پنجاب حکومت کے کسی بھی پروگرام میں سفارش نہیں چل سکتی، عظمیٰ بخاری
اشاعت کی تاریخ: 11th, January 2025 GMT
وزیراطلاعات پنجاب نے پریس کانفرنس میں کہا کہ مکافات عمل ہے اس شخص کیلئے کہ کل اس سے کوئی جیل میں ملنے نہیں گیا، یہ شخص اللہ کے مکافات عمل کا شکار ہورہا تھا، وہ کے پی حکومت جو ہزار ارب سے زیادہ کی مقروض ہے، آج کابینہ کی تعداد تینتیس کردی گئی ہے، گنڈاپور نے پہلے کون سے جھنڈے گاڑ لیئے تھے جو آج کابینہ بڑھائی گئی ہے۔ اسلام ٹائمز۔ صوبائی وزیر اطلاعات و ثقافت عظمی بخاری نے لاہور میں پریس کانفرنس کے دوران کہا کہ کوئی بھی ذی شعور پاکستانی ان کو سپورٹ نہیں کر رہا، عوام نے ان کا شناخت کرلیا ہے کہ یہ ملک کیلئے شدید خطرہ ہیں۔ انہوں نے کہا کہ وزیراعلیٰ پنجاب مریم نواز ہر روز کسی نہ کسی پراجیکٹ کو لانچ کر رہی ہیں، تیس ہزار بچوں کو سکالر شپ دیا جا رہا ہے، دس ماہ کی حکومت کے اندر ایسا کوئی دن نہیں کہ عوام کو ریلیف نہ دیا گیا ہو، بچوں کو سکالر شپ وزیراعلیٰ نے جا کر دیئے، وزیراعلیٰ کی کوشش ہے کہ سکالر شپ تیس ہزار سے ایک لاکھ تک لیکر جانے ہیں۔ انہوں نے کہا کہ کل لائیو سٹاک کارڈ وزیراعلیٰ پنجاب نے شروع کیا ہے، مویشی پالنے والوں کو بھی پیسے دیئے جا رہے ہیں، مویشیوں کا پروگرام گیارہ ارب روپے کا پروجیکٹ ہے، لیپ ٹاپ پروگرام شہباز شریف کا پروگرام تھا، اس لئے پچھلے دور میں بند کر دیا گیا۔
عظمیٰ بخاری نے کہا کہ تحریک انصاف کے دور میں لنگر خانے اور بھنگ کے پروگرام شروع کئے، لیپ ٹاپ کی کھیپ پاکستان پہنچ گئی ہے، پنجاب حکومت کے کسی بھی پروگرام میں سفارش نہیں چل سکتی، پہلے پھونکوں اور گنڈوں کی حکومت تھی تو پاکستان نیچے جا رہا تھا، اب الحمداللہ پاکستان آگے بڑھ رہا ہے، پہلے کہتا تھا کہ این آر او نہیں لوں گا، اب گھٹنوں پر بیٹھ کر این آر او مانگ رہا ہے۔ وزیر اطلاعات کا کہنا ہے کہ یہ مکافات عمل ہے اس شخص کیلئے کہ کل اس سے کوئی جیل میں ملنے نہیں گیا، یہ شخص اللہ کے مکافات عمل کا شکار ہورہا تھا، وہ کے پی حکومت جو ہزار ارب سے زیادہ کی مقروض ہے، آج کابینہ کی تعداد تینتیس کردی گئی ہے، گنڈاپور نے پہلے کون سے جھنڈے گاڑ لیئے تھے جو آج کابینہ بڑھائی گئی ہے۔
عظمیٰ بخاری نے کہا کہ مال مفت دل بے رحم ہو رہا ہے، لوگوں کو بھرتی کیا جا رہا ہے، گنڈاپور اور ان کی کابینہ کرپشن میں لتھڑی ہوئی ہے، ان کے اپنے ایم این اے، ایم پی ایز ان پر سوالات اٹھا رہے ہیں۔ وزیر اطلاعات نے کہاکہ بارہ سال سے مسلط ایک نالائق اور نااہل شخص کی وجہ سے مسلط ہیں، یہ صرف چاہتے ہیں کہ عمران خان کو اڈیالہ میں بھنا ہوا گوشت ملتا رہے۔
ذریعہ: Islam Times
کلیدی لفظ: آج کابینہ نے کہا کہ رہا ہے گئی ہے
پڑھیں:
پنجاب: کرکٹ سیریز کے دوران سیکیورٹی کے بہترین انتظامات کرنے کی ہدایت
حکومت پنجاب نے پاکستان سری لنکا کرکٹ سیریز اور بعد ازاں پاکستان، سری لنکا اور زمبابوے کی سہ ملکی کرکٹ سیریز کے لیے بہترین انتظامات کی ہدایت کردی۔ جبکہ اٹک اور ڈی جی خان میں رینجرز کی تعیناتی میں توسیع کی منظوری دے دی گئی۔
محکمہ داخلہ پنجاب میں کابینہ کمیٹی برائے امن و امان کا 41 واں اجلاس چیرمین خواجہ سلمان رفیق نے صدارت میں ہوا۔
مزید پڑھیں: وزیراعلیٰ پنجاب مریم نواز نے ٹی ایل پی کی دھمکیوں کے بعد سرگرمیاں محدود کردیں، سیکیورٹی اسٹاف تبدیل
سیکریٹری داخلہ ڈاکٹر احمد جاوید قاضی اور قانون نافذ کرنے والے اداروں کے نمائندگان نے اجلاس کو بریفنگ دی۔ اجلاس میں صوبہ بھر میں امن و امان کی صورتحال کا تفصیلی جائزہ لیا گیا۔
کابینہ کمیٹی نے 11 نومبر سے شروع ہونے والی پاکستان سری لنکا کرکٹ سیریز اور بعد ازاں پاکستان، سری لنکا اور زمبابوے کی سہ ملکی کرکٹ سیریز کے لیے بہترین انتظامات کی ہدایت دی۔
کابینہ کمیٹی نے اٹک اور ڈی جی خان میں رینجرز کی تعیناتی میں توسیع کی منظوری دی۔
کابینہ کمیٹی برائے امن و امان نے پنجاب فرانزک سائنس ایجنسی کو جدید تقاضوں سے ہم آہنگ کرنے اور مزید سود مند بنانے پر زور دیا۔
اجلاس سے خطاب میں صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے کہاکہ عوام کے جان و مال کا تحفظ ریاست کی اولین ترجیح ہے اور صوبہ بھر میں امن و امان کی صورتحال تسلی بخش ہے۔
انہوں نے ہدایت کی کہ سہ ملکی کرکٹ سیریز کے دوران سیکیورٹی کے غیر معمولی انتظامات یقینی بنائے جائیں۔
خواجہ سلمان رفیق نے کہاکہ بابا گورونانک دیو جی کی جنم دن تقریبات کے لیے بہترین انتظامات کیے گئے ہیں اور تمام مہمانوں کی سہولت کا خیال رکھا جائے گا۔
انہوں نے کہاکہ وزیراعلی پنجاب کی ہدایت کے مطابق قانون نافذ کرنے والے ادارے قیام امن کی خاطر دن رات مصروف عمل ہیں۔
مزید پڑھیں: پنجاب: ڈرون پولیسنگ اور نیا مربوط سیکیورٹی اینڈ آرمز ریگولیشن سسٹم منظور
کابینہ کمیٹی برائے امن و امان کے اجلاس میں سیکریٹری داخلہ ڈاکٹر احمد جاوید قاضی، سیکریٹری محکمہ اوقاف سید طاہر رضا بخاری، ایڈیشنل آئی جی پولیس چوہدری سلطان، اسپیشل برانچ اور سی ٹی ڈی سے ڈی آئی جیز اور محکمہ داخلہ سے متعلقہ ایڈیشنل سیکریٹریز نے شرکت کی۔
اسی طرح پاکستان کرکٹ بورڈ کے چیف آپریٹنگ آفیسر سمیر احمد سید جبکہ پنجاب بھر سے کمشنرز اور آر پی اوز نے ویڈیو لنک کے ذریعے اجلاس میں شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب رینجرز تعیناتی میں توسیع سیکیورٹی انتظامات کرکٹ سیریز وی نیوز
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف