پنجاب حکومت کے کسی بھی پروگرام میں سفارش نہیں چل سکتی، عظمیٰ بخاری
اشاعت کی تاریخ: 11th, January 2025 GMT
وزیراطلاعات پنجاب نے پریس کانفرنس میں کہا کہ مکافات عمل ہے اس شخص کیلئے کہ کل اس سے کوئی جیل میں ملنے نہیں گیا، یہ شخص اللہ کے مکافات عمل کا شکار ہورہا تھا، وہ کے پی حکومت جو ہزار ارب سے زیادہ کی مقروض ہے، آج کابینہ کی تعداد تینتیس کردی گئی ہے، گنڈاپور نے پہلے کون سے جھنڈے گاڑ لیئے تھے جو آج کابینہ بڑھائی گئی ہے۔ اسلام ٹائمز۔ صوبائی وزیر اطلاعات و ثقافت عظمی بخاری نے لاہور میں پریس کانفرنس کے دوران کہا کہ کوئی بھی ذی شعور پاکستانی ان کو سپورٹ نہیں کر رہا، عوام نے ان کا شناخت کرلیا ہے کہ یہ ملک کیلئے شدید خطرہ ہیں۔ انہوں نے کہا کہ وزیراعلیٰ پنجاب مریم نواز ہر روز کسی نہ کسی پراجیکٹ کو لانچ کر رہی ہیں، تیس ہزار بچوں کو سکالر شپ دیا جا رہا ہے، دس ماہ کی حکومت کے اندر ایسا کوئی دن نہیں کہ عوام کو ریلیف نہ دیا گیا ہو، بچوں کو سکالر شپ وزیراعلیٰ نے جا کر دیئے، وزیراعلیٰ کی کوشش ہے کہ سکالر شپ تیس ہزار سے ایک لاکھ تک لیکر جانے ہیں۔ انہوں نے کہا کہ کل لائیو سٹاک کارڈ وزیراعلیٰ پنجاب نے شروع کیا ہے، مویشی پالنے والوں کو بھی پیسے دیئے جا رہے ہیں، مویشیوں کا پروگرام گیارہ ارب روپے کا پروجیکٹ ہے، لیپ ٹاپ پروگرام شہباز شریف کا پروگرام تھا، اس لئے پچھلے دور میں بند کر دیا گیا۔
عظمیٰ بخاری نے کہا کہ تحریک انصاف کے دور میں لنگر خانے اور بھنگ کے پروگرام شروع کئے، لیپ ٹاپ کی کھیپ پاکستان پہنچ گئی ہے، پنجاب حکومت کے کسی بھی پروگرام میں سفارش نہیں چل سکتی، پہلے پھونکوں اور گنڈوں کی حکومت تھی تو پاکستان نیچے جا رہا تھا، اب الحمداللہ پاکستان آگے بڑھ رہا ہے، پہلے کہتا تھا کہ این آر او نہیں لوں گا، اب گھٹنوں پر بیٹھ کر این آر او مانگ رہا ہے۔ وزیر اطلاعات کا کہنا ہے کہ یہ مکافات عمل ہے اس شخص کیلئے کہ کل اس سے کوئی جیل میں ملنے نہیں گیا، یہ شخص اللہ کے مکافات عمل کا شکار ہورہا تھا، وہ کے پی حکومت جو ہزار ارب سے زیادہ کی مقروض ہے، آج کابینہ کی تعداد تینتیس کردی گئی ہے، گنڈاپور نے پہلے کون سے جھنڈے گاڑ لیئے تھے جو آج کابینہ بڑھائی گئی ہے۔
عظمیٰ بخاری نے کہا کہ مال مفت دل بے رحم ہو رہا ہے، لوگوں کو بھرتی کیا جا رہا ہے، گنڈاپور اور ان کی کابینہ کرپشن میں لتھڑی ہوئی ہے، ان کے اپنے ایم این اے، ایم پی ایز ان پر سوالات اٹھا رہے ہیں۔ وزیر اطلاعات نے کہاکہ بارہ سال سے مسلط ایک نالائق اور نااہل شخص کی وجہ سے مسلط ہیں، یہ صرف چاہتے ہیں کہ عمران خان کو اڈیالہ میں بھنا ہوا گوشت ملتا رہے۔
ذریعہ: Islam Times
کلیدی لفظ: آج کابینہ نے کہا کہ رہا ہے گئی ہے
پڑھیں:
ایم کیو ایم قیادت کی جانب سے بے نظیر انکم سپورٹ پروگرام پر تنقید افسوسناک ہے، ترجمان سندھ حکومت
اپنے بیان میں بلند خان جونیجو نے کہا کہ ایم کیو ایم پاکستان اگر واقعی عوامی خدمت کی دعوے دار ہے تو بتائے کہ اس نے اپنے ادوارِ حکومت میں شہری غریبوں کے لیے کیا کیا؟، تنقید برائے تنقید سے بہتر ہے کہ ان سچائیوں کو تسلیم کیا جائے جو عوام کے مفاد میں ہیں۔ اسلام ٹائمز۔ ترجمان سندھ حکومت بلند خان جونیجو نے کہا ہے کہ ایم کیو ایم پاکستان کی قیادت کی جانب سے بے نظیر انکم سپورٹ پروگرام پر تنقید افسوسناک ہے۔ اپنے بیان میں ترجمان سندھ حکومت نے کہا کہ یہ ایک شفاف اور غیر سیاسی فلاحی منصوبہ ہے جو 90 لاکھ سے زائد کمزور گھرانوں خصوصاً خواتین کی مدد کر رہا ہے، یہ محض ایک اسکیم نہیں بلکہ کروڑوں پاکستانیوں کی زندگی اور وقار سے جڑا ہوا ہے۔ بلند خان جونیجو نے کہا کہ ایم کیو ایم پاکستان اگر واقعی عوامی خدمت کی دعوے دار ہے تو بتائے کہ اس نے اپنے ادوارِ حکومت میں شہری غریبوں کے لیے کیا کیا؟، تنقید برائے تنقید سے بہتر ہے کہ ان سچائیوں کو تسلیم کیا جائے جو عوام کے مفاد میں ہیں۔
کراچی، دو مختلف واقعات میں 2 افراد جاں بحق