وسائل کی تقسیم میں سندھ کے ساتھ سوتیلا سلوک کیا جاتا ہے، بلاول بھٹو کا شکوہ
اشاعت کی تاریخ: 11th, January 2025 GMT
کراچی :پاکستان پیپلز پارٹی (پی پی پی ) کے چیئرمین بلاول بھٹو زرداری نے کہا ہے کہ وسائل کی تقسیم میں سندھ کے ساتھ سوتیلی ماں کا سا سلوک کیا جاتا ہے، جب حق نہیں ملتا تو بہت مشکل ہو جاتی ہے۔
ہفتہ کے روز کراچی میں شاہراہ بھٹو کی افتتاحی تقریب سے خطاب کرتے ہوئے پاکستان پیپلز پارٹی کے چیئرمین بلاول بھٹو زرداری کا کہنا تھا کہ شہید بینظیر بھٹو نے اپنی زندگی میں کراچی پر سب سے زیادہ توجہ دی۔ پاکستان کی ترقی کے لیے سب سے پہلے کراچی کی ترقی ضروری ہے، آج فخر سے کہتا ہوں کہ میرا خاندان 3 نسلوں سے سندھ کے عوام کی خدمت کر رہا ہے۔
انہوں نے کہا کہ پاکستان پیپلز پارٹی نے شہید بے نظیر بھٹو کے ترقی کے ویژن کو حقیقت میں بدل دیا ہے، بے نظیر بھٹو نے کراچی کے انفراسٹرکچر پر کام کیا۔ مصطفیٰ کمال سے پوچھ لیں کہ سندھ کے لیے سب سے زیادہ فنڈز آصف علی زرداری نے دیے،
بلاول بھٹو نے کہا کہ پاکستان کی ترقی کے لیے سب سے پہلے کراچی کی ترقی ضروری ہے، میرا خاندان 3 نسلوں سے سندھ اور کراچی کے عوام کی خدمت کر رہا ہے، جس پر مجھے فخر ہے، میرا مشن بھی سندھ کے عوام کی ترقی اور شہید بے نظیر بھٹو کے وژن کو آگے بڑھانا ہے۔
بلاول بھٹو نے کہا کہ پیپلز پارٹی نے پبلک پرائیوٹ پارٹنر شپ پروگرام کا آغاز کیے تو اس کے انتہائی مثبت نتائج سامنے آئے، آج تعلیم، صحت، بجلی سمیت دیگر انفراسٹرکچر کے پروگرام اسی پبلک پرائیوٹ پارٹنر شپ کے تحت چل رہے ہیں، وہ نہ صرف کامیاب ہیں بلکہ پاکستان کے اندر گڈ گورننس کی بہترین مثال ہیں۔
انہوں نے کہا کہ سندھ میں پبلک پرائیوٹ پارٹنر شپ کامیابی کے ساتھ چل رہا ہے، سندھ میں پانی کے مسائل بھی پبلک پرائیوٹ پارٹنر شپ کے ذریعے حل کریں گے، پبلک پرائیوٹ پارٹنر شپ کے تحت ہی انرجی پارک بنانے چاہییں۔
سندھ حکومت نے شاہراہ بھٹو فیز ون کے افتتاح آج رکھا ہے، سب کو معلوم ہے کہ پاکستان کی ترقی کے لیے سب سے پہلے کراچی کی ترقی ضروری ہے۔ کراچی میں اپنی حکومت سے کہتا ہوں کہ وہ عوام کے پانی کے مسائل کو حل کرے۔
انہوں نے کہا کہ قائد عوام شہید ذوالفقار علی بھٹو کے دور میں کراچی میں جتنے منصوبے دیے گئے وہ یہاں پیپلز پارٹی کے قائدین گنوا سکتے ہیں، قائد عوام نے اس شہر کے انفراسٹرکچر کے لیے انقلابی اقدامات اٹھائے، شہید بے نظیر بھٹو بھی ان کے نقش قدم پر چلیں اور 2 آمرانہ دور آنے کے باوجود انفراسٹرکچر پر توجہ دی، عوام کو روز گار دیا اور بنیادی سہولتیں فراہم کیں، اب ہم بھی اس ذمہ داری کو نبھائیں گے۔
چیئرمین پیپلز پارٹی نے کہا کہ کراچی کے عوام کا سب سے بڑا مسئلہ انفراسٹرکچر ہے، شہید بھٹو روڈ کی تعمیر کے منصوبہ میرے لیےاس لیے خوش آئند ہے کہ اسے ہم پبلک پرائیوٹ پارٹنر شپ کے تحت بنا رہے ہیں، اس منصوبے سے عوام کو روزگار فراہم کرنے میں مدد ملے گی۔
سندھ حکومت نے ثابت کر دیا ہے کہ باقی صوبے اور وفاق پبلک پرائیوٹ پارٹنر شپ میں ناکام ہوا تو سندھ میں یہ پروگرام پورے ملک میں سب سے بہترین چل رہا ہے جس کی عالمی سطح پر بھی تعریف ہوئی ہے۔
.ذریعہ: Daily Mumtaz
کلیدی لفظ: بے نظیر بھٹو پیپلز پارٹی کے لیے سب سے بلاول بھٹو کہ پاکستان نے کہا کہ سندھ کے کے عوام ترقی کے کی ترقی بھٹو نے رہا ہے
پڑھیں:
منعم ظفر خان نے ٹائون چیئرمینوں کے ساتھ اسپرے مہم کا افتتاح کردیا،مہم شہر بھر میں چلائی جائیگی
data-id="863a0a8" data-element_type="widget" data-widget_type="theme-post-content.default">
250917-01-16
کراچی (اسٹاف رپورٹر)امیرجماعت اسلامی کراچی منعم ظفر خان نے جماعت اسلامی کے ٹاؤن چیئرمینوں کے ساتھ شہر بھر میں شروع کی جانے والی ’’جراثیم کُش اسپرے مہم‘‘ کا افتتاح کردیا ، ٹاؤن آفس ،ٹی ایم سی لیاقت آباد میں افتتاحی تقریب سے خطاب کرتے ہوئے منعم ظفر خان نے کہاکہ ’’جراثیم کش اسپرے مہم‘‘ کا مقصد کراچی کے شہریوں کو صحت مند اور محفوظ ماحول فراہم کرنا ہے۔ قابض میئر مرتضیٰ وہاب اگر عوامی خدمت اور مسائل حل نہیں کر سکتے تو کم از کم عوام پر ٹیکسوں اور اپنی نا اہلی کا بوجھ نہ ڈالیں ، ایک طرف قابض میئر میونسپل یوٹیلیٹی چارجزمیں ناجائز اضافہ کرتے ہیں، دوسری طرف بلند و بالا دعوے کرتے ہیں۔ اصل حقیقت یہ ہے کہ یہ عوام کو ریلیف دینے میں ناکام رہے ہیں۔لیکن جماعت اسلامی کراچی کے عوام کے ساتھ کھڑی ہے ، ہم خدمت کے میدان میں بھی آگے بڑھیں گے اور مزاحمت و جدوجہد کے ذریعے کراچی کے عوام کو ان کا حق دلا کر رہیں گے۔کراچی کے عوام کا حق ہے کہ انہیں صاف پانی، صاف ماحول، کھیل کے میدان اور صحت مند سہولیات میسر آئیں لیکن افسوس کہ آج بھی شہر کے پارک اور میدان کمرشل سرگرمیوں کی نذر کیے جا رہے ہیں۔ عدالت نے حال ہی میں پارکوں کے کمرشل استعمال کے خلاف تاریخی فیصلہ دیا ہے، جو کراچی کے عوام کی بہت بڑی کامیابی ہے۔ عوام کے پارک عوام کے لیے ہیں، یہ کسی کے کاروبار کا ذریعہ نہیں۔ اس فیصلے پر اگر کسی کو پریشانی ہے تو وہ ان افراد کو ہے جن کا کرپشن کا عمل متاثر ہوا ہے ۔منعم ظفر خان نے کہاکہ اسپرے مہم کسی ایک ٹاؤن، علاقے یا مخصوص بستی تک محدود نہیں، بلکہ کراچی کے ہر ٹاؤن و یوسی اور ہر علاقے تک پہنچے گی، شہر کا ہررہائشی ہمارا ہے،خواہ وہ اورنگی میں رہتا ہو یا کورنگی میں، لیاری میںہو یا لانڈھی ، نارتھ کراچی، ناظم آباد، گلشن اقبال ، گلستان جوہر ہو یا پی سی ایچ ایس،کوئی علاقہ اس مہم سے محروم نہیں رہے گا ۔اسپرے مہم خدمت کے سفر کی ایک اور کڑی ہے۔ ہم مہم کے ذریعے شہر بھر میں عوام کی صحت کے تحفظ کو یقینی بنائیں گے تاکہ کراچی کے لوگ جراثیم اور بیماریوں سے محفوظ رہ سکیں۔تقریب میں امرائے اضلاع ، سید وجیہ حسن ، کامران سراج ، چیئرمین لیاقت آباد ٹاؤن فرازحسیب، چیئرمین نیو کراچی ٹاؤن محمد یوسف، چیئرمین گلشن اقبال ٹاؤن ڈاکٹر فواد ، چیئرمین نارتھ ناظم آباد عاطف علی خان ، چیئرمین جناح ٹاؤن رضوان عبد السمیع، چیئرمین گلبرگ ٹاؤن نصرت اللہ ،وائس چیئر مین ناظم آباد نعمان صدیقی ،سیکرٹری اطلاعات زاہد عسکری ودیگر بھی موجود تھے۔ منعم ظفر خان نے مزید کہاکہ جماعت اسلامی نے ہمیشہ خدمت خلق کو دیانت اور امانت کے ساتھ انجام دیا ہے ۔ کورونا کی وبا کا مشکل وقت ہو، خیبر پختونخوا یا پنجاب میں آنے والے سیلاب اور زلزلے ہوں، یا کراچی میں بارشوں کے بعد پیدا ہونے والی صورتحال ، جماعت اسلامی کے کارکنان اور رضاکار سب نے عوام کو ریلیف دینے میں اپنا کردار ادا کیا۔ جب لوگ اپنے چہروں پر ماسک لگا کر گھروں میں محدود ہوگئے تھے، اس وقت ہمارے رضاکار گلی گلی، محلے محلے عوام کی خدمت کر رہے تھے۔ سیلابی صورتحا ل میں خیبر سے پنجاب تک جماعت اسلامی کے کارکنوں نے متاثرہ خاندانوں کا ہاتھ تھاما، خیمے لگائے، کھانے اور پانی کا انتظام کیا اور عوام کے دکھ درد میں شریک ہوئے۔آج کراچی میں بارشوں اور دیگر مسائل کے باوجود، ہمارے منتخب نمائندے، ٹاؤن چیئرمین اور کارکنان و ذمے داران عوام کے ساتھ کھڑے ہیں۔ متاثرہ بستیوں میں صاف پانی کی فراہمی، کھانے پینے اور بے گھر افراد کے لیے عارضی رہائش یعنی ٹینٹ کا انتظام بھی کیا جارہا ہے۔
امیر جماعت اسلامی کراچی منعم ظفر خان ٹائون چیئرمینوںکے ساتھشہر بھر میں شروع کی جانے والی’’ جراثیم کش اسپرے مہم ‘‘ کا افتتاح اور ٹائون آفس لیاقت آباد میں افتتاحی تقریب سے خطاب کررہے ہیں
جبری گمشدگیوں پر انکوائری کمیشن نے ماہانہ کارکردگی رپورٹ جاری کردی