سی ای سی میں تمام فیصلے 27 ویں ترمیم سے متعلق تھے، گورنر پنجاب
اشاعت کی تاریخ: 9th, November 2025 GMT
کراچی (نیوزڈیسک)گورنر پنجاب سردار سلیم حیدر خان نے کہا ہے کہ پیپلز پارٹی کی سینٹرل ایگزیکٹو کمیٹی(سی ای سی) میں جو فیصلے ہوئے وہ 27 ویں ترمیم سے متعلق تھے۔
کراچی میں عبد اللہ شاہ غازی کے مزار پر حاضری کے بعد میڈیا سےگفتگو کرتے ہوئے گورنر پنجاب نے کہا کہ پیپلز پارٹی وفاق کے ساتھ کھڑی ہے، پی پی کا حکومت سے دو تین شقوں پر اتفاق رائے ہے۔
سردار سلیم حیدر خان نے کہا باقی بہت ساری شقوں پر اختلاف رائے ہے، جس پر ڈیبیٹ ہونی ہے، شہید ذوالفقار علی بھٹو نے قوم کو مشترکہ آئین دیا۔
گورنر پنجاب نے کہا مخالفین بھی 1973 کے آئین پر انگلی نہیں اٹھا سکتے، پیپلز پارٹی شہید ذوالفقار علی بھٹو کے دیئے ہوئے آئین پر کھڑی ہے، پیپلز پارٹی کوئی ایسا قدم اٹھانے کے لیے تیار نہیں، جو 1973 کےآئین کے منافی ہو۔
.ذریعہ: Daily Mumtaz
پڑھیں:
وفاقی کابینہ کا آج ہونے والا اجلاس ملتوی
data-id="863a0a8" data-element_type="widget" data-widget_type="theme-post-content.default">
وفاقی کابینہ کا آج ہونے والا اہم اجلاس وزیرِاعظم شہباز شریف کی مصروفیات کے باعث ملتوی کر دیا گیا۔ ذرائع کے مطابق اجلاس میں ستائیسویں آئینی ترمیم کے مسودے کی منظوری دی جانی تھی، تاہم اب یہ اجلاس نئی تاریخ پر بلایا جائے گا۔
ذرائع کا کہنا ہے کہ وزیراعظم شہباز شریف نے ترمیم سے متعلق اتحادی جماعتوں کو اعتماد میں لے لیا ہے۔ ایم کیو ایم پاکستان کے وفد سے ملاقات کے دوران وزیراعظم نے یقین دہانی کرائی کہ بلدیاتی نظام سے متعلق ان کی تجاویز کو ستائیسویں آئینی ترمیم میں شامل کیا جائے گا، جس کے بعد ایم کیو ایم نے ترمیم کی حمایت کا اعلان کر دیا۔
دوسری جانب پاکستان پیپلز پارٹی نے ترمیم کے بیشتر نکات کو مسترد کر دیا ہے۔ پارٹی کی سینٹرل ایگزیکٹو کمیٹی کے اجلاس کے بعد چیئرمین بلاول بھٹو زرداری نے میڈیا سے گفتگو میں کہا کہ پیپلز پارٹی آرٹیکل 243 میں مجوزہ تبدیلی کے سوا باقی تمام تجاویز کی مخالف ہے۔ ان کا کہنا تھا کہ صوبائی شیئر اور این ایف سی فارمولے میں تبدیلی سے متعلق شقوں کو کسی صورت قبول نہیں کیا جا سکتا۔
بھارت: ٹرک اور بس کے تصادم میں 21 مسافر ہلاک