اتحادی جماعتوں نے 27ویں ترمیم میں تعاون کی یقین دہانی کرائی ہے، وفاقی وزیر
اشاعت کی تاریخ: 6th, November 2025 GMT
وفاقی وزیر برائے پارلیمانی امور طارق فضل چودھری نے کہا ہے کہ 27 ویں آئینی ترمیم کا مسودہ کل ان شاء اللہ سینیٹ میں پیش ہو جائے گا، ترمیم میں 18 ویں ترمیم کو رول بیک کرنے کی کوئی بات نہیں ہے۔
وفاقی وزیر برائے پارلیمانی امور اور رہنما مسلم لیگ ن ڈاکٹر طارق فضل چودھری نے پروگرام سینٹر اسٹیج میں گفتگو کرتے ہوئے کہا ہے کہ مجوزہ 27 ویں آئینی ترمیم کا مسودہ کل ان شاء اللہ سینیٹ میں پیش ہو جائے گا جبکہ مشترکہ کمیٹی میں بھی مسودے پر بحث ہوگی اور امید ہے کہ ایک ایک شق پر تفصیل سے بات ہو گی۔
انہوں نے کہا کہ اس کے بعد مسودہ قومی اسمبلی میں پیش ہو گا۔اور ہمیں امید ہے 27 ویں ترمیم پاس ہو جائے گی ۔
ان کا کہنا تھا کہ ستائسویں آئینی ترمیم میں 18 ویں ترمیم کو رول بیک کرنے کی کوئی بات نہیں ہے، ترمیم پر پیپلز پارٹی کے تحفظات ہیں، ہماری کوشش ہے کہ مشاورت سے فیصلے ہوں۔
انہوں نے کہا کہ این ایف سی اور دیگر معاملات پر باہمی مشاورت سے معاملات طے پا جائیں گے، دو تین نکات کے علاوہ کسی مجوزہ شق پر کوئی اختلافات نہیں ہیں۔
وزیر اعظم شہباز شریف کی اتحادی جماعتوں سے ملاقات سے متعلق بات کرتے ہوئے ان کا کہنا تھا کہ ایم کیو ایم ، نیشنل پارٹی دیگر جماعتوں نے مکمل اعتماد کا اظہار کیا اور تعاون کا یقین دلایا ہے جبکہ پیپلز پارٹی سے بھی جو مشاورت ہوئی اور وہ مثبت ہے جس میں این ایف سی، آئینی عدالت نصاب کے حوالے سے چند تجاویز سامنے آئی ہیں۔
رہنما ن لیگ کا کہنا تھا کہ پہلے مرحلے میں اتحادیوں سے بات چیت کی ہے۔ وفاقی وزیرنے بتایا کہ وزیر اعظم نے آج اتحادی جماعتوں کے قائدین کو مدعو کیا تھا، ایم کیو ایم نے پہلے وزیر اعظم سے ملاقات کی، اعجاز الحق بھی آج تشریف لائے۔ معاملہ جب کمیٹی میں جائے گا تو تمام جماعتوں سے مشاورت ہو جائے گی، زیادہ تر جماعتوں نے ساتھ دینے کی یقین دہانی کرائی ہے۔
ایک سوال کا جواب دیتے ہوئے انہوں نے کہا کہ جے یو آئی ف کے سربراہ مولانا فضل الرحمان کو ہم آن بورڈ لیں گے، اس سے پہلے 26 ویں ترمیم پر بھی مولانا صاحب نے ہمارا ساتھ دیا تھا، امید ہے کہ اس ترمیم میں بھی مولانا صاحب ہمارا ساتھ دیں گے۔
.
ذریعہ
ذریعہ: Express News
کلیدی لفظ: وفاقی وزیر ویں ترمیم ہو جائے نے کہا
پڑھیں:
حج سے واپسی کا آغاز، 370 حجاج کرام اسلام آباد پہنچ گئے
حج 2026 کی ادائیگی کے بعد پاکستانی حجاج کرام کی وطن واپسی کا سلسلہ شروع ہو گیا۔ سعودی ائیرلائن کی پرواز ایس وی 5724 کے ذریعے 370 حجاج کرام آج اسلام آباد پہنچ گئے۔
مزید پڑھیں: سعودی وزارت حج و عمرہ کی حجاج کرام کے لیے مثالی انتظامات کرنے پر پاکستانی حج مشن کو خراج تحسین
وفاقی وزیر برائے پارلیمانی امور طارق فضل چوہدری نے اسلام آباد ہوائی اڈے پر حجاج کرام کا استقبال کیا اور انہیں فریضۂ حج کی سعادت حاصل کرنے پر مبارکباد دی۔
اس موقع پر گفتگو کرتے ہوئے انہوں نے کہا کہ امسال قریباً ایک لاکھ 80 ہزار پاکستانیوں نے حج کی سعادت حاصل کی، جن میں ایک لاکھ 20 ہزار عازمین سرکاری حج اسکیم کے تحت سعودی عرب گئے۔
پاکستانی حجاج کرام کی وطن واپسی کا سلسلہ شروع۔ سعودی ائیرلائن کے ذریعے 370 حجاج کرام اسلام آباد پہنچ گئے۔ وفاقی وزیر طارق فضل چوہدری نے اسلام آباد ہوائی اڈے پر حجاج کا استقبال کیا اور انہیں فریضۂ حج کی سعادت حاصل کرنے پر مبارکباد دی۔@iamabidmalik @AmirSaeedAbbasi @KulAalam pic.twitter.com/zBqJGjKIEa
— Media Talk (@mediatalk922) June 1, 2026
وفاقی وزیر کا کہنا تھا کہ حجاج کرام نے حج 2026 کے انتظامات پر اطمینان کا اظہار کیا ہے۔ انہوں نے کہا کہ وزیراعظم کی ہدایت پر وزارتِ مذہبی امور نے عازمین حج کو ہر ممکن سہولت فراہم کی۔
مزید پڑھیں:سعودی عرب، حجاج کرام میں قرآن پاک کے نسخوں کی تقسیم
ڈاکٹر طارق فضل چوہدری نے وفاقی وزیر مذہبی امور اور ان کی ٹیم کو حج کے بہترین انتظامات پر مبارکباد بھی پیش کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد آئیرپورٹ حجاج کرام طارق فضل چوہدری وفاقی وزیر برائے پارلیمانی امور طارق فضل چوہدری
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ