آسٹریلیا میں کم عمر کرکٹر نیٹس پریکٹس کے دوران گیند لگنے سے جاں بحق
اشاعت کی تاریخ: 30th, October 2025 GMT
data-id="863a0a8" data-element_type="widget" data-widget_type="theme-post-content.default">
کینبرا: آسٹریلیا کے شہر میلبرن میں افسوسناک واقعہ پیش آیا، جہاں 17 سالہ نوجوان کرکٹر بین آسٹن نیٹس میں پریکٹس کے دوران سر پر گیند لگنے سے جاں بحق ہوگیا۔
عالمی میڈیا رپورٹس کے مطابق یہ حادثہ اس وقت پیش آیا جب بین آسٹن نیٹس میں بیٹنگ کی مشق کر رہا تھا کہ ایک تیز رفتار گیند اس کے سر اور گردن کے درمیانی حصے پر جا لگی۔ گیند لگتے ہی وہ فوری طور پر زمین پر گر گیا اور ہوش و حواس کھو بیٹھا۔
واقعے کی اطلاع ملتے ہی ہنگامی طبی عملہ فوری طور پر موقع پر پہنچا اور ابتدائی طبی امداد فراہم کرنے کے بعد اسے شدید تشویشناک حالت میں اسپتال منتقل کیا گیا۔
ڈاکٹروں کے مطابق بین آسٹن کو کچھ دیر کے لیے وینٹی لیٹر پر رکھا گیا تاہم سر پر شدید چوٹ لگنے کے باعث وہ جانبر نہ ہوسکا اور چند گھنٹوں بعد دم توڑ گیا۔ نوجوان کرکٹر کی اچانک موت نے مقامی کھیلوں کے حلقوں میں غم و اندوہ کی فضا پیدا کر دی۔
کرکٹ آسٹریلیا نے اس واقعے پر گہرے افسوس کا اظہار کرتے ہوئے آسٹن کے اہلِ خانہ اور ساتھی کھلاڑیوں سے ہمدردی کا اظہار کیا ہے۔
بورڈ کے ترجمان نے بیان میں کہا کہ ہم بین کے اہلِ خانہ، دوستوں اور کوچنگ عملے کے دکھ میں برابر کے شریک ہیں۔ یہ کرکٹ برادری کے لیے ایک ناقابلِ بیان نقصان ہے۔
واضح رہے کہ یہ پہلا موقع نہیں جب کرکٹ میدان میں اس نوعیت کا سانحہ پیش آیا ہو۔ اس سے قبل 2014 میں آسٹریلیا ہی کے معروف بلے باز فل ہیوز ڈومیسٹک میچ کے دوران اسی طرح کے حادثے کا شکار ہوئے تھے۔ انہیں بھی تیز گیند گردن پر لگی تھی، جس کے نتیجے میں وہ چند دن اسپتال میں زیرِ علاج رہنے کے بعد انتقال کر گئے تھے۔
.
ذریعہ
ذریعہ: Jasarat News
پڑھیں:
جھانوی کپور کی وائرل ویڈیو، پروموشنل ایونٹ میں خوفزدہ ردعمل
بالی وڈ اداکارہ جھانوی کپور(Janhvi Kapoor) کی ایک ویڈیو سوشل میڈیا پر تیزی سے وائرل ہو رہی ہے، جس میں انہیں ایک پروموشنل تقریب کے دوران خوفزدہ اور پریشان حالت میں دیکھا جا سکتا ہے۔ یہ واقعہ مداحوں اور سوشل میڈیا صارفین کی بھرپور توجہ کا مرکز بن گیا ہے۔
بھارتی میڈیا رپورٹس کے مطابق یہ واقعہ فلم ’پیڈی‘ کی تشہیری تقریب کے دوران پیش آیا، جہاں جھانوی کپور اور اداکار رام چرن اپنی آنے والی تیلگو فلم کی پروموشن میں شریک تھے۔ تقریب کے دوران اچانک اس وقت صورتحال بگڑ گئی جب ایک مداح جذباتی طور پر قابو سے باہر ہو گیا اور سیکیورٹی حصار توڑ کر اسٹیج کی طرف بڑھ گیا۔
رپورٹس کے مطابق مذکورہ مداح، جو رام چرن سے مشابہت رکھتا تھا، نے سیکیورٹی کو چکمہ دیتے ہوئے اداکار کے قریب پہنچنے کی کوشش کی۔ اس اچانک صورتحال کے باعث تقریب میں افراتفری پھیل گئی اور موقع پر موجود سیکیورٹی اہلکار فوری طور پر حرکت میں آ گئے۔
مزیدپڑھیں:وفاقی وزیر توانائی اویس لغاری کا خراب کارکردگی کے حامل فیلڈ افسران کے خلاف فوری تادیبی کارروائی کا حکم
View this post on Instagram
A post shared by Bollywood Bubble (@bollywoodbubble)
اسی دوران فلورنس سے تعلق رکھنے والے گیمبیا کے ایم ایم اے فائٹر کیون کنٹا نے بھی فوری ردعمل دیتے ہوئے صورتحال کو قابو میں کرنے میں مدد کی۔ تاہم اس پورے واقعے کے دوران جھانوی کپور واضح طور پر خوف اور گھبراہٹ کی کیفیت میں نظر آئیں، جس کی ویڈیو اب سوشل میڈیا پر وائرل ہو رہی ہے۔
بعد ازاں سیکیورٹی نے اس مداح کو قابو میں لے لیا اور اسے اداکار رام چرن سے ملاقات کی اجازت بھی دی گئی، جہاں وہ جذباتی ہو کر ان کے قدموں میں بھی گر گیا۔ تاہم اس پورے واقعے میں سب سے زیادہ توجہ جھانوی کپور کے ردعمل نے حاصل کی، جو اس غیر متوقع صورتحال سے شدید متاثر دکھائی دیں۔
واضح رہے کہ فلم ’پیڈی‘ 4 جون کو ریلیز ہونے جا رہی ہے، جس کی ہدایت کاری بوچی بابو ثنا کر رہے ہیں۔ فلم میں رام چرن اور جھانوی کپور کے ساتھ شوا راجکمار، جگپتی بابو، دیویندو اور بومن ایرانی بھی اہم کرداروں میں شامل ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ