عوامی کالونی ‘شادی کی تقریب میں فائرنگ سے ایک شخص جاں بحق
اشاعت کی تاریخ: 15th, January 2025 GMT
کراچی ( اسٹاف رپورٹر ) شہر کے مختلف علاقوں میں حادثات وپر تشدد واقعات میں خاتون اور بچے سمیت 13افراد جاںبحق ہوگئے ‘ 13افراد زخمی ہوئے ۔ تفصیلات کے مطابق عوامی کالونی لانڈھی نمبر6 فاروق مسجد کے قریب شادی کی تقریب میں فائرنگ کی زد میں آکر ایک شخص جاں بحق ہوگیا،کورنگی مدینہ کالونی گلی نمبر9 مکان نمبر 735 سے 24 سالہ دانش نامی نوجوان کی پھندا لگی لاش ملی۔لیاقت آباد سپر مارکیٹ کے قریب تیز رفتار ٹرک نے موٹر سائیکل سوار کو کچل ڈالا، افسوسناک حادثے میں موٹر سائیکل سوار45سالہ شخص موقع پر جاں بحق ہوگیا۔ ماڑی پور گل بائی پر ٹرالر کی ٹکر سے موٹر سائیکل پر سوار تین افرادحادثے کا شکار ہوئے،حادثے کے نتیجے میں ماں اور ایک سال کا بچہ جاں بحق ہو گئے موٹرسائیکل پر سوار خاتون کا شوہر واقعے میں زخمی ہوا۔ ناردرن بائی پاس گلشن عثمان سوسائٹی کے قریب ٹریفک حادثے میں ایک شخص جاں بحق جبکہ ساتھی زخمی ہوگیا۔زخمی کی حالت تشویشناک بتائی جارہی ہے ۔ ضیاء موڑ کے قریب کام کے دوران کمپنی کی سیڑھیوں سے گر کر35سالہ عامر جاں بحق ہوگیا۔عیسیٰ نگری میں نوجوان نے پھندا لگا کر خودکشی کرلی ۔ شاہ لطیف سینٹر کے قریب گھر کے واش روم میں پر اسرار طور پر 14 سالہ بچہ سفیان جاںبحق ہوگیا ۔ شیر شاہ لیاری ایکسپریس وے اکبر کانٹا ندی افسر روڈ کے قریب جھاڑیوں سے30سالہ نوجوان کی جھلسی ہوئی لاش ملی ۔ صدر سے 50سالہ شخص کی‘ اورنگی ٹائون سے 45سالہ نوجوان اور گارڈن تھانے کی حدود رنچھو ڑ لائن رام سوامی نشتر روڈ وحید ہوٹل سے 50سالہ شخص کی لاشیںملیں۔
.ذریعہ: Jasarat News
پڑھیں:
کراچی: براق پیٹرول پمپ سچل موڑ کے قریب ڈکیتی کی واردات کے دوران مزاحمت پر بھتیجا جاں بحق، چچا زخمی
سپرہائیوے پرواقع براق پیٹرول پمپ سچل موڑ کے قریب ڈکیتی کی واردات کے دوران مزاحمت بھتیجا جاں بحق اورچچا زخمی ہوگیا،چچا کی فائرنگ مسلح ملزمان کی زخمی ہوئے جوکہ موقع پر سے فرارہوگئے۔رواں سال شہر قائد میں ڈکیتی مزاحمت پر جاں بحق ہونے والے شہریوں کی تعداد 76 ہو گئی۔
رپورٹ کے مطابق سچل تھانے کے علاقے سپرہائیوے پر واقع براق پیٹرول پمپ سچل موڑ کے قریب نامعلوم مسلح ملزمان کی فائرنگ سے بچے سمیت 2 افراد شدید زخمی ہو گئے جنہیں فوری طور پرچھیپا ایمبولنس کے ذریعے اسپارکو روڈ پرواقع ڈاؤ اسپتال منتقل کیا گیا جہاں فائرنگ سے شدید زخمی ہونے والے بچے کے جاں بحق ہونے والے بچے کی تصدیق کردی گئی۔
جاں بحق بچے کی شناخت 12 سالہ حسنین ولد محمد قاسم اورزخمی کی شناخت 55 سالہ علی اصغر ولد حاجی بخش کے نام سے کی گئی فائرنگ سے جاں بحق بچہ اورزخمی شخص چچا بھیجا ہیں اوراندرون سندھ دادو کے رہائشی ہیں۔
ایس ایس پی ایسٹ ڈاکٹر فرخ رضا کا کہنا ہے کہ ابتدائی معلومات کے مطابق چھینا جھپٹی کرتے ہوئے فائرنگ ہوئی جس میں 2 اشخاص شدید زخمی ہوئے۔
اسپتال ذرائع ایک شدید زخمی بچے کے جابحق ہونے کی تصدیق کررہے ہیں ایس ایچ او سچل حسب ضابطہ معاملات کی پڑتال کررہے ہیں اور ملزمان کو گرفتار کرتے ہوئے کیفرکردار تک پہنچائیں گے۔
رابطہ کرنے پر ایس ایچ او سچل امین کھوسو نے بتایا کہ فائرنگ سے جاں بحق و زخمی چچھا بھتیجا سہراب گوٹھ سے حیدر آباد جانے والے سپر ہائیوے پر براق پیٹرول پمپ سچل موڑ کے قریب سڑک کنارے درختوں کے نیچے بیٹھے ہوئے تھے کہ اسی دوران موٹر سائیکل سوار 2 مسلح ملزمان ڈکیتی کی نیت سے ان کے پاس آکر رکے تو چچا نے اپنا اسلحہ نکال لیا جس پرنامعلوم مسلح ملزمان نے فائرنگ کردی۔
چچا کی جانب سے بھی فائرنگ کی گئی، 2 طرفہ فائرنگ کے نتیجے میں چچا بھیجا زخمی ہوگئے جب کہ مسلح ملزمان بھی زخمی حالت میں موقع پر سے فرارہوئے۔
زخمی چچا بھتیجے کو فوری طور پر قریبی اسپتال منقتل کیا گیا جہاں فائرنگ سے شدید زخمی ہونے والا 12 سالہ حسنین ولد محمد قاسم جانبر نہ ہوسکا۔
انھوں نے بتایاکہ فائرنگ کا واقعہ ڈکیتی کی واردات کے دوران مزاحمت پر پیش آیا ہے،پولیس زخمی حالت میں موقع پر سے فرار ہونے والے ملزمان کی گرفتاری کے لیے چھاپے مار رہی ہے۔
ملزمان جلد قانون کی گرفت میں ہوںگے ،ادھرنیوکراچی تھانے کے نارتھ کراچی اللہ والی مسجد کے قریب ڈکیتی کی واردات کے دوران مزاحمت پرمسلح ملزمان کی فائرنگ سے 35 سالہ نجم نواز ولد حق نواز زخمی ہوگیا جسے فوری طور پرعباسی شہید اسپتال منتقل کردیا گیا۔
پولیس نے واقعے کی تفتیش شروع کردی۔رواں سال شہرقائد میں ڈکیتی مزاحمت پرجاں بحق ہونے والے شہریوں کی تعداد 76 ہوگئی ۔
کراچی، نادرن بائی پاس پر پلاسٹک کے گودام میں آگ لگ گئی