پنجاب ڈپٹی کمشنر نے کہا کہ فلڈ بند
پڑھیں:
دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلا ب
لاہور(ڈیلی پاکستان آن لائن) دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلاب آ گیا ۔
فلڈ فور کاسٹنگ ڈویژن لاہور کے مطابق ہیڈ قادر آباد پر پانی کی آمد 2 لاکھ 36 ہزار کیو سک تک پہنچ گئی ہے۔
دریائے راوی میں ہیڈ بلوکی پر درمیانےدرجے کا سیلاب ہے ۔پانی کا بہاؤ بڑھ کر 73 ہزار 635 کیو سک تک پہنچ گیا ۔
اس کے علاوہ دریائے کابل میں نوشہرہ میں بدستور نچلے درجے کا سیلاب برقرار ہے جبکہ دریائے سندھ میں کالا باغ اور چشمہ بیراج پر نچلے درجے کے سیلاب ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بلوچستان میں سبی ڈویژن کے دریائے لہڑی میں ہیڈگوگی کے مقام پر اونچے درجے کا سیلاب ہے اور پانی کا بہاؤ 95 ہزار 913 کیو سک ریکارڈ کیا گیا ہے۔
دوسر ی جانب سیالکوٹ میں دریائے چناب میں پھنسے تمام 5 افراد کو ریسکیوکرلیا گیا ہے۔ ریسکیو حکام کے مطابق پانچوں افراد کام کے لیے گئے تھے واپسی پر کشتی خراب ہوگئی تھی۔
واضح رہے کہ مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔
بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار