27ویں ترمیم ایوبی آمریت سے زیادہ خطرناک ہے، عوامی تحریک
اشاعت کی تاریخ: 7th, November 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) عوامی تحریک کے مرکزی سینئر نائب صدر نور احمد کاتیار، مرکزی رہنما عبدالقادر رانٹو اور ایڈووکیٹ اسماعیل خاصخیلی کی قیادت میں پارٹی وفد نے نامور دانشور جامی چانڈیو اور سندھ صوفی فورم کے چیئرمین ڈاکٹر بدر چنا سے الگ الگ ملاقاتیں کیں اور انہیں سندھیانی تحریک کی جانب سے 16 نومبر کو حیدرآباد میں ہونے والے‘‘سندھ کا وجود اور وسائل بچاؤ مارچ’’میں شرکت کی دعوت دی۔اس موقع پر عوامی تحریک کے رہنماؤں نے گفتگو کرتے ہوئے کہا کہ 27ویں آئینی ترمیم کے ذریعے ملک پر بدترین مارشل لا مسلط کیا جا رہا ہے، جو ضیائی مارشل لا اور ایوبی آمریت سے بھی زیادہ خطرناک ہے۔26ویں اور 27ویں ترامیم دراصل آزاد عدلیہ کا خاتمہ ہیں۔ ان ترامیم کے بعد ججز کو قابلیت یا تعلیم کی بنیاد پر نہیں بلکہ حکمران جماعت کی خوشامد کی بنیاد پر مقرر کیا جائے گا، جس سے عدلیہ حکمرانوں کی غلام بن کر رہ جائے گی۔غلام عدلیہ کسی بھی صورت انصاف پر مبنی فیصلے نہیں کر سکے گی۔27ویں آئینی ترمیم کے ذریعے آئینی عدالتیں قائم کی جا رہی ہیں تاکہ انصاف کے متلاشی عوام کو دربدر کیا جا سکے۔یہ عدالتیں حد بندیوں کے بہانے حکومت کے مظالم کے خلاف انصاف مانگنے والوں کے مقدمات سننے سے ہی انکار کر دیں گی۔رہنماؤں نے کہا کہ 27ویں ترمیم کے ذریعے برطانوی نوآبادیاتی دور کے مجسٹریٹ اختیارات دوبارہ نافذ کیے جا رہے ہیں۔ پیپلز پارٹی کے مقرر کردہ کرپٹ افسران (ACs اور DCs) سالوں تک عوام کو سزائیں دیں گے۔جامی چانڈیو نے کہا کہ 27ویں آئینی ترمیم کا مسودہ خفیہ رکھنا ہی بددیانتی ہے۔ ایسے کالے قوانین جو زرعی ملک کو قیدخانہ بنائیں، انہیں عوام کسی صورت قبول نہیں کریں گے۔انہوں نے کہا کہ 27ویں آئینی ترمیم کے خلاف فوراً آواز اٹھائی جائے۔ڈاکٹر بدر چنا نے کہا کہ 27ویں ترمیم سندھ کے خلاف خطرناک سازش ہے۔ ایوانِ صدر بلاول زرداری کو وزیرِاعظم بنانے کے لیے ہر سندھ دشمن قدم اٹھانے پر تیار ہے۔دوسری جانب، ڈاکٹر شاہنواز قتل کیس کی پیشی کے لیے عدالت جانے والے ایڈووکیٹ ابراہیم کنبھر اور ایڈووکیٹ اعجاز ہالیپوٹو کو نشانہ بنانے والے قاتلانہ حملے کی عوامی تحریک کے رہنماؤں نے سخت مذمت کی۔انہوں نے کہا کہ یہ حملہ ڈاکٹر شاہنواز کے قاتلوں کو تحفظ فراہم کرنے کی سازش ہے۔رہنماؤں نے مطالبہ کیا کہ ڈاکٹر شاہنواز کے قاتلوں کو فوری طور پر گرفتار کر کے قانون کے مطابق سزا دی جائے۔مزید برآں، رہنماؤں نے سندھ بار کونسل اور پاکستان بار کونسل سے مطالبہ کیا کہ وہ وکلاء پر ہونے والے اس حملے کا نوٹس لیں، مذمتی بیان جاری کریں، اور پرامن جدوجہد کے ذریعے وکلاء کے تحفظ کے لیے قانون سازی کرانے کے لیے حکومت پر دباؤ ڈالیںانہوں نے یقین دہانی کرائی کہ عوامی تحریک وکلاء کی ہر پرامن اور جمہوری جدوجہد میں ان کے ساتھ کھڑی ہوگی۔
ذریعہ
ذریعہ: Jasarat News
کلیدی لفظ: 27ویں ا ئینی ترمیم نے کہا کہ 27ویں عوامی تحریک رہنماو ں نے ترمیم کے کے ذریعے کے لیے
پڑھیں:
ماہرین فلکیات نے مقناطیسی میدان رکھنے والے سیاروں کا سراغ لگا لیا
ماہرین فلکیات نے نظام شمسی سے باہر موجود سیاروں (ایگزوپلینیٹس) میں مقناطیسی میدانوں کے شواہد دریافت کر لیے ہیں جسے اس حوالے سے اب تک کا مضبوط ترین ثبوت قرار دیا جا رہا ہے۔
یہ بھی پڑھیں: کیا پلوٹو کو سیارے کا درجہ دوبارہ مل جائے گا، یہ سیاروں کی فہرست سے نکالا کیوں گیا؟
سائنس دانوں نے چلی اور ہوائی میں نصب جدید دوربینوں کی مدد سے 7 بڑے اور انتہائی گرم گیسوں پر مشتمل سیاروں کا مشاہدہ کیا۔ تحقیق کے دوران ان سیاروں کی فضائی ہواؤں کے غیرمعمولی رویے کا جائزہ لیا گیا جس سے معلوم ہوا کہ ان پر مقناطیسی میدان موجود ہیں۔
یہ تحقیق جریدے نیچر آسٹرونومی میں شائع ہوئی ہے اور اس کے مطابق مقناطیسی میدان وہ غیر مرئی قوت ہے جو کسی سیارے کے اندر موجود پگھلے ہوئے دھاتی مواد کی حرکت اور اس کی گردش سے پیدا ہوتی ہے۔
تحقیق کی سربراہ اور فرانس کے آبزرویٹری ڈی لا کوٹ ڈی آزور سے وابستہ ماہر فلکیات جولیا سیڈل کے مطابق سائنس دانوں کی توقع تھی کہ زیادہ گرم سیاروں پر ہوائیں زیادہ تیز ہوں گی کیونکہ وہاں توانائی کی مقدار زیادہ ہوتی ہے لیکن مشاہدات میں اس کے برعکس نتائج سامنے آئے۔
مزید پڑھیے: 45 نئے سیارے دریافت جہاں زندگی کے امکانات موجود ہیں
انہوں نے کہا کہ سب سے زیادہ گرم سیاروں پر ہواؤں کی رفتار توقع سے کم دیکھی گئی جس سے ظاہر ہوتا ہے کہ ستاروں سے ملنے والی اضافی توانائی کسی اور طریقے سے ضائع ہو رہی ہے۔
ان کے مطابق اس کی سب سے ممکنہ وجہ مقناطیسی میدان اور فضا میں موجود برقی ذرات کے درمیان تعامل ہے۔
تحقیق میں شامل ساتوں سیارے اپنے ستاروں کے انتہائی قریب گردش کرتے ہیں۔ ان کا ایک حصہ مسلسل ستارے کی طرف جبکہ دوسرا حصہ ہمیشہ تاریکی میں رہتا ہے۔ اس قسم کے سیاروں کو ’ہاٹ جیوپیٹر‘ کہا جاتا ہے کیونکہ ان کا حجم اور ساخت مشتری سے ملتی جلتی ہوتی ہے تاہم ان کا درجہ حرارت بہت زیادہ ہوتا ہے۔
ان سیاروں پر ہواؤں کی رفتار بعض مقامات پر 25 ہزار کلومیٹر فی گھنٹہ تک ریکارڈ کی گئی جو نظامِ شمسی کے سب سے بڑے سیارے مشتری کی ہواؤں سے بھی زیادہ ہے۔
مزید پڑھیں: سب سے چھوٹے سیارے عطارد کا وجود ایک معمہ، جانیے اس پراسرار جہان کی حقیقت؟
ماہرین کا کہنا ہے کہ چونکہ نظام شمسی کے بیشتر سیاروں میں مقناطیسی میدان موجود ہیں اس لیے یہ بات حیران کن نہیں کہ دوسرے نظاموں کے سیاروں میں بھی یہ خصوصیت پائی جائے تاہم اب تک اس کے واضح شواہد دستیاب نہیں تھے۔
تحقیق میں شامل جرمنی کے یورپی جنوبی رصدگاہ سے وابستہ ماہر فلکیات بیبیانا پرنوتھ کے مطابق مقناطیسی میدان کسی سیارے کو قابلِ رہائش بنانے کا واحد عنصر نہیں لیکن یہ طویل عرصے تک فضا کو برقرار رکھنے میں اہم کردار ادا کرتا ہے۔
انہوں نے کہا کہ زندگی کے لیے فضا کا موجود ہونا انتہائی ضروری ہے کیونکہ فضا سطحی دباؤ کو برقرار رکھنے، درجہ حرارت کو متوازن رکھنے اور زمین کی طرح مائع پانی کے وجود کو ممکن بناتی ہے۔
یہ بھی پڑھیے: زمین جیسے سیارے کی تلاش ایک دلچسپ جدوجہد، سائنسدان پرامید
ماہرین کے مطابق اگرچہ اس تحقیق میں شامل تمام سیارے گیسوں پر مشتمل ہیں اور زندگی کے لیے موزوں نہیں سمجھے جاتے تاہم ان میں مقناطیسی میدانوں کی موجودگی کی دریافت مستقبل میں زمین جیسے چٹانی سیاروں کے مطالعے اور قابلِ رہائش دنیاوں کی تلاش میں اہم پیش رفت ثابت ہو سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مقناطیسی میدان رکھنے والے سیاروں کا سراغ مقناطیسی میدان رکھنے والے سیارے نظام شمسی ہاٹ جیوپیٹر
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ