محراب پور: بدنام زمانہ رسم کارو کاری نے ایک اور نوجوان کی جان لے لی
اشاعت کی تاریخ: 14th, January 2025 GMT
محراب پور (جسارت نیوز) سندھ کی بدنام زمانہ رسم کارو کاری نے ایک اور نوجوان کی جان لے لی، واقعہ نوشہرو فیروز کے نواحی گاؤں یوسف بھنبھرو میں پیش آیا جہاں نامعلوم حملہ آور سیاہ کاری (کارو کاری) کے الزام میں نوجوان انیس بھنبھرو ولد محمد قابل بھنبھرو اور مسمات عزت خاتون کو چھریوں کے وار کرکے زخمی کر دیا اور فرار ہو گئے، زخمیوں کو اسپتال منتقل کیا گیا جہاں انیس بھنبھرو زخموں کے تاب نہ سہتے ہوئے دم توڑ گیا، پولیس کے مطابق لاش ضروری کارروائی کے بعد ورثاء کے حوالے کرکے تفتیش شروع کر دی ہے۔
.ذریعہ: Jasarat News
پڑھیں:
کراچی؛ تالاب سے نوجوان کی لاش برآمد، پانی کی بالٹی میں ڈوب کر کمسن بچی جاں بحق
کراچی:گلشن اقبال میں تالاب سے ایک نوجوان کی ڈوبی ہوئی لاش ملی جبکہ بھینس کالونی کے ایک گھر میں پانی کی بالٹی میں کمسن بچی ڈوب کر جاں بحق ہوگئی۔
تفصیلات کے مطابق عزیز بھٹی تھانے کے علاقے گلشن اقبال کے ڈی اے آفیسر ہاؤسنگ سوسائٹی میں بنے مصنوعی تالاب سے ایک نوجوان کی ڈوبی ہوئی لاش ملی ہے جسے ریسکیو 1122 کے اہلکاروں نے ریسکیو کرنے کے بعد چھیپا ایمبولینس کے ذریعے جناح اسپتال منتقل کر دیا جہاں نوجوان کی لاش 19 سالہ محبوب علی ولد شبیر کے نام سے کی گئی۔
ایس ایچ او عزیز بھٹی سعید باریجو نے بتایا کہ ابتدائی معلومات کے مطابق متوفی نوجوان تالاب میں نہاتے ہوئے ڈوب کر جاں بحق ہوا ہے، واقعے سے متعلق مزید معلومات اکٹھا کی جا رہی ہے۔
ادھر، سکھن تھانے کے علاقے بھینس کالونی روڈ نمبر 8 کچی آبادی کے قریب گھر میں پانی کی بالٹی میں ایک بچی ڈوب کر جاں بحق ہوگئی۔
بچی کی لاش ایدھی ایمبولینس کے ذریعے قریبی اسپتال منقتل کی گئی، متوفیہ بچی کی شناخت 2سالہ عنایہ دختر شفیق کے نام سے کی گئی۔
بعدازاں، متوفیہ بچی کی لاش ورثا کے حوالے کر دی گئی۔
بابراعظم نے کراچی کنگز کو کیوں چھوڑا تھا؟ سابق کپتان نے راز سے پردہ اُٹھادیا