27 ویں آئینی ترمیم: وزیراعظم کی اتحادی جماعتوں کے رہنماؤں سے مشاورت
اشاعت کی تاریخ: 6th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وزیراعظم شہباز شریف آج اتحادی جماعتوں کے قائدین سے ملاقات کریں گے، جس میں 27ویں آئینی ترمیم سے متعلق اہم مشاورت کی جائے گی۔
ذرائع کے حوالے سے نجی ٹی وی کی رپورٹ میں بتایا گیا ہے کہ اس ترمیم کو 14 نومبر کو قومی اسمبلی سے منظور کرانے کا فیصلہ کیا گیا ہے، اسی مقصد کے لیے وزیراعظم اتحادی قیادت کو اعتماد میں لے رہے ہیں۔
وزیراعظم نے آئینی ترمیم کے معاملے پر تمام وزرا اور ارکانِ پارلیمنٹ کے غیر ملکی دورے منسوخ کردیے ہیں تاکہ مکمل حاضری یقینی بنائی جا سکے۔ اسپیکر قومی اسمبلی نے بھی تمام جماعتوں کے پارلیمانی رہنماؤں سے مشاورت مکمل کر لی ہے اور اجلاس کے ایجنڈے و شیڈول کی منظوری دے دی گئی ہے، تاہم ذرائع کا کہنا ہے کہ تحریکِ انصاف کے پارلیمانی لیڈرز نے اس مشاورتی عمل میں شرکت نہیں کی۔
ذرائع کے مطابق وزیراعظم سے آج پیپلز پارٹی کے رہنماؤں کا وفد ملاقات کرے گا، جو پارٹی کے سینٹرل ایگزیکٹو اجلاس سے قبل وزیراعظم سے آئینی ترمیم پر بات چیت کرے گا۔
پی پی وفد میں فاروق ایچ نائیک، مرتضیٰ وہاب، عرفان قادر، راجا پرویز اشرف، نوید قمر اور شیری رحمن شامل ہیں۔ وزیراعظم کی جانب سے مشاورت میں اسحاق ڈار، اعظم نذیر تارڑ، احسن اقبال، رانا ثناء اللہ اور اٹارنی جنرل منصور عثمان اعوان بھی شریک ہوں گے۔
ذرائع کا کہنا ہے کہ پیپلز پارٹی کا وفد وزیراعظم سے ملاقات کے بعد خصوصی طیارے کے ذریعے کراچی روانہ ہوگا تاکہ پارٹی کے سینٹرل ایگزیکٹو کمیٹی اجلاس میں شرکت کر سکے۔
دوسری جانب متحدہ قومی موومنٹ پاکستان (ایم کیو ایم) کا وفد بھی خالد مقبول صدیقی کی سربراہی میں وزیراعظم ہاؤس پہنچ چکا ہے۔ پارٹی رہنماؤں نے آئینی ترمیم میں شمولیت اور تجاویز کے حوالے سے اپنی سفارشات وزیراعظم کو پیش کی ہیں۔
.
ذریعہ
ذریعہ: Jasarat News
پڑھیں:
استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد طے
سٹی 42 : آزاد جموں و کشمیر کے عام انتخابات میں استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد پر اتفاق ہو گیا۔
استحکام پاکستان پارٹی آزاد کشمیر کے صدر و سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان طویل ملاقات کے بعد مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کے بعد بھی باہمی سیاسی تعاون، مشاورت اور مشترکہ حکمت عملی کے تحت آگے بڑھنے پر اتفاق کیا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
کن انتخابی حلقوں میں کس جماعت کے امیدوار کی حمایت کی جائے گی، اس کا حتمی فیصلہ دونوں جماعتوں کی مشترکہ رابطہ کمیٹی جلد اعلان کرے گی۔
دونوں قائدین نے مسلح افواج پاکستان اور قومی سلامتی کے اداروں کو ملک میں امن کے قیام، مسئلہ کشمیر اجاگر کرنے کیلئے کی جانے والی کوششوں کی تعریف کی، مسئلہ کشمیر سمیت اہم امور پر جاندار موقف دنیا کے سامنے ٹھوس طریقے سے سامنے لانے پر خراج تحسین پیش کیا.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار