غزہ میں جھڑپوں میں مزید 4 اسرائیلی فوجی ہلاک ہوگئے
اشاعت کی تاریخ: 12th, January 2025 GMT
تل ابیب: غزہ میں حماس کے ساتھ ہونے والی جھڑپوں میں مزید 4 اسرائیلی فوجی مارے گئے ہیں۔ اسرائیلی میڈیا کے مطابق، یہ فوجی حماس کی طرف سے دھماکہ خیز مواد کے حملے اور فائرنگ کے دوران ہلاک ہوئے۔
اسرائیلی دفاعی فورسز (آئی ڈی ایف) نے فوجیوں کی ہلاکت کی تصدیق کرتے ہوئے بتایا کہ ان فوجیوں کو دھماکہ خیز مواد سے نشانہ بنایا گیا، اور فائرنگ کے دوران بھی چند فوجی ہلاک اور زخمی ہوئے۔ میڈیا رپورٹ کے مطابق، ہلاک ہونے والے فوجیوں کی عمریں 19 سے 37 سال کے درمیان تھیں، اور زخمی ہونے والے 2 فوجیوں کی حالت انتہائی تشویشناک ہے۔
.ذریعہ: Nai Baat
پڑھیں:
کشمیر میں رواں برس اب تک 53 شہری، اور 33 عسکریت پسند ہلاک
سرکاری اعداد و شمار کے مطابق اگرچہ جولائی کی ہلاکتیں اپریل اور مئی کی نسبت سے کم ہیں، تاہم جون میں صرف دو ہلاکتیں ہوئی تھیں اور دونوں مشتبہ عسکریت پسند تھے۔ اسلام ٹائمز۔ جموں و کشمیر میں جون کے مقابلے میں جولائی ماہ میں عسکریت پسندی سے جڑی ہلاکتوں میں معمولی اضافہ درج کیا گیا ہے۔ پولیس کی جانب سے فراہم کردہ اعداد و شمار کے مطابق جولائی میں مجموعی طور پر چھ افراد ہلاک ہوئے، جن میں پانچ مشتبہ دہشت گرد اور ایک فوجی اہلکار شامل ہے۔ حکام کے مطابق 28 جولائی کو سرینگر کے مضافاتی علاقہ ہارون میں ایک اینٹی ٹیررسٹ آپریشن کے دوران اُن تین عسکریت پسندوں کو ہلاک کیا گیا جنہوں نے 22 اپریل کو پہلگام کی بائسرن چراگاہ میں ایک مقامی گھوڑے بان کے علاوہ 25 سیاحوں کو ہلاک کر دیا۔ سیکورٹی ایجنسیز نے اس آپریشن کو "آپریشن مہادیو" نام دیا۔
آپریشن مہادیو کے دو روز بعد ہی یعنی 30 جولائی کو سرحدی ضلع پونچھ میں لائن آف کنٹرول (ایل او سی) پر ایک دراندازی کی کوشش کو ناکام بنایا گیا اور اس دوران دو مشتبہ دہشت گرد مارے گئے۔ جولائی ماہ کا ایک اور المناک واقعہ 25 تاریخ کو اُس وقت پیش آیا، جب کرشنا گھاٹی سیکٹر میں گشت کے دوران للت کمار نامی "اگنی ویر" فوجی بارودی سرنگ کی زد میں آکر جان سے ہاتھ دھو بیٹھے۔ سرکاری اعداد و شمار کے مطابق اگرچہ جولائی کی ہلاکتیں اپریل اور مئی کی نسبت سے کم ہیں، تاہم جون میں صرف دو ہلاکتیں ہوئی تھیں اور دونوں مشتبہ عسکریت پسند تھے اور اس دوران نہ کوئی شہری اور نہ ہی سکیورٹی اہلکار مارا گیا تھا۔
اعداد و شمار ظاہر کرتے ہیں کہ رواں سال اب تک مجموعی طور پر 101 افراد ہلاک ہوچکے ہیں، جن میں 53 شہری، 15 سکیورٹی اہلکار اور 33 عسکریت پسند شامل ہیں۔ اس دوران ایک نامعلوم لاش بھی برآمد ہوئی جس کی شناخت تاحال ممکن نہ ہو سکی۔ ماہانہ بنیاد پر اگر موازنہ کیا جائے تو جنوری اور فروری میں تین، مارچ میں سات، اپریل میں سب سے زیادہ 26 شہری ہلاکتیں اور مئی میں سب سے زیادہ مجموعی 43 ہلاکتیں ریکارڈ کی گئیں، جن میں 25 شہری، 5 سکیورٹی اہلکار اور 13 دہشت گرد شامل تھے۔
کنگ سلمان ریلیف نے آزاد جموں و کشمیر میں 4,000 متاثرہ خاندانوں میں شیلٹر این ایف آئی کٹس کی تقسیم مکمل کر لی