صمود فلوٹیلا خطرے میں، مفتی تقی عثمانی نے مسلم دنیا کو جھنجھوڑ دیا
اشاعت کی تاریخ: 28th, September 2025 GMT
data-id="863a0a8" data-element_type="widget" data-widget_type="theme-post-content.default">
غزہ کا محاصرہ توڑنے کے لیے روانہ ہونے والا “گلوبل صمود فلوٹیلا” اپنی منزل کی جانب بڑھ رہا ہے اور جلد ہی رسک زون میں داخل ہوگا۔ دوسری جانب اسرائیل نے قافلے کو روکنے کے لیے مختلف آپشنز پر غور کرنے کی غرض سے ہفتے کی شام ہنگامی اجلاس طلب کرلیا ہے۔
عالمی میڈیا رپورٹس کے مطابق اٹلی اور اسپین نے فلوٹیلا کی حفاظت کے لیے اپنے بحری جہاز روانہ کر دیے ہیں تاکہ کسی ممکنہ حملے یا ہنگامی صورتحال میں متاثرین کو فوری امداد فراہم کی جا سکے۔
اس صورتحال پر معروف پاکستانی عالم دین مفتی تقی عثمانی نے بھی ردِعمل دیا ہے۔ ایکس (سابقہ ٹوئٹر) پر اپنے پیغام میں انہوں نے کہا کہ اسپین اور اٹلی نے صمود فلوٹیلا کی ہمراہی کے لیے جہاز اس لیے بھیجے ہیں تاکہ اگر قافلے پر حملہ ہو تو متاثرین کو امداد پہنچائی جا سکے۔ انہوں نے سوال اٹھایا: “کیا مسلمان ممالک انسان دوستی کے اس ادنیٰ مظاہرے سے بھی قاصر ہیں؟”
مفتی تقی عثمانی نے اپنی ٹوئٹ کے ذریعے عالم اسلام کی حکومتوں کو ان کی ذمہ داری یاد دلانے اور ان کی خاموشی پر افسوس کا اظہار کیا۔
ذریعہ: Jasarat News
کلیدی لفظ: کے لیے
پڑھیں:
ٹیکنالوجی کی دنیا میں نیا سنگ میل: دنیا کا سب سے چھوٹا سپر کمپیوٹر تخلیق
data-id="863a0a8" data-element_type="widget" data-widget_type="theme-post-content.default">
سان فرانسسکو: ٹیکنالوجی کی دنیا میں ایک نیا اور حیران کن سنگِ میل عبور کرلیا گیا ہے۔
جب بھی سپر کمپیوٹر کا تصور کیا جاتا ہے تو ذہن میں کسی دیو ہیکل مشین کا نقشہ بنتا ہے ۔ تاروں کا جال، درجنوں ایل ای ڈی لائٹس، بھاری مشینری اور بے پناہ توانائی کا استعمال، لیکن ٹیکنالوجی کمپنی انوڈیا نے اس تصور کو یکسر بدل کر رکھ دیا ہے۔
امریکی کمپنی انوڈیا نے دنیا کا سب سے چھوٹا سپر کمپیوٹر ڈی جی ایکس اسپارک (DGX Spark) متعارف کرایا ہے، جس کا سائز محض ایک عام کتاب جتنا ہے۔ حیرت انگیز طور پر اس کی کارکردگی کسی بڑے ڈیٹا سینٹر میں موجود سپر کمپیوٹر سے کم نہیں۔ اس چھوٹے مگر طاقتور کمپیوٹر کی قیمت 4 ہزار امریکی ڈالر رکھی گئی ہے اور انوڈیا نے اسے خصوصی طور پر ٹیسلا کے سی ای او ایلون مسک کو تحفے میں دیا ہے۔
ڈی جی ایکس اسپارک میں 128 جی بی یونیفائیڈ ریم (جو سی پی یو اور جی پی یو دونوں کے لیے مشترکہ ہے) دی گئی ہے۔ اس میں انوڈیا کنکٹ ایکس نیٹ ورکنگ ٹیکنالوجی شامل ہے جو ڈیٹا ٹرانسفر کو غیر معمولی رفتار سے ممکن بناتی ہے۔ اس کا دل کہی جانے والی بلیک ویل سپر چِپ پیٹا فلوپ (petaflop) سطح کی پرفارمنس فراہم کرتی ہے، جو کئی بڑے سپر کمپیوٹرز کے برابر ہے۔
اس چھوٹے سے کمپیوٹر کا وزن صرف ایک کلوگرام سے کچھ زیادہ ہے، لیکن یہ انوڈیا کے جدید ڈی جی ایکس آپریٹنگ سسٹم پر چلتا ہے جو مصنوعی ذہانت اور ہائی پرفارمنس کمپیوٹنگ کے لیے خاص طور پر تیار کیا گیا ہے۔
اس جدید ترین مشین کے پچھلے حصے میں چار یو ایس بی-سی پورٹس، ایک ایچ ڈی ایم آئی پورٹ، ایک ایتھرنیٹ پورٹ، اور دو QSFP پورٹس دی گئی ہیں جو عموماً سرورز، نیٹ ورک سوئچز اور اے آئی سپر کمپیوٹرز میں استعمال ہوتی ہیں۔
دلچسپ بات یہ ہے کہ ماضی کے مشہور سپر کمپیوٹر Cray کو چلانے کے لیے 10 گھروں کے برابر بجلی درکار ہوتی تھی، اس کی تنصیب میں ایک سال لگتا تھا اور وزن تقریباً پانچ ٹن ہوتا تھا، لیکن جدید ٹیکنالوجی نے محض چند سالوں میں یہ فاصلہ طے کرلیا کہ اب سپر کمپیوٹر آپ کی میز پر فٹ ہوسکتا ہے۔
ماہرین کے مطابق ڈی جی ایکس اسپارک کا یہ ماڈل مستقبل میں اے آئی ریسرچ، خودکار گاڑیوں اور روبوٹکس کے میدان میں انقلاب برپا کر سکتا ہے۔ ٹیکنالوجی کے شائقین اسے کمپیوٹنگ کی دنیا کا ایک نیا دور قرار دے رہے ہیں، جہاں طاقت اب سائز کی محتاج نہیں رہی۔
معروف گلوکارہ و اداکارہ دل کا دورہ پڑنے سے انتقال کر گئیں