وزیراعلیٰ پنجاب ’کوپ کانفرنس‘ میں اسموگ پر بھارت سے آلودگی کا معاملہ اٹھائیں گی
اشاعت کی تاریخ: 7th, November 2025 GMT
اقوامِ متحدہ کی موسمیاتی تبدیلیوں سے متعلق 30ویں کانفرنس (COP30) میں قریباً 200 ممالک کے نمائندے شرکت کر رہے ہیں۔ ان میں عالمی رہنما، سائنس دان، غیر سرکاری تنظیمیں (NGOs)، مقامی کمیونٹیز اور سول سوسائٹی کے نمائندے شامل ہیں۔
کانفرنس اقوامِ متحدہ کے تحت منعقد ہونے والی سالانہ عالمی بیٹھک ہے، جس کا مقصد موسمیاتی تبدیلیوں سے نمٹنے کے اقدامات پر پیشرفت ہے۔
کانفرنس کا انعقاد برازیل کے شہر بیلم (Belém) میں کیا جا رہا ہے، جو ایمیزون کے جنگلات کے قریب واقع ہے۔ یہ اجلاس 6 سے 21 نومبر 2025 تک جاری رہے گا، جس میں 7 نومبر کو عالمی رہنماؤں کی سربراہی کانفرنس ’بیلم کلائمیٹ سمٹ‘ منعقد ہوگی، جبکہ 10 سے 21 نومبر تک رسمی مذاکرات ہوں گے۔
مزید پڑھیں: پنجاب اسمبلی: اسموگ اور موسمی بیماریوں کے تدارک سے متعلق قرارداد منظور
پاکستان کے صوبہ پنجاب کی وزیراعلیٰ مریم نواز شریف کانفرنس میں شرکت کے لیے برازیل کے شہر بیلم پہنچ چکی ہیں۔ کانفرنس ماحولیاتی بحرانوں سے نمٹنے کے حوالے سے ایک اہم عالمی فورم ہے، جہاں وزیراعلیٰ پنجاب پاکستان کی نمائندگی کرتے ہوئے صوبائی سطح پر ماحولیاتی اقدامات اجاگر کریں گی۔
وہ خاص طور پر پاکستان میں بڑھتی ہوئی اسموگ کے مسئلے پر بات کرتے ہوئے بھارت کی جانب سے فصلوں کی باقیات جلانے کو ایک بڑی وجہ قرار دیں گی۔ وزیراعلیٰ مریم نواز نے اپنے سوشل میڈیا اکاؤنٹ ایکس (X) پر ایک پوسٹ میں کہا: ’میں COP30 بیلم، برازیل جا رہی ہوں، جہاں پنجاب کی موسمیاتی تبدیلیوں سے نمٹنے کی جدوجہد کو عالمی سطح پر پیش کروں گی۔
ان کا کہنا تھا کہ ’سُتھرا پنجاب‘، ای-موبلٹی، ایئر کوالٹی لیڈرشپ اور وائلڈ لائف پروٹیکشن جیسے اقدامات کو دنیا کے سامنے رکھوں گی۔‘
مزید پڑھیں: پنجاب حکومت کا اسموگ سے نمٹنے کے لیے بڑا فیصلہ، مارکیٹوں کے اوقات کار تبدیل
انہوں نے مزید کہا کہ وہ پاکستان کی جانب سے موسمیاتی قیادت کی نئی لہر کی نمائندگی کرتے ہوئے عالمی رہنماؤں، سائنس دانوں اور ماہرین سے ملاقاتیں کریں گی تاکہ سیارے کے مستقبل کے لیے مشترکہ حل تلاش کیے جا سکیں۔
پنجاب کی سینئر وزیر برائے ماحولیات مریم اورنگزیب بھی وزیراعلیٰ کے ہمراہ ہیں۔ کانفرنس کے دوران مریم نواز پنجاب کے فلیگ شپ منصوبوں ، سُتھرا پنجاب مہم، ای-موبلٹی، ایئر کوالٹی مینجمنٹ اور بائیو ڈائیورسٹی پروٹیکشن پر بریفنگ دیں گی۔
یہ پہلا موقع ہے کہ پاکستان کا کوئی صوبائی رہنما اقوامِ متحدہ کی موسمیاتی کانفرنس میں ملک کی نمائندگی کر رہا ہے۔
مزید پڑھیں: پنجاب پولیس کا اسموگ کے خلاف بڑا کریک ڈاؤن، 24 گھنٹوں میں 28 مقدمات، 396 افراد پر جرمانے
اسموگ کا معاملہ اور بھارت کرداروزیراعلیٰ مریم نواز کانفرنس میں پاکستان میں اسموگ کی بگڑتی ہوئی صورتحال پر خصوصی بات کریں گی۔ ان کا مؤقف ہے کہ لاہور سمیت پنجاب کے شہروں میں اسموگ کا قریباً 40 فیصد حصہ بھارت کی طرف سے آنے والی ہواؤں کے ذریعے داخل ہوتا ہے، جہاں فصلوں کی باقیات جلانے کا عمل بڑے پیمانے پر جاری ہے۔
وہ کانفرنس کے شرکاء کو آگاہ کریں گی کہ پاکستان اسموگ کے اس خطرناک مسئلے سے کس طرح نمٹ رہا ہے، اور وہ عالمی فورم پر ’کلائمیٹ ڈپلومیسی‘ کے فروغ اور بھارت سے مشترکہ اقدامات کی بھی تجویز دیں گی۔
اس سے قبل مریم نواز نے بھارتی پنجاب کے وزیراعلیٰ کو خط لکھنے کا اعلان بھی کیا تھا، تاہم COP30 جیسے عالمی پلیٹ فارم پر وہ یہ مسئلہ زیادہ مؤثر انداز میں اٹھانے جا رہی ہیں۔
مزید پڑھیں: پنجاب میں اسموگ کے خاتمے کے لیے ’اینٹی اسموگ گنز‘ کا استعمال
پنجاب حکومت کے مطابق، صوبے میں اسموگ سے نمٹنے کے لیے گرین لاک ڈاؤن، مصنوعی بارشیں اور دیگر اقدامات کیے جا رہے ہیں، مگر سرحد پار آلودگی (Transboundary Pollution) کی وجہ سے مکمل کنٹرول ممکن نہیں۔
وزیراعلیٰ مریم نواز کانفرنس کے دوران ایشین ڈویلپمنٹ بینک، ورلڈ بینک اور یو این ڈی پی کے عہدیداران سے بھی ملاقات کریں گی تاکہ ماحولیاتی فنڈنگ اور تکنیکی تعاون حاصل کیا جا سکے۔
وزیراعلیٰ مریم نواز کی شرکت سے پاکستان کی موسمیاتی سفارت کاری کو نئی قوت ملنے کی توقع ہے، خصوصاً ترقی پذیر ممالک کے لیے فنڈنگ، ٹرانس باؤنڈری آلودگی اور علاقائی تعاون جیسے معاملات پر۔ ترجمان پنجاب حکومت کے مطابق، یہ دورہ پنجاب کی گرین انیشی ایٹوز کو عالمی سطح پر تسلیم کرانے کا ایک اہم موقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
COP30 اسموگ بھارت سے آلودگی وزیراعلٰی پنجاب وزیراعلیٰ مریم نواز شریف.ذریعہ: WE News
کلیدی لفظ: اسموگ بھارت سے آلودگی وزیراعلی مریم نواز شریف کی موسمیاتی سے نمٹنے کے مزید پڑھیں میں اسموگ مریم نواز اسموگ کے پنجاب کی کریں گی کے لیے
پڑھیں:
عوام کی حفاظت ذمہ داری، انتشارہرگز قبول نہیں: مریم نواز
لاہور: (نیوزڈیسک) وزیراعلیٰ پنجاب مریم نواز شریف نے کہا ہے کہ صوبے کے عوام کے جان و مال کی حفاظت ریاست کی ذمہ داری ہے، انتشار پھیلانے کی ہرگز اجازت نہیں دیں گے۔
وزیراعلیٰ پنجاب مریم نواز شریف سے وزیرآباد اور میانوالی کے ارکان اسمبلی اور ٹکٹ ہولڈرز نے ملاقات کی جس میں عوامی مسائل، ضروریات اور ترقیاتی منصوبوں پر تفصیلی گفتگو کی گئی، دوران ملاقات وزیراعلیٰ مریم نواز شریف کے خصوصی پراجیکٹس کو سراہا گیا۔
پارلیمنٹرینز نے وزیرآباد اور میانوالی میں گرین بس پراجیکٹ کے آغاز پر خصوصی طور شکریہ ادا کیا اور ستھرا پنجاب پراجیکٹ کو سراہا۔
پارلیمنٹرینز نے صوبے بھر میں امن وامان کی صورتحال پر وزیراعلیٰ مریم نواز شریف کے ساتھ ہمقدم چلنے کا عہد کیا، انہوں نے صوبے میں کاروباری سرگرمیاں بڑھانے کیلئے ای بز پورٹل لانچ کرنے پر وزیراعلیٰ مریم نواز شریف کو خراج تحسین بھی پیش کیا۔
ارکان پارلیمنٹ نے نجی املاک پر ناجائز قبضے ختم کرانے کے لئے وزیراعلیٰ پنجاب کے تاریخی اقدام کو بھی سراہا۔
اس موقع پر وزیراعلیٰ پنجاب مریم نواز کا کہنا تھا کہ عوام کی خدمت ہی مسلم لیگ (ن) اور قائد محمد نواز شریف کا منشور ہے، کسان کارڈ، گھر کی دہلیز تک مفت ادویات پراجیکٹ سمیت دیگر منصوبے ترقی اور خوشحالی کیلئے کاوشوں کا منہ بولتا ثبوت ہیں۔
انہوں نے کہا کہ پنجاب میں پہلی مرتبہ 30 لاکھ افراد کو 10 ہزار روپے کا پے آرڈر گھر کی دہلیز پر پہنچایا گیا، صوبے بھر میں 15 لاکھ افراد کو راشن کارڈ کے ذریعے تین ہزار روپے ماہانہ مل رہے ہیں، صوبے کے عوام کے جان و مال کی حفاظت ریاست کی ذمہ داری ہے، انتشار پھیلانے کی اجازت ہرگز نہیں دیں گے۔
مریم نواز کا کہنا تھا کہ روز اول سے ہی مخلوق خدا کی خدمت کا عزم کر رکھا ہے، پنجاب کے کسان کو مایوس نہیں کریں گے، ذمہ داریاں پوری طرح نبھائیں گے، مستقبل میں پنجاب کے عوام کیلئے بہت سے بڑے بڑے پراجیکٹس منتظر ہیں۔
پارلیمنٹرینز نے کہا کہ گرین بس دیہات تک پہنچ گئی ہے، میانوالی کے عوام وزیراعلیٰ مریم نواز شریف کے گن گاتے ہیں، مریم نواز شریف اعلان بعد میں کرتی ہیں منصوبے پر عمل درآمد پہلا کیا جاتا ہے، عوام وزیراعلیٰ مریم نواز شریف کی شفافیت اور میرٹ پالیسی کے مداح ہیں۔
ان کا کہنا تھا کہ وزیراعلیٰ مریم نوازشریف کی بے لاگ قیادت نے صوبے کی تقدیر بدل دی ہے، میانوالی سے گرین بس پراجیکٹ کا آغاز وزیراعلیٰ پنجاب کے مساوی ترقی کے ویژن کا عکاس ہے۔
پارلیمنٹرینز نے مزید کہا کہ وزیراعلیٰ پنجاب مریم نواز نے میانوالی کے بعد وزیرآباد سے گرین بس پراجیکٹ کا آغاز کر کے ثابت کیا کہ وہ وعدے نبھانا جانتی ہیں، ان کے بے مثال ترقیاتی پراجیکٹس نے عوام کے دل جیت لئے ہیں۔
افغانستان کے ساتھ مذاکرات کے نتیجے تک سب کچھ معطل رہےگا