لاہور: ملزمان مسجد کے چندے کے ڈبے توڑ کر رقم لے کر فرار
اشاعت کی تاریخ: 25th, September 2025 GMT
لاہور کے علاقے اقبال ٹاؤن میں 5 افراد نے مسجد کے چندے کے ڈبے ہتھوڑوں سے توڑ کر لوٹ لیے، ملزمان نے دن دیہاڑے واردات کی۔
پولیس نے واقعے کا مقدمہ درج کرلیا ، تاہم ابھی تک کوئی گرفتاری عمل میں نہیں آسکی ۔
پولیس کے مطابق 5 ملزمان نے ہتھوڑوں سے مسجد کے تین غلے توڑ کر واردات کی۔ واقعے کی سی سی ٹی وی فوٹیج بھی سامنے آ گئی جس میں ملزمان کو ہتھوڑے مار کر غلے توڑتے دیکھا جاسکتا ہے۔
ملزمان غلے توڑ کر کیش لوٹ کر فرار ہو گئے۔
.
ذریعہ
ذریعہ: Jang News
کلیدی لفظ: توڑ کر
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ