پنجاب میں حالیہ سیلاب سے کتنے اسکولز تباہ ہوئے؟
اشاعت کی تاریخ: 26th, September 2025 GMT
پنجاب میں حالیہ سیلاب سے 3 ہزار اسکولز تباہ ہونے کا انکشاف ہوا ہے، جس سے ہزاروں طلبا کا تعلیمی سلسلہ شدید متاثر ہوا ہے۔
یہ بھی پڑھیں: پنجاب میں سیلاب نقصانات کے سروے کے لیے فوج تعینات کرنے کا فیصلہ
یونیسف کی نمائندہ برائے پاکستان پرنیلے آئرن سائیڈ سے ملاقات کے دوران وزیر تعلیم پنجاب رانا سکندر نے بتایا کہ محکمہ پہلے ہی سہولیات کی کمی کا شکار تھا جبکہ حالیہ آفت نے ہزاروں اسکولوں کو تباہ کردیا ہے جن میں سے کئی اب بھی پانی میں ڈوبے ہوئے ہیں۔
انہوں نے کہا کہ متاثرہ طلبہ کی تعلیم کے تسلسل کو یقینی بنانے کے لیے چلتے اسکولوں میں 3 شفٹیں شروع کی جارہی ہیں جبکہ نجی عمارتیں کرائے پر لینے اور ٹینٹ اسکول قائم کرنے کا بھی منصوبہ بنایا گیا ہے۔
ان کا کہنا تھا کہ 3 ماہ میں متاثرہ اسکولوں کی بحالی مکمل کرلی جائے گی۔ صوبائی وزیر نے مزید بتایا کہ متاثرہ طلبa کی فیس معاف کردی گئی ہے اور انہیں وظائف بھی دیے جائیں گے۔
ملتان، لودھران اور بہاولپور کے متعدد دیہات زیرآبدوسری جانب دریائے ستلج پر نوراجہ بھٹہ کے مقام پر بند ٹوٹنے سے ملتان، لودھراں اور بہاولپور کے متعدد دیہات ایک ہفتے سے زائد عرصے سے پانی میں ڈوبے ہوئے ہیں۔
جلوں کے مشرقی علاقوں میں گاؤں نوراجہ بھٹہ، بستی لنگ، کوٹلہ چاکر، بہادرپور، مَوضع کنوں، کندیر، جھائو، ڈیپل، طَرُت بشارت، دیلی راجن پور، بیلے والا، دُنیاپور، جھنگرا، مرادپور سوئیوالا اور صبرہ 8 سے 10 فٹ پانی میں گھرے ہوئے ہیں۔
مقامی رہائشی الطاف لنگ نے بتایا کہ پانی اتر نہیں رہا، 70 فیصد مکانات پہلے ہی گر چکے ہیں اور باقی بھی کسی وقت زمین بوس ہوسکتے ہیں۔ ان کے مطابق کھڑا پانی رنگ بدل رہا ہے اور آبی امراض تیزی سے پھیل رہے ہیں جس سے ایک نئے صحت بحران کا خدشہ پیدا ہوگیا ہے۔
یہ بھی پڑھیں: پنجاب میں سیلاب کا خطرہ مکمل طور پر ٹل نہیں سکا، پی ڈی ایم اے نے خبردار کردیا
رہائشیوں کا کہنا ہے کہ قریبی موٹروے بھی پانی کے بہاؤ کی راہ میں رکاوٹ بن رہی ہے کیونکہ وہاں موجود چھوٹے کلورٹ پانی کے نکاس کے بجائے بند کی صورت اختیار کرچکے ہیں۔ ان کا مطالبہ ہے کہ حکام موٹروے کے کچھ حصے توڑ کر پانی کا بہاؤ ممکن بنائیں۔
تاہم نیشنل ہائی وے اتھارٹی (این ایچ اے) کے جنرل منیجر کاشف نواز نے مؤقف اختیار کیا کہ موٹروے توڑنے کا کوئی سوال پیدا نہیں ہوتا، پانی کلورٹس سے گزر رہا ہے اور سڑک کے کمزور حصوں کو محفوظ بنانے کے لیے پتھر ڈالے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسکولز پنجاب دریائے ستلج سیلاب ملتان یونیسیف.ذریعہ: WE News
کلیدی لفظ: اسکولز دریائے ستلج سیلاب ملتان یونیسیف کے لیے
پڑھیں:
آئی ایم ایف حالیہ سیلاب کے معیشت پر اثرات کو اپنے جائزے میں شامل کرے.شہبازشریف کی درخواست
نیویارک(اردوپوائنٹ اخبارتازہ ترین-انٹرنیشنل پریس ایجنسی۔24 ستمبر ۔2025 )وزیراعظم محمد شہباز شریف نے عالمی مالیاتی فنڈ (آئی ایم ایف) سے درخواست کی ہے کہ وہ حالیہ سیلاب کے معیشت پر اثرات کو اپنے جائزے میں شامل کرے اور کہا ہے کہ پائیدار اصلاحات کی بدولت پاکستان کی معیشت استحکام کے مثبت آثار نظر آ رہے ہیں، پاکستان کی معیشت تیزی سے بحالی کی طرف بڑھ رہی ہے.(جاری ہے)
وزیراعظم شہبازشریف نے اقوام متحدہ کی جنرل اسمبلی کے 80ویں اجلاس کے موقع پر عالمی مالیاتی فنڈ (آئی ایم ایف)کی منیجنگ ڈائریکٹر کرسٹالینا جارجیوا سے ملاقات کی ملاقات میں وزیراعظم نے پاکستان کے ساتھ آئی ایم ایف کی دیرینہ شراکت داری کو سراہتے ہوئے کہا ہے کہ کرسٹالینا جارجیوا کی قیادت میں تعاون مزید مستحکم ہوا ہے. انہوں نے مالی سال 2024 میں 3 بلین ڈالر کے سٹینڈ بائی ارینجمنٹ، بعد ازاں 7 بلین ڈالر کی توسیعی فنڈ سہولت (ای ایف ایف ) اور 1.4 بلین ڈالر کے ریزیلیئنس اینڈ سسٹین ایبلٹی فنڈ (آر ایس ایف ) کے بروقت انتظام پر آئی ایم ایف کا شکریہ ادا کیا اس موقع پروزیراعظم نے کہا ہے کہ پختہ عزم کے ساتھ کی جانے والی پائیدار اصلاحات کی بدولت پاکستان کی معیشت استحکام کے مثبت آثار دکھا رہی ہے اور اب بحالی کی طرف بڑھ رہی ہے. انہوں نے زور دیا کہ پاکستان آئی ایم ایف پروگرام کے اہداف اور وعدوں پر مسلسل پیش رفت کر رہا ہے تاہم حالیہ سیلاب کے معاشی اثرات کو بھی جائزے میں شامل کیا جانا چاہیے آئی ایم ایف کی منیجنگ ڈائریکٹر نے سیلاب متاثرین سے ہمدردی کا اظہار کرتے ہوئے نقصانات کے تخمینے کی اہمیت پر زور دیا. انہوں نے وزیراعظم کے مضبوط میکرو اکنامک پالیسیوں پر عمل درآمد کے عزم کو سراہا اور یقین دہانی کرائی کہ آئی ایم ایف پاکستان کی طویل مدتی پائیدار اقتصادی ترقی کے لیے اصلاحاتی اقدامات میں مسلسل تعاون کرے گا دریں اثنا وزیراعظم شہباز شریف سے صدر ورلڈ بینک کی ملاقات ہوئی جس میں ورلڈ بینک کے صدر اجے بنگا نے پاکستان کے اصلاحاتی اقدامات کو سراہا وزیراعظم شہباز شریف کی نیویارک میں جنرل اسمبلی اجلاس کے موقع پر ورلڈ بینک کے صدر اجے بنگا سے ہونے والی ملاقات میں وزیرخارجہ اسحاق ڈار، وزیر خزانہ محمد اورنگزیب اور وزیر اطلاعات عطا تارڑ بھی شریک ہوئے. ملاقات میں وزیراعظم نے عالمی بینک کے صدر کو حکومت پاکستان کے جامع اصلاحاتی ایجنڈے سے آگاہ کیا، وزیراعظم نے کورونا اور 2022 کے تباہ کن سیلاب کے دوران پاکستان کے لیے ورلڈ بینک کی دیرینہ حمایت کی تعریف کی وزیراعظم نے آپریشنز کو آسان بنانے اور نجی شعبے میں وسائل کو مزید متحرک کرنے، ورلڈ بینک کو تیزتر اور زیادہ موثر ترقیاتی شراکت دار میں تبدیل کرنے پر اجے بنگا کی قیادت کی تعریف کی شہباز شریف نے ورلڈ بینک کے نئے کنٹری پارٹنرشپ فریم ورک (2026-2035) کی بھی تعریف کی جبکہ صدر ورلڈ بینک اجے بنگا نے پاکستان کے اصلاحاتی اقدامات کو سراہا. علاوہ ازیں وزیراعظم شہباز شریف نے کہا ہے کہ امریکی صدر ڈونلڈ ٹرمپ امن کے داعی ہیں پاکستان بھارت جنگ بندی میں صدر ٹرمپ اور ان کی ٹیم کا اہم کردار ہے نیویارک میں میڈیا سے گفتگو کرتے ہوئے وزیراعظم شہبازشریف نے کہا کہ صدر ڈونلڈ ٹرمپ دنیا بھر میں امن قائم کرنا چاہتے ہیں، صدر ٹرمپ نے جنرل اسمبلی اجلاس سے خطاب میں بھی امن کے لیے کوششوں کا ذکر کیا دوسری جانب وزیراعظم شہبازشریف کی امریکی صدر ڈونلڈ ٹرمپ سے ملاقات جمعرات کو وائٹ ہاﺅ س میں ہوگی ملاقات میں وزیراعظم کے ساتھ پاکستان کے اعلی حکام بھی ہوں گے.
غزہ کے فاقہ کش مجاہدین 58مسلم حکمرانوںسے افضل ہیں‘ ابوالخیر زبیر