لبریشن فرنٹ کی الجزیرہ ٹی وی کو قانونی کارروائی کی دھمکی
اشاعت کی تاریخ: 6th, October 2025 GMT
data-id="863a0a8" data-element_type="widget" data-widget_type="theme-post-content.default">
251006-08-18
اسلام آباد(صباح نیوز) جموں وکشمیر لبریشن فرنٹ نے الجزیرہ ٹی وی کو قانونی کارروائی کی دھمکی دی ہے ۔ جموں وکشمیر لبریشن فرنٹ نے کہا ہے کہ پارٹی کے چیئرمین یاسین ملک نئی دہلی کی تہاڑ جیل میں قید ہیں۔ الجزیرہ ٹی وی نے اپنی سائٹ پر نا معلوم مصنف کا مضمون شائع کیا ہے جس میں یاسین ملک کی ساکھ خراب کرنے کی کوشش کی گئی ہے ۔ یاسین ملک کے بیان حلفی کو بنیاد بنا کر ان کی کردار کشی کی گئی ہے ۔ ترجمان فرنٹ رفیق ڈار نے ایک بیان میں کہا ہے کہ الجزیرہ ٹی وی کی سائٹ پر نامعلوم رپورٹر کے مضمون کے پوشیدہ بدنیتی کے ارادے ہیں کہ وہ جموں کشمیر کے سب سے محترم آزادی پسند سیاسی رہنما کی شبیہ کو داغدار کرے۔ترجمان نے بہت واضح الفاظ میں میڈیا پلیٹ فارم کو خبردار کیا ہے کہ اگر الجزیرہ اس رپورٹ کو جلد از جلد درست نہیں کرتا تو پارٹی ہتک عزت کا دعوی کرنے کا حق محفوظ رکھتی ہے ایک نامعلوم رپورٹر نے محمد یاسین ملک کی دہلی ہائی کورٹ میں بھارتی تحقیقاتی ادارے کی سزائے موت کی درخواست کے جواب میں جمع کرائی گئی 85 صفحات کی رپورٹ پر مضمون لکھا ہے اس پلیٹ فارم کا استعمال کرتے ہوئے، بغیر دستاویز اور اس کے مواد میں گہرائی میں جائزہ لیے بغیر مضمون لکھا گیا ہے ۔
ذریعہ: Jasarat News
کلیدی لفظ: الجزیرہ ٹی یاسین ملک
پڑھیں:
کراچی، سمندر کے راستے شہریوں کو غیر قانونی طور پر بیرون ملک بھجوانے میں ملوث ملزم گرفتار
کراچی:وفاقی تحقیقاتی ادارہ (ایف آئی اے) انسداد انسانی اسمگلنگ نےکارروائی کے دوران سمندر کے راستے شہریوں کو غیر قانونی بیرون ملک بھجوانے میں ملوث غیر قانونی ٹریول ایجنٹ کو گرفتار کرلیا۔
ترجمان ایف آئی اے کے مطابق اینٹی ہیومن ٹریفکنگ سرکل کراچی نے کارروائی کے دوران سمندر کے راستے شہریوں کو غیر قانونی طور پر بیرون ملک بھجوانے میں ملوث اشتہاری ملزم محمد علی کو کراچی سے گرفتار کرلیا۔
انہوں نے بتایا کہ گرفتار ملزم شہریوں کو جیوانی کے راستے ایران اور عراق بھجوانے میں ملوث ہے، ملزم کے خلاف کارروائی متاثرہ شہری کی شکایت پر عمل میں لائی گئی ہے۔
ترجمان کے مطابق ملزم کی جانب سے بھجوائے گئے شہری کو عراق سے واپس پاکستان ڈی پورٹ کیا گیا تھا۔
ان کا کہنا تھا کہ ملزم نے شہری کو عراق میں ملازمت دلانے کا جھانسہ دے کر ایک لاکھ 50 ہزار روپے بٹورے تھے، گرفتار ملزم جیوانی کے راستے بیرون ملک بھجوانے میں ملوث گینگ کے ساتھ رابطے میں تھا۔
ترجمان نے بتایا کہ اس حوالے سے مزید تحقیقات شروع کردی گئی ہیں، انسانی اسمگلنگ میں ملوث عناصر کے خلاف کریک ڈاون جاری ہے اور ملزمان کی گرفتاری کے لیے تمام تر وسائل کو بروئے کار لایا جا رہا ہے۔
کراچی میں آج دوپہر کے بعد گرج چمک کے ساتھ ہلکی بارش کا امکان