کراچی؛ سوزوکی پک اپ اور کار کے درمیان تصادم، ایک شخص جاں بحق 18 زخمی
اشاعت کی تاریخ: 18th, January 2025 GMT
کراچی:
ڈیفنس مین کورنگی روڈ قیوم آباد جانے والے ٹریک پر فیز ون گولڈ مارک کے قریب سوزوکی پک اپ اور کار کے درمیان تصادم میں دونوں گاڑیاں الٹ گئیں جس کے نتیجے میں خواتین اور بچوں سمیت 18 افراد زخمی ہوگئے جبکہ ایک شخص دوران علاج زخموں کی تاب نہ لاتے ہوئے دم توڑ گیا۔
حادثے کی اطلاع ملتے ہی ڈیفنس پولیس اور ریسکیو کے رضا کار موقع پر پہنچ گئے اور زخمیوں کو ایدھی و چھیپا کی ایمبولینسوں کے ذریعے جناح اسپتال لیجایا گیا، زخمی ہونے والے آپس میں رشتے دار بتائے جارہے ہیں جن کی حالت تشویش ناک بتائی جا رہی ہے۔
چھیپا حکام کے مطابق حادثے میں شدید زخمی 28 سالہ حماد زخموں کی تاب نہ لاتے ہوئے دم توڑ گیا جبکہ زخمیوں کی شناخت 5 سالہ شایانہ ، 40 سالہ سرفراز ، 23 سالہ شینا ، 27 سالہ سمرا ، 50 سالہ عبدالسلام ، 23 سالہ شکیل ، 45 سالہ سید امام الدین ، 36 سالہ ریاض ، 8 سالہ نبیلہ ، 9 سالہ سمیر ، 4 سالہ منتہا ، 30 سالہ افشاں ، 3 سالہ انشال ، 6 سالہ رحیم شاہ ، 5 سالہ شاہزیب ، 30 سالہ ریاض اور 60 سالہ زلیخا کے نام سے کی گئی۔
ایس ایچ او ڈیفنس عدیل افضال نے بتایا کہ جاں بحق اور زخمی ہونے والے 17 افراد سوزوکی پک اپ میں سوار تھے جو کہ خدا داد کالونی سے کورنگی شادی کی تقریب میں شرکت کے لیے جا رہے تھے جبکہ حادثے میں سیاہ رنگ کی ٹویوٹا کرولا کار کو بھی شدید نقصان پہنچا ہے تاہم اس کا ڈرائیور سامنے نہیں آیا ہے۔
پولیس نے دونوں گاڑیوں کو تھانے منتقل کر کے مزید تفتیش کا آغاز کر دیا ہے جبکہ سی سی ٹی وی کیمروں کی فوٹیجز بھی حاصل کرنے کی کوشش کی جا رہی ہے تاکہ حادثے کی وجہ کا تعین کیا جا سکے۔
.ذریعہ: Express News
پڑھیں:
ساکران روڈ پر گھر میں فائرنگ سے ایک شخص جاں بحق
data-id="863a0a8" data-element_type="widget" data-widget_type="theme-post-content.default">
250916-02-12
کراچی (اسٹاف رپورٹر) شہر کے مختلف علاقوں میں حادثات و واقعات میں بچی اور خاتون سمیت 4 افراد جاںبحق ہوگئے‘ دیگر واقعات میں 5 افراد زخمی ہوئے۔ تفصیلات کے مطابق حب چوکی ساکران روڈ چڑھائی کے قریب گھر میں فائرنگ سے 30سالہ عزیز الرحمن ولد عبدالفتح نامی شخص جاں بحق ہوگیا۔ ابراہیم حیدری تھانے کی حدود کورنگی سیکٹر 51C (A&S) ریزیڈنسی کے قریب خود کو گولی مار کر 21 سالہ سیکورٹی گارڈ نعمان نے خود کشی کرلی۔ سرجانی میں 51 سی گھر سے 9 سالہ بچی کی پھندا لگی لاش ملی۔ متوفیہ کی لاش کو قانونی کارروائی کے لیے عباسی شہید اسپتال منتقل کر کے تفتیش کا آغاز کر دیا گیا۔ فیڈرل بی ایریا بلاک 21 کے گھر سے خاتون کی کئی روز پرانی لاش ملی‘ متوفیہ کی لاش کو متعلقہ تھانے سے ضابطے کی کارروائی کے بعد ایدھی ہوم سہراب گوٹھ سرد خانے منتقل کر دیا گیا۔ دوسری جانب پاک کالونی تھانے کی حدود پرانا گولیمار میں نامعلوم سمت سے آنے والی گولی لگنے سے 35 سالہ شائستہ زخمی ہوگیا۔ لانڈھی تھانے کی حدود کورنگی نمبر 6 نیوی روڈ کے قریب ڈکیتی کے دوران مزاحمت پر فائرنگ سے 35 سالہ شہروز ولد محمد افضل زخمی ہوا۔ شاہ لطیف تھانے کی حدود ملیر رزاق آباد دھنی پرتو گوٹھ ٹیلیفون ایکس چینج کے قریب جھگڑے کے دوران فائرنگ سے 28 سالہ راشد ولد غلام قادر زخمی ہوگیا۔ سہراب گوٹھ تھانے کی حدود نیو کراچی بھٹی چوک کے قریب فائرنگ سے 30سالہ عرفان ولد علی گوہر زخمی ہوا ۔
دریاؤں میں پانی کی صورتحال ابھی تک غیر معمولی ہے، شرجیل میمن