ہیٹی: گینگ وار میں شدت سے دس لاکھ لوگ نقل مکانی پر مجبور
اشاعت کی تاریخ: 14th, January 2025 GMT
اسلام آباد (اُردو پوائنٹ ۔ UN اردو۔ 14 جنوری 2025ء) اقوام متحدہ کے عالمی ادارہ مہاجرت (آئی او ایم) نے بتایا ہے کہ ہیٹی میں مسلح جتھوں کے بڑھتے ہوئے تشدد کے باعث ایک سال کے عرصہ میں نقل مکانی کرنے والوں کی تعداد تین گنا بڑھ گئی ہے۔
'آئی او ایم' کی جاری کردہ تازہ ترین معلومات کے مطابق، اس وقت ملک میں نقل مکانی کرنے والے لوگوں کی مجموعی تعداد 10 لاکھ سے تجاوز کر چکی ہے جو کہ 20 دسمبر 2023 کو 315,000 تھی۔
ملک میں 10 لاکھ 41 ہزار لوگ پناہ گاہوں میں مقیم ہیں جن میں سے بیشتر کئی مرتبہ بے گھر ہو چکے ہیں۔ Tweet URLادارے کے ترجمان کینیڈی اوکوتھ اومونڈی نے واضح کیا ہے کہ ان لوگوں کو تحفظ دینے کے لیے انسانی امداد کی متواتر فراہمی ضروری ہے۔
(جاری ہے)
نقل مکانی کرنے والے بیشر لوگوں کا تعلق دارالحکومت پورٹ او پرنس سے ہے جو مسلح جتھوں کے تشدد کے باعث تحفظ کی خاطر گھربار چھوڑنے پر مجبور ہوئے۔ دارالحکومت میں ضروری خدمات کی فراہمی کا تقریباً خاتمہ ہو چکا ہے اور خاص طور پر طبی اور غذائی عدم تحفظ بڑھتا جا رہا ہے۔تشدد سے ملحقہ علاقے بھی متاثر ہوئے ہیں اور نقل مکانی کرنے والے لوگ دیگر صوبوں کا رخ کر رہے ہیں جہاں ان کے میزبان علاقوں پر بوجھ بھی بڑھ رہا ہے۔
2024 میں ہزاروں ہلاکتیںامدادی امور کے لیے اقوام متحدہ کے رابطہ دفتر (اوچا) نے گزشتہ ہفتے بتایا تھا کہ 2024 کے دوران پر تشدد واقعات میں 5,600 سے زیادہ لوگوں کی ہلاکت ہوئی۔ حالیہ ہفتوں میں مسلح جتھوں نے سیکڑوں لوگوں کا قتل عام کیا جو کئی روز تک جاری رہا۔
اقوام متحدہ کے دفتر برائے انسانی حقوق (او ایچ سی ایچ آر) نے جرائم پیشہ جتھوں سے وابستہ 315 افراد کو قتل کیے جانے کے بارے میں بھی بتایا ہے۔
ایسے بیشتر واقعات میں ہیٹی کی پولیس بھی ملوث رہی ہے۔245 دسمبر کو مسلح افراد نے ملک کے سب سے بڑے سرکاری ہسپتال کو دوبارہ کھولے جانے کے موقع پر ہونے والی پریس کانفرنس میں فائرنگ کر کے تین افراد کو ہلاک کر دیا تھا۔
ملک بدری کی مخالفت'آئی او ایم' نے کہا ہے کہ بیرون ملک سے ہیٹی کے 200,000 لوگوں کو واپس بھیجے جانے سے سماجی خدمات پر بوجھ مزید بڑھ جائے گا جبکہ مقامی لوگوں کو پہلے ہی بقا کی جدوجہد کا سامنا ہے۔
ممکنہ طور پر واپس بھیجنے جانے والے ان لوگوں کی اکثریت ڈومینیکن ریپبلک میں مقیم ہے۔'اوچا' نے بتایا ہے کہ ملک میں جاری تشدد کے باعث بڑھتی ہوئی پناہ گاہوں میں رہنے والے ہزاروں لوگوں تک رسائی مشکل ہو گئی ہے۔ ایسی بیشتر پناہ گاہیں پورٹ او پرنس میں واقع ہیں جن کی تعداد ایک سال میں 73 سے بڑھ کر 108 تک جا پہنچی ہے۔ ان گنجان پناہ گاہوں میں رہنے والے لوگوں کی خوراک، صاف پانی، صحت و صفائی کی سہولیات اور تعلیم تک رسائی بہت محدود ہے جبکہ ان جگہوں پر بیماریاں پھیلنے کے خطرات بھی بڑھ رہے ہیں۔
امدادی وسائل کی قلتاقوام متحدہ نے گزشتہ برس ہیٹی کے لیے 674 ملین ڈالر کے امدادی وسائل فراہم کرنے کی اپیل کی تھی جن میں سے تاحال 42 فیصد ہی مہیا ہو پائے ہیں۔
23 دسمبر کو سلامتی کونسل نے عالمی برادری پر زور دیا تھا کہ وہ ہیٹی کی قومی پولیس کو کو مدد دینے کی کوششوں میں اضافہ کرے اور ملک میں قیام امن کی کارروائیوں کے لیے کینیا کے زیرقیادت کثیرملکی مشن کے اہلکاروں کی تعداد 2,500 تک بڑھائی جائے۔
اس وقت مشن کے ارکان کی تعداد 750 ہے جن میں بیلیز، ایل سلواڈور، گوئٹے مالا، جمیکا اور کینیا کے اہلکار شامل ہیں۔ کینیا نے بتایا ہے کہ وہ اپنے مزید 600 پولیس اہلکار اس مشن میں شامل کرنے کا ارادہ رکھتا ہے۔
.ذریعہ: UrduPoint
کلیدی لفظ: تلاش کیجئے نقل مکانی کرنے کی تعداد لوگوں کی ملک میں کے لیے
پڑھیں:
ٹیکس چوروں کے گرد گھیرا تنگ، اربوں کے اثاثوں والے افراد کی لسٹ جاری
فیڈرل بورڈ آف ریونیو (ایف بی آر) نے انکشاف کیا ہے کہ کچھ ٹیکس دہندگان اربوں روپے مالیت کے اثاثے اور پرتعیش طرزِ زندگی رکھتے ہیں، مگر اپنے ٹیکس گوشواروں میں صرف معمولی آمدن ظاہر کرتے ہیں۔
ایف بی آر کے مطابق یہ افراد لگژری گاڑیاں، مہنگے برانڈڈ کپڑے، گھڑیاں اور بیگز استعمال کرتے ہیں اور غیرملکی دورے کرتے ہیں، لیکن انکم ٹیکس ڈیکلریشن میں بہت کم آمدن رپورٹ کرتے ہیں۔
ایف بی آر کے لائف اسٹائل مانیٹرنگ سیل نے ممکنہ ٹیکس چوروں کی تفصیلات ہیڈکوارٹرز اور متعلقہ ریجنل ٹیکس دفاتر کو بھیج دی ہیں تاکہ ان کے خلاف کارروائی کی جا سکے۔
مزید پڑھیں: سینیٹرز نے ٹیکس فراڈ میں ملوث افراد کو 10 سال قید سزا کی تجویز کو مسترد کردیا
لاہور کی ایک فنانشل ٹیکنالوجی کمپنی کے سی ای او کے پاس 30 لگژری گاڑیاں موجود ہیں، جن کی مجموعی مالیت 2.741 ارب روپے ہے۔ ان میں لیمبورگینی، رولز رائس فینٹم اور دیگر مہنگی گاڑیاں شامل ہیں، مگر ٹیکس ریٹرنز میں ان کا کوئی ذکر نہیں۔
ایک لاہور کی ٹریول انفلوئنسر نے 2021 سے 2025 کے دوران 25 سے زائد ممالک کا سفر کیا، لیکن آمدن صرف 4.42 لاکھ سے 37.9 لاکھ روپے ظاہر کی۔
اسلام آباد کی ایک ماڈل اور سوشل میڈیا انفلوئنسر نے 13 ممالک کا سفر کیا اور مہنگی جواہرات، برانڈڈ کپڑے، لگژری بیگ، رولیکس گھڑیاں اور دیگر قیمتی اثاثے خریدے، مگر آمدن صرف 35 لاکھ سے 54.9 لاکھ روپے ظاہر کی۔
ایف بی آر نے کہا ہے کہ یہ جانچ ایسے وقت میں کی گئی ہے جب ٹیکس وصولی کا نظام اپنے سالانہ ہدف 14.13 ٹریلین روپے کے حصول میں مشکلات کا سامنا کر رہا ہے اور جولائی تا اکتوبر 2025 کے دوران 274 ارب روپے کی کمی ریکارڈ کی گئی ہے۔
مزید پڑھیں: سولر پینلز اور انٹرنیٹ مہنگے ہونے کا امکان، ایف بی آر نے آئی ایم ایف کو تجاویز دیدیں
ایک فِن ٹیک کمپنی کے سی ای او اور بانی نے اپنی مہنگی گاڑیوں اور دیگر اثاثوں کے ذریعے اپنے پرتعیش طرزِ زندگی کو نمایاں کیا، لیکن ٹیکس ریٹرنز میں ان کا کوئی ذکر نہیں تھا۔ ان کے گوشواروں کا جائزہ لینے سے ظاہر ہوا کہ ان کی آمدنی اور اثاثوں میں نمایاں تضاد موجود ہے۔
مثال کے طور پر، انہوں نے 2019 سے 2025 تک آمدنی میں بار بار ترمیم کی، جس سے کاروباری سرمایہ اور سونے کی مقدار میں بھی اضافہ ظاہر کیا گیا، حالانکہ ان کی اصل زندگی انفارمیشن ٹیکنالوجی کے شعبے میں گزری ہے اور زرعی زمین کی ملکیت نہیں ہے۔
ایف بی آر کے مطابق، ان افراد کے خلاف باضابطہ تحقیقات اور کارروائی جاری ہے تاکہ ٹیکس چوری کی روک تھام کی جا سکے اور ملک میں ٹیکس کلچر کو فروغ دیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارپ پتی آمدن کم ایف بی آر ٹیکس چور لگژری لائف
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف