سوئی سدرن گیس کمپنی نے شہریوں کا جینا مُحال کردیا
اشاعت کی تاریخ: 13th, January 2025 GMT
سوئی سدرن گیس کمپنی (ایس ایس جی سی) نے شہریوں کی مشکلات میں اضافہ کردیا ہے کیونکہ مختلف علاقوں میں کئی روز سے گیس کی فراہمی معطل ہے۔
شہری ہر ماہ بل ادا کر رہے ہیں مگر گیس کی عدم فراہمی سے پریشان ہیں۔ سوئی سدرن گیس کمپنی کے ترجمان نے اس بابت کوئی جواب نہیں دیا۔
شہریوں کا کہنا ہے کہ نارتھ کراچی، بلدیہ، سائٹ، میٹروول، پی آئی بی کالونی، جمشید روڈ، لانڈھی، ملیر، شاہ فیصل اور کیماڑی سمیت متعدد علاقوں میں گیس کی فراہمی مکمل طور پر بند ہے۔
سوئی سدرن گیس کمپنی کے ذرائع کے مطابق کمپنی 300 ایم ایم سی ایف ڈی گیس کی کمی کا سامنا کر رہی ہے، جس کے باعث گیس کی فراہمی متاثر ہوئی ہے۔
.ذریعہ: Jasarat News
کلیدی لفظ: سوئی سدرن گیس کمپنی گیس کی
پڑھیں:
پنجاب کے وسطی علاقوں میں فضائی آلودگی خطرناک حد تک بڑھ گئی
—فائل فوٹوپنجاب کے وسطی علاقوں میں فضائی آلودگی خطرناک حد تک بڑھ گئی ہے۔
بین الاقوامی ویب سائٹ کے مطابق قصور میں سب سے زیادہ 686 پارٹیکولیٹ میٹر ریکارڈ کیے گئے ہیں۔ رائے ونڈ میں 601، گوجرانوالہ میں 442، فیصل آباد میں 337 اور شیخوپورہ میں 358 پارٹیکولیٹ میٹر ریکارڈ کیے گئے ہیں۔
محکمہ ماحولیات پنجاب کا کہنا ہے کہ لاہور کا ایئر کوالٹی انڈیکس 450 ہے۔ پاکستان کے آلودہ ترین شہروں میں لاہور تیسرے نمبر پر ہے۔
اسموگ کے اثرات لاہور، قصور، شیخوپورہ اور گوجرانوالہ تک پھیل چکے ہیں
محکمہ ماحولیات نے کہا کہ برکی روڈ، شاہدرہ، ملتان روڈ، جی ٹی روڈ، ایجرٹن روڈ پر اے کیو آئی 500 ریکارڈ کیا گیا۔
محکمہ ماحولیات کا کہنا ہے کہ بھارت سے آنے والی آلودہ مشرقی ہوائیں لاہور کے فضائی معیار پر اثر انداز ہو رہی ہیں۔ لاہور کا اوسط اے کیو آئی 320 تا 360 تک رہنے کا امکان ہے۔ فضا میں آلودگی کی شرح بلند مگر قابو میں ہے۔ دوپہر 1 بجے سے 5 بجے تک فضائی معیار میں بہتری کا امکان ہے۔
طبی ماہرین نے شہریوں کو ماسک کے استعمال اور بغیر ضرورت گھروں سے باہر نہ نکلنے کی ہدایت کی ہے۔
مجھے افسوس ہے کل سینیٹ کا الیکشن ہو رہا ہے، بیرسٹر گوہر