ٹی پی ایل پراپرٹیز منصوبے کا آغاز
اشاعت کی تاریخ: 18th, January 2025 GMT
کراچی (کامرس رپورٹر)ٹی پی ایل پراپرٹیز کے تحت The Mangrove کے نام سے منصوبے کی تعارفی تقریب کا انعقاد کراچی کے مقامی ہوٹل میں کیا گیا۔ٹی پی ایل کے گروپ سی ای او علی جمیل نے خطاب کرتے ہوئے کہا کہ پاکستان میں بہترین انجنئرز اور عالمی معیار کی ٹیمز موجود ہیں، بین الاقوامی سطح پر بھی منصوبے شروع کرنے کا ارادہ رکھتے ہیں۔انہوں نے کہا کہ کراچی میں The Mangrove کے نام سے 15 ملین اسکوائر فٹ پر گیٹڈ کمیونٹی منصوبے کا آغاز کیا جا رہا ہے، منصوبہ 70 ایکڑ اراضی پر مشتمل ہوگا جس میں 14 ایکڑ پر پارک قائم ہوگا۔تقریب میں شرکا کو ٹی پی ایل کے مستقبل کے منصوبوں سے آگاہ بھی کیا گیا۔علی جمیل نے بتایا کہ منصوبے میں رہائشی اور کمرشل عمارتیں تعمیر کی جائیں گی اور رہائشیوں کے لیے کھیل سمیت بہترین سہولیات دستیاب ہوں گی۔
.ذریعہ: Jasarat News
کلیدی لفظ: ٹی پی ایل
پڑھیں:
پنجاب میں شفاف منصوبے اور فلاحی اقدامات جاری ہیں، عظمیٰ بخاری
سٹی42:وزیر اطلاعات و ثقافت پنجاب عظمیٰ بخاری نے پریس کانفرنس کرتے ہوئے کہا کہ سیلاب متاثرین میں اب تک 10 ارب روپے تقسیم کیے جا چکے ہیں جبکہ پنجاب حکومت کے تمام منصوبے کرپشن سے پاک ہیں۔ ان کا کہنا تھا کہ بیوروکریسی کی کارکردگی (KPI) مانیٹرنگ کی جا رہی ہے اور صوبے میں صفائی کا تاریخی نظام قائم ہے، جہاں ایک لاکھ 40 ہزار 400 ورکرز اور 2 ہزار افسران خدمات انجام دے رہے ہیں۔
آئی سی سی سہ ماہی اجلاس کا آغاز آج سے دبئی میں ہو گا
صوبائی وزیر اطلاعات و ثقافت عظمی بخاری نے میڈیا سے بات کرتے ہوئے کہا کہ آج سے وزیراعلی پنجاب کے کاموں کی تفصیلات دی جائیں گی، ان کا کہنا تھا کہ آج سولہ منصوبوں بارے معلومات فراہم کروں گی،صوبائی وزیر اطلاعات نے کہا کہ بہت سے کام ایسے ہیں جن کا کبھی اعلان بھی نہیں کیا گیا، دس ملین سے زائد روپے سیلاب متاثرین میں بانٹے جا چکے ہیں، سیلاب آنے کے دو ماہ کے اندر اندر تمام لوگوں کو مالی معاونت فراہم کر دی جائے گی۔
سال 2025 کا روشن ترین سپر مون کل رات آسمان پر نمودار ہوگا
اپنی چھت اپنا گھر پراجیکٹ:
اُن کا کہنا ہے کہ ’’اپنی چھت اپنا گھر پراجیکٹ‘‘ کے تحت ایک لاکھ 4ہزار 8سو خاندانوں کو قرضہ فراہم کر دیا گیا ہے، اس منصوبے کے تحت 30ہزار گھر بن چکے ہیں، اس منصوبے کے تحت روزانہ 290 گھر بن رہے ہیں،انہوں نے کہا کہ واسا کا توسیعی منصوبہ بھی شروع کیا گیا، پنجاب کے 38 شہروں میں واسا کو پھیلایا گیا۔عظمیٰ بخاری نے مزید بتایا کہ مئی سے اکتوبر تک گھروں کی تعمیر میں 588 فیصد اضافہ ریکارڈ کیا گیا۔ واسا کی 14 نئی ایجنسیاں قائم کی جا چکی ہیں، جس سے مجموعی تعداد دسمبر تک 38 ہو جائے گی۔
پھلوں اور سبزیوں کی آج کی ریٹ لسٹ ۔منگل 04نومبر ، 2025
ستھرا پنجاب:
انہوں نے بتایا کہ صوبے میں اب تک 94 لاکھ 4 ہزار ٹن ویسٹ ٹھکانے لگایا جا چکا ہے جبکہ “ستھرا پنجاب” پروگرام اپنی نوعیت کا دنیا کا سب سے بڑا صفائی منصوبہ ہے۔
الیکٹرک بسوں:
وزیر اطلاعات نے کہا کہ الیکٹرک بسوں کے فیز ٹو کا آغاز ہو چکا ہے، جس کے تحت 200 نئی بسیں فراہم کی جا رہی ہیں۔ فیز ٹو میں بہاولپور، راجن پور اور گجر خان کو بسیں دی جائیں گی، جبکہ دسمبر تک پنجاب کے 42 شہروں کو 1100 بسیں فراہم کر دی جائیں گی۔ ان کے مطابق روزانہ 8 لاکھ لوگ الیکٹرک بسوں اور 4 میٹرو سروسز کے ذریعے 9 لاکھ مسافر سفر کر رہے ہیں۔
غزہ میں 2 سال بعد تعلیمی سرگرمیاں بحال، اسکولوں میں پھر سے رونق لوٹ آئی
سموگ کی شدت:
عظمیٰ بخاری نے کہا کہ رواں سال سموگ کی شدت پچھلے سال کے مقابلے میں کم رہی۔ معذور افراد کو 1 ارب روپے کی خطیر رقم سے 17 سے زائد اقسام کے معاون آلات فراہم کیے گئے ہیں۔ لائیو اسٹاک پروگرام کا فیز ون مکمل اور فیز ٹو شروع ہو چکا ہے۔
الیکٹرک بائیکس:
انہوں نے بتایا کہ 27 ہزار طلبا و طالبات کو بلاسود بائیکس دی گئیں، جن میں 8200 الیکٹرک بائیکس طالبات استعمال کر رہی ہیں۔ مریم نواز نے یتیم بچوں کو مفت ای بائیکس فراہم کیں۔ اب تک 1 لاکھ 4 ہزار 800 خاندانوں کو قرض فراہم کیا گیا ہے، جبکہ 30 ہزار گھر مکمل اور 90 فیصد گھر تکمیل کے مراحل میں ہیں۔
ڈاکٹر نے محبوبہ کی خاطر اہلیہ کو موت کے گھاٹ اتار دیا
دھی رانی پروگرام:
انہوں نے کہا کہ “دھی رانی پروگرام” کے تحت فیز تھری میں 5 ہزار اجتماعی شادیاں کرائی گئیں۔ چلڈرن ہارٹ سرجری پروگرام کے تحت 7 ہزار سے زائد بچوں کی کامیاب سرجری کی جا چکی ہے، جبکہ فیلڈ ہسپتالوں سے ہزاروں مریض مستفید ہو چکے ہیں۔
ان کا کہنا تھا کہ بی ایچ یو اور آر ایچ سی مراکز میں اب جدید سہولیات دستیاب ہیں۔ چین کے تعاون سے کینسر کا نیا علاج متعارف کرایا جا رہا ہے، سرگودھا میں کارڈیالوجی ہسپتال مکمل ہونے کے قریب ہے اور پنجاب کا کینسر ہسپتال اگلے ماہ مکمل ہو کر ایمرجنسی سروسز شروع کرے گا۔
کسان کارڈ:
عظمیٰ بخاری نے کہا کہ 10 لاکھ سے زائد کسانوں کو کسان کارڈ فراہم کیے جا چکے ہیں، جن میں 100 ارب روپے تقسیم کیے گئے ہیں۔ زرعی ٹیوب ویل کی سولرائزیشن اور گرین ٹریکٹر پروگرام فیز ٹو کا آغاز بھی کر دیا گیا ہے۔
انہوں نے کہا کہ حمزہ شہباز اور مریم نواز کی ٹیلی فونک گفتگو لیک ہونے پر ہم ڈیفیمیشن کورٹ جائیں گے، جس نے گفتگو پروی لاگ کی وہ قانونی کارروائی کے لیے تیار رہے۔
صحت کارڈ:
عظمیٰ بخاری نے واضح کیا کہ سرکاری ہسپتالوں میں علاج بالکل فری ہے، صحت کارڈ کی ضرورت نہیں جبکہ پی آئی سی فیز ٹو کا افتتاح جلد کیا جائے گا۔ انہوں نے کہا کہ تجاوزات کے خاتمے سے چند افراد کو نقصان ضرور ہوا، مگر اس سے ہزاروں شہریوں کو فائدہ پہنچا ہے۔
آزاد کشمیر، تحریکِ عدم اعتماد آج بھی پیش نہیں کی جا سکی