بیداری مارچ قافلہ میرپور خاص سے عمر کوٹ پہنچ گیا
اشاعت کی تاریخ: 12th, January 2025 GMT
گرینڈ ڈیموکریٹک الائنس (جی ڈی اے) رہنما صفدر عباسی اور دریائے سندھ بچاؤ کمیٹی کے کنوینر زین شاہ کی قیادت میں بیداری مارچ کا قافلہ میرپور خاص سے عمر کوٹ پہنچ گیا۔
زین شاہ نے جیو نیوز سے گفتگو میں کہا کہ جس منصوبے سے لوگوں کے بےگھر ہونے کا خدشہ ہے وہ گرین پاکستان کیسے ہوسکتا ہے؟
انہوں نے کہا کہ احتجاجوں سے بڑے بڑے منصوبے ختم ہوگئے، ہم عوام کو بھکاری نہیں بننے دیں گے۔
یاد رہے گزشتہ روز مارچ حیدر آباد سے روانہ ہوا اور مختلف راستوں سے گزرتا ہوا، رات گئے میرپور خاص پہنچا تھا۔
اس دوران جلسے سے خطاب میں سندھ بچاؤ کمیٹی کے رہنماؤں کا کہنا تھا کہ دریائے سندھ سے نہریں نکال کر سندھ کو بنجر ریگستان بنانے کے سازش کی جارہی ہے۔
انہوں نے مزید کہا کہ پیپلز پارٹی کا کردار منافقانہ ہے کینالز کےخلاف تحریک جاری رہے گی۔
.ذریعہ: Jang News
پڑھیں:
بلاول کو وزیراعظم بنانے کیلئے 27ویں ترمیم کا سودا کیا جا رہا ہے، ایاز لطیف پلیجو
تقریب سے خطاب کرتے ہوئے سربراہ قومی عوامی تحریک نے کہا کہ کرپٹ وزرا، ایم پی ایز، ایم این ایز اور سینیٹرز کے پاس سندھ کی ترقی کا کوئی منصوبہ نہیں، صرف کرپشن کی اسکیمیں ہیں، اسی لیے سڑکیں خستہ حال ہیں اور نظام فراڈ پر چل رہا ہے، سندھ ملک کی معیشت کا مرکز ہے، اس کی تباہی ملک دشمنی کے مترادف ہے۔ اسلام ٹائمز۔ قومی عوامی تحریک کے سربراہ اور معروف قانون دان ایاز لطیف پلیجو نے کہا ہے کہ 27ویں آئینی ترمیم کو وہ سندھ سمیت پورے ملک پر حملہ سمجھتے ہیں, بلاول بھٹو زرداری کو وزیراعظم بنانے کے لیے 27ویں ترمیم کا سودا کیا جا رہا ہے، پیپلز پارٹی نے 26ویں ترمیم منظور کرائی اور اب 27ویں ترمیم بھی منظور کرانے جا رہی ہے۔ یہ بات انہوں نے ٹنڈو محمد خان کی یونین کونسل مویا میں تقریب سے خطاب کرتے ہوئے کہی۔ انہوں نے کہا کہ 18ویں ترمیم ختم کرکے صوبوں سے اختیارات اور وسائل چھینے جا رہے ہیں، لیکن پیپلز پارٹی اور وفاقی حکومت کو سندھ کا بٹوارہ کرنے نہیں دیا جائے گا، سندھ ہمارا تاریخی وطن ہے اور پاکستان کا بانی صوبہ ہے، 27ویں ترمیم کے ذریعے سندھ کی وحدت پر کوئی حملہ برداشت نہیں کیا جائے گا، پیپلز پارٹی اقتدار کی لالچ میں سندھ کو توڑنا چاہتی ہے۔
انہوں نے کہا کہ بلدیاتی اداروں نے عوامی دولت پر ڈاکے ڈالے ہیں، کروڑوں روپے کرپشن کی نذر ہوگئے، کرپشن میں ملوث چیئرمینوں اور افسران کو تاحیات نااہل قرار دیا جائے۔ ان کا کہنا تھا کہ بار بار اقتدار میں آنے والے کرپٹ وزرا، ایم پی ایز، ایم این ایز اور سینیٹرز کے پاس سندھ کی ترقی کا کوئی منصوبہ نہیں، صرف کرپشن کی اسکیمیں ہیں، اسی لیے سڑکیں خستہ حال ہیں اور نظام فراڈ پر چل رہا ہے، سندھ ملک کی معیشت کا مرکز ہے، اس کی تباہی ملک دشمنی کے مترادف ہے۔ انہوں نے کہا کہ سندھ کے وسائل پر قبضہ کرلیا گیا ہے، جرائم پیشہ افراد اور سرداروں کو حکومت کا سہارا حاصل ہے، عوام سندھ کے پانی اور وسائل کی حفاظت ہر قیمت پر کریں گے۔
آزاد کشمیر، تحریکِ عدم اعتماد آج بھی پیش نہیں کی جا سکی