عمران خان اور بشری بی بی کے خلاف 190 ملین پاؤنڈ کیس کا فیصلہ کل صبح ساڑھے 11 بجے سنایا جائے گا
اشاعت کی تاریخ: 16th, January 2025 GMT
اسلام آباد(ڈیلی پاکستان آن لائن)سابق وزیراعظم اور پاکستان تحریک انصاف (پی ٹی آئی) کے بانی عمران خان اور ان کی اہلیہ بشری بی بی کے خلاف 190 ملین پاؤنڈ کیس کا فیصلہ کل صبح ساڑھے 11 بجے سنایا جائے گا۔ڈان نیوز کے مطابق احتساب عدالت کے عملہ نے پی ٹی آئی وکلا کو اس حوالے سے آگاہ کر دیا ہے کہ کیس کا فیصلہ کل صبح ساڑھے 11 بجے سنایا جائے گا، احتساب عدالت کے جج ناصر جاوید رانا محفوظ شدہ فیصلہ سنائیں گے۔
خیال رہے کہ عمران خان اور بشریٰ بی بی کے خلاف 190 ملین پاؤنڈ ریفرنس ٹرائل ایک سال کے عرصے میں مکمل ہوا، نیب ریفرنس کا ٹرائل گزشتہ سال 18 دسمبر کو مکمل ہوا تھا، کیس کا فیصلہ ابتدائی طور پر 23 دسمبر کو سنایا جانا تھا۔بعد ازاں، عدالت نے چھٹیوں اور کورس کے باعث سماعت ملتوی کرتے ہوئے کہا تھا کہ کیس کا فیصلہ 6 جنوری کو سنایا جائے گا۔تاہم، 6 جنوری کو بھی فیصلہ نہیں سنایا جاسکا اور یہ ایک بار پھر موخر کردیا گیا تھا۔
سیف علی خان پر حملہ، پڑوسن اداکارہ کرشمہ تنا کا تہلکہ خیز دعویٰ
13 جنوری کو ہونے والی سماعت کے دوران احتساب عدالت کے جج ناصر جاوید 9 بجے سے کمرہ عدالت میں موجود تھے تاہم عمران خان، بشریٰ بی بی اور ان کے وکلا کمرہ عدالت میں نہیں پہنچے۔14 جنوری کو احتساب عدالت کی جانب سے تحریری حکمنامہ جاری کیا گیا جس میں کہا گیا کہ سپرنٹنڈنٹ اڈیالہ جیل کے ذریعے بانی پی ٹی آئی کو عدالت میں پیش ہونے کے لیے طلب کیا گیا مگر بانی پی ٹی آئی نے کمرہ عدالت آنے سے انکار کیا۔احتساب عدالت کے جج ناصر جاوید کی جانب سے تحریر کیے گئے فیصلے میں کہا گیا کہ 2 گھنٹے انتظار کے باوجود ملزمان عدالت میں پیش نہ ہوئے، عمران خان نے فیصلہ سننے کے لیے کمرہ عدالت آنے سے انکار کیا۔تحریری فیصلے میں کہا گیا کہ ریفرنس کا فیصلہ اب 17 جنوری کو سنایا جائےگا، آئندہ تاریخ پر ملزمان اور متعلقہ افراد بر وقت حاضری یقینی بنائیں۔
ڈی چوک احتجاج: شہریار آفریدی کی 5 مقدمات میں عبوری ضمانت منظور
واضح رہے کہ 190 ملین پاؤنڈز یا القادر ٹرسٹ کیس میں الزام لگایا گیا ہے کہ عمران خان اور ان کی اہلیہ نے پی ٹی آئی کے دور حکومت میں برطانیہ کی نیشنل کرائم ایجنسی (این سی اے) کی جانب سے حکومتِ پاکستان کو بھیجے گئے 50 ارب روپے کو قانونی حیثیت دینے کے عوض بحریہ ٹاؤن لمیٹڈ سے اربوں روپے اور سینکڑوں کنال مالیت کی اراضی حاصل کی۔یہ کیس القادر یونیورسٹی کے لیے زمین کے مبینہ طور پر غیر قانونی حصول اور تعمیر سے متعلق ہے جس میں ملک ریاض اور ان کی فیملی کے خلاف منی لانڈرنگ کے کیس میں برطانیہ کی نیشنل کرائم ایجنسی (این سی اے) کے ذریعے 140 ملین پاؤنڈ کی وصولی میں غیر قانونی فائدہ حاصل کیا گیا۔
سیف علی خان کے ایک ملازم نے سہولت کاری کی، اداکار پر حملے کے بعد نئی اپ ڈیٹ آگئی
عمران خان پر یہ بھی الزام ہے کہ انہوں نے اس حوالے سے طے پانے والے معاہدے سے متعلق حقائق چھپا کر کابینہ کو گمراہ کیا، رقم (140 ملین پاؤنڈ) تصفیہ کے معاہدے کے تحت موصول ہوئی تھی اور اسے قومی خزانے میں جمع کیا جانا تھا لیکن اسے بحریہ ٹاؤن کراچی کے 450 ارب روپے کے واجبات کی وصولی میں ایڈجسٹ کیا گیا۔
مزید :.ذریعہ: Daily Pakistan
کلیدی لفظ: احتساب عدالت کے عمران خان اور سنایا جائے گا کیس کا فیصلہ ملین پاؤنڈ کمرہ عدالت عدالت میں پی ٹی آئی جنوری کو کے خلاف کیا گیا اور ان
پڑھیں:
ڈیپ فیک رومانس، خاتون ساڑھے 3 لاکھ 50 ڈالرز سے محروم
جنوبی کوریا کی ایک خاتون کو ڈیپ فیک (AI سے تیار کردہ جعلی ویڈیوز) پر مبنی رومانس اسکینڈل میں تقریباً 3 لاکھ 50 ہزار امریکی ڈالر (تقریباً 500 ملین وون) کا نقصان اٹھانا پڑا۔
جعلسازوں نے مشہور کورین اداکار لی جنگ جے (Squid Game کے مرکزی کردار) کی نقل کرتے ہوئے اسے یہ باور کرا دیا کہ وہ خود اداکار سے رومانوی تعلق میں ہیں۔
مقامی میڈیا رپورٹس کے مطابق، یہ دھوکہ دہی 6 ماہ تک جاری رہی۔ اس دوران متاثرہ خاتون جن کی شناخت صرف Aکے نام سے ظاہر کی گئی ہے کو جعلی ویڈیوز، تصاویر، اور ایک فیک ڈرائیونگ لائسنس دکھایا گیا جس پر اداکار کا چہرہ لگا ہوا تھا۔
یہ بھی پڑھیے ڈیپ فیک سے ڈیٹا چوری تک، اے آئی سے ذاتی تصاویر بنوانا کتنا خطرناک؟
جعل سازوں نے متاثرہ خاتون کو پیار بھرے ناموں جیسے ’ہنی‘ اور ’سوئیٹی‘ سے مخاطب کیا، جس سے ’رومانس‘ مزید قابلِ یقین محسوس ہوا۔
تحقیقات کے مطابق، یہ جعلساز ممکنہ طور پر کمبوڈیا میں سرگرم ایک بین الاقوامی گروہ سے وابستہ ہیں۔
جنوبی گیونگ سانگ صوبائی پولیس ایجنسی نے تصدیق کی ہے کہ معاملے کی تفتیش جاری ہے اور اس کے ممکنہ بین الاقوامی روابط بھی کھنگالے جا رہے ہیں۔
’اسکوئڈ گیم‘ اسٹار لی جنگ جے کے مینجمنٹ ایجنسی نے اس واقعے کی سخت مذمت کرتے ہوئے کہا کہ ’نہ کمپنی اور نہ ہی ہمارے کسی فنکار نے کبھی کسی سے مالی مدد یا بینک ٹرانسفر کی درخواست کی ہے۔‘
ایجنسی نے عوام سے اپیل کی کہ وہ ایسے کسی بھی پیغام یا درخواست پر یقین نہ کریں اور اگر کسی مشکوک اکاؤنٹ سے رابطہ کیا جائے تو فوراً حکام کو اطلاع دیں۔
یہ بھی پڑھیں عالیہ بھٹ کی ڈیپ فیک ویڈیو وائرل
اداکار کی ٹیم نے تصدیق کی ہے کہ وہ قانون نافذ کرنے والے اداروں کے ساتھ مکمل تعاون کر رہی ہے تاکہ جعلسازوں کے خلاف قانونی کارروائی کی جا سکے۔
ڈیپ فیک اسکینڈلز میں اضافہیہ واقعہ ان بڑھتے ہوئے عالمی کیسز میں تازہ اضافہ ہے جن میں AI ٹیکنالوجی کا استعمال کرتے ہوئے مشہور شخصیات کی جعلی شناخت بنا کر لوگوں کو مالی نقصان پہنچایا جا رہا ہے۔
حالیہ برسوں میں اسی نوعیت کے کیسز میں جعلسازوں نے ہالی ووڈ اداکار ڈیکر مونٹگومری (Stranger Things) اور کیانو ریوز (John Wick) کے نام استعمال کر کے متاثرین سے بھاری رقوم بٹور لیں۔
ماہرین کا کہنا ہے کہ ڈیپ فیک ٹیکنالوجی کے بڑھتے استعمال نے آن لائن شناختی فراڈ کے خطرات کو کئی گنا بڑھا دیا ہے، اور عوام کو ایسے ’رومانوی تعلقات‘ پر مبنی دھوکوں سے ہوشیار رہنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیکنالوجی ڈیپ فیک رومانس
ٹرمپ نے فوج کو فوری طور پر نیوکلیئر ٹیسٹنگ کا حکم دیدیا