وادی کشمیر بھر میں بھارتی ایجنسی و پولسی کے چھاپے، 70 افراد گرفتار
اشاعت کی تاریخ: 10th, November 2025 GMT
جموں کشمیر پولیس حکام کے مطابق یہ قدم مقامی سطح پر دہشت گردی کو سہارا دینے والے نیٹ ورکس کو ختم کرنے اور ریاست میں پائیدار امن و استحکام کو یقینی بنانے کیلئے اٹھایا گیا ہے۔ اسلام ٹائمز۔ جموں و کشمیر پولیس نے دہشتگرد نیٹ ورکس کے خلاف جاری کریک ڈاؤن کے دوران کشمیر بھر میں چھاپوں کے دوران 70 سے زائد افراد کو گرفتار کیا گیا ہے۔ پولیس بیان کے مطابق غیر قانونی سرگرمیوں کے مقدمات میں ضمانت کی شرائط کی خلاف ورزی کرنے والے درجنوں افراد کے خلاف قانونی کارروائی شروع کر دی گئی ہے۔ پولیس کے مطابق چھاپے ہفتے کے روز سے شروع ہو کر آج تیسرے روز بھی جاری رہے۔ پولیس کا کہنا ہے کہ ان چھاپوں کا مقصد پاکستان سے منسلک دہشتگرد نیٹ ورکس کو تباہ کرنا ہے۔ اس دوران درجنوں رہائشی مکانات پر چھاپے مارے گئے جن میں اوور گراؤنڈ ورکرز، دہشت گردوں کے ہمدردوں اور پاکستان میں مقیم عسکریت پسندوں کے رشتہ داروں کی املاک شامل ہیں۔ پولیس نے ان گھروں پر بھی کارروائی کی جہاں ماضی میں (انکاؤنٹرز) جھڑپیں ہو چکی ہیں۔
جموں کشمیر پولیس حکام کے مطابق یہ قدم مقامی سطح پر دہشت گردی کو سہارا دینے والے نیٹ ورکس کو ختم کرنے اور ریاست میں پائیدار امن و استحکام کو یقینی بنانے کے لئے اٹھایا گیا ہے۔ وسطی کشمیر کے گاندربل ضلع میں پولیس نے 39 افراد کو متعدد مقامات سے مربوط کارروائیوں کے دوران حراست میں لے لیا۔ پولیس بیان کے مطابق انہیں دینگنی بل جیل بھیج دیا گیا ہے کیونکہ ان افراد کے خلاف امن عامہ اور سلامتی کے لئے نقصان دہ سرگرمیوں میں ملوث ہونے کی معتبر اطلاعات ملی تھیں۔ شمالی کشمیر کے بارہمولہ ضلع میں پولیس نے 21 دہشت گردوں کے معاونین کو غیر قانونی سرگرمیوں میں مدد دینے کے الزام میں گرفتار کیا جبکہ مزید 10 افراد کو بھی حراست میں لیا گیا ہے۔ وہیں جنوبی کشمیر کے اننت ناگ، پلوامہ، شوپیاں اور کولگام اضلاع میں بھی اسی طرح کی تلاشی اور چھاپہ مار کارروائیاں مختلف مقامات پر انجام دی گئیں۔
کولگام میں پولیس نے او جی ڈبلیوز، یو اے پی اے (UAPA) اور پی ایس اے (PSA) کے تحت نامزد ملزمان، دہشت گردوں کے ہمدردوں، معاونین اور پاکستان میں مقیم عسکریت پسندوں کے رشتہ داروں کے رہائشی مکانات پر چھاپے مارے گئے۔ ان میں سے آٹھ رشتہ داروں کو احتیاطی قوانین کے تحت جیل منتقل کیا گیا۔ پولیس کے مطابق متعدد مشتبہ افراد سے بھی پوچھ گچھ کی گئی اور کئی گھروں کی بھی تلاشی لی گئی۔ اسی دوران پولیس نے تین اضلاع اننت ناگ، سوپور اور شوپیاں میں یو اے پی اے کے تحت ضمانت یافتہ ملزمان کی ضمانت منسوخ کرنے کے لیے 36 درخواستیں جمع کرائی ہیں۔ پولیس کے ایک ترجمان نے کہا کہ یہ کارروائیاں دہشت گردی اور اس کے معاون نیٹ ورکس کے خلاف زیرو ٹالرینس پالیسی کا حصہ ہیں۔ پولیس بیان کے مطابق یو اے پی اے کے تحت گرفتار اور ضمانت پر رہا کئے گئے کئی افراد ضمانتی شرائط کی خلاف ورزی کرتے ہوئے دوبارہ غیر قانونی سرگرمیوں میں ملوث پائے گئے ہیں۔
ذریعہ
ذریعہ: Islam Times
کلیدی لفظ: کے مطابق پولیس نے نیٹ ورکس کے خلاف گیا ہے کے تحت
پڑھیں:
کراچی، شہر کے مختلف علاقوں میں پولیس مقابلے، 6 زخمیوں سمیت 9 ڈاکو گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران 6 زخمیوں سمیت 9 ڈاکوؤں کو گرفتار کر لیا۔
کارروائیوں کے دوران ملزمان کے قبضے سے اسلحہ، چھینے گئے موبائل فونز، نقد رقم اور موٹر سائیکلیں بھی برآمد کر لی گئیں۔
پولیس کے مطابق شاہ لطیف تھانے کی حدود میں بھینس کالونی کے قریب ایک نجی یونیورسٹی کے سامنے مبینہ پولیس مقابلے کے بعد ایک ڈاکو کو زخمی حالت میں گرفتار کیا گیا۔
زخمی ملزم کو جناح اسپتال منتقل کیا گیا جہاں اس کی شناخت جاوید عرف راول کے نام سے ہوئی۔
پولیس کا کہنا ہے کہ گرفتار ملزم اسٹریٹ کرائمز، ڈکیتی اور دیگر سنگین جرائم کی متعدد وارداتوں میں مطلوب تھا اور ماضی میں 15 سے زائد مقدمات میں گرفتار ہو کر جیل جا چکا ہے۔ ملزم کے قبضے سے اسلحہ، چھینے گئے موبائل فونز اور نقد رقم بھی برآمد ہوئی۔
دوسری کارروائی اقبال مارکیٹ تھانے کی حدود اورنگی ٹاؤن سیکٹر ساڑھے گیارہ میں کی گئی جہاں مبینہ مقابلے کے بعد دو ڈاکوؤں کو گرفتار کر لیا گیا۔
زخمی ملزم سہیل کو عباسی شہید اسپتال منتقل کیا گیا جبکہ اس کے ساتھی اکرم کو تھانے منتقل کر دیا گیا۔
مزید پڑھیںکراچی، پولیس اور ایس آئی یو کے ڈاکوؤں کے ساتھ مقابلے، 1 ڈاکو ہلاک، 3 زخمی حالت میں گرفتار
پولیس نے ملزمان کے قبضے سے اسلحہ، موبائل فون، نقد رقم اور موٹر سائیکل برآمد کرنے کا دعویٰ کیا ہے۔
ادھر بہادرآباد تھانے کی حدود میں کنگری ہاؤس کے قریب مبینہ پولیس مقابلے کے دوران دو ڈاکو گرفتار کیے گئے جن میں ایک زخمی ملزم جان شیر بھی شامل ہے۔
زخمی ملزم کو جناح اسپتال منتقل کیا گیا۔ پولیس کے مطابق گرفتار ملزمان سے اسلحہ، موبائل فونز، نقد رقم اور موٹر سائیکل برآمد کی گئی۔
ایک اور کارروائی فیروز آباد پولیس اور شاہین فورس نے جیل چورنگی کے قریب مشترکہ طور پر کی جہاں مبینہ مقابلے کے بعد دو ڈاکو زخمی حالت میں گرفتار کر لیے گئے۔
پولیس کا کہنا ہے کہ ملزمان کے قبضے سے اسلحہ، موبائل فونز، نقد رقم اور موٹر سائیکل برآمد ہوئی ہے۔
پولیس حکام کے مطابق گرفتار ملزمان کے خلاف مقدمات درج کر کے تفتیش کا آغاز کر دیا گیا ہے جبکہ ان کے دیگر ساتھیوں اور جرائم پیشہ نیٹ ورک سے متعلق بھی تحقیقات جاری ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ