کراچی: 11 روز سے لاپتا 8 سالہ بچے کی لاش کہاں سے ملی؟
اشاعت کی تاریخ: 18th, January 2025 GMT
کراچی کے علاقے نارتھ کراچی سے 8 سالہ صارم کی گمشدگی کا مقدمہ 11 روز قبل اس کے والد محسن پرویز کی مدعیت میں درج کیا گیا تھا۔ اغوا کی دفعہ کے تحت درج کیے گئے مقدمہ کے مطابق، صارم مدرسہ سے واپس آتے ہوئے لاپتا ہوا تھا، مدرسے کے قاری نے بتایا کہ صارم چھٹی ہوتے ہی گھر روانہ ہوگیا تھا۔ مقدمہ میں دعویٰ کیا گیا کہ صارم کو نامعلوم وجوہات کی بنا پر اغوا کیا گیا۔
پولیس کے مطابق، بچے کے والد کومختلف موبائل نمبروں سے بھتے کے پیغام بھی ملے، پولیس نے موبائل فون نمبروں کی معلومات حاصل کیں، جن نمبروں سے میسجز ملے وہ پنجاب اور بلوچستان کے تھے، میسجز کرنے والوں نے سوشل میڈیا پلیٹ فارم سے بچے کے والد کا نمبر حاصل کیا تھا، لاپتا صارم کو فلیٹ میں بنی پانی کی ٹنکیوں میں بھی چیک کیا جاچکا تھا۔
یہ بھی پڑھیں: کراچی: ماں اور 2 بچوں پر چھریوں کے وار، ایک بچہ دم توڑ گیا
بچے کی عدم بازیابی کے باعث صارم کے اہلخانہ نے ایس ایس سینٹرل کے دفتر کے باہر احتجاج بھی ریکارڈ کرایا، احتجاج میں پی ٹی آئی کراچی کا وفد بھی شریک ہوا تھا۔ صارم نارتھ کراچی سے 11 روز قبل مدرسہ سے واپسی پر لاپتا ہوا تھا۔
ایس ایس پی سینٹرل کی جانب سے آج بتایا گیا ہے کہ صارم کی لاش مل گئی ہے، بچے کی لاش بلڈنگ کے انڈر گراونڈ ٹینک سے ملی ہے، بچے کی لاش کو نکال کر پوسٹ مارٹم کے لیے بھیجا گیا ہے۔ بیان میں کہا گیا ہے کہ ایسا ظاہر ہوتا ہے کہ واقعہ حادثاتی طور پر پیش آیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 سالہ wenews بچہ ٹینک زیر زمین صارم کراچی گمشدہ لاپتا لاش.ذریعہ: WE News
کلیدی لفظ: 8 سالہ بچہ ٹینک کراچی لاپتا لاش بچے کی کی لاش
پڑھیں:
بھکر میں قرض کی رقم واپس نہ کرنے پر مقروض کی 4 سالہ بیٹی کا اغوا
پنجاب کے ضلع بھکر کی تحصیل کلورکوٹ میں ایک افسوسناک واقعہ پیش آیا ہے جہاں قرض کی رقم واپس نہ کرنے پر قرض خواہ نے مقروض کی 4 سالہ بیٹی کو اغوا کرلیا۔
پولیس کے مطابق ظہیر نامی شخص نے مبینہ طور پر بچی کو گھر کے باہر سے اغوا کیا۔
پولیس حکام کا کہنا ہے کہ بچی کے والد نے ظہیر نامی شخص سے رقم ادھار لے رکھی تھی، اور جب رقم واپس نہ کی جا سکی تو ملزم نے انتقامی کارروائی کرتے ہوئے معصوم بچی کو اٹھا لیا۔
میڈیا رپورٹس کے مطابق ڈی پی او بھکر نے بتایا کہ ملزم کی گرفتاری کے لیے چھاپے مارے جا رہے ہیں، اور بچی کی جلد بازیابی پولیس کی اولین ترجیح ہے۔
انہوں نے کہا کہ ملزم کو گرفتار کر کے قانون کے کٹہرے میں لایا جائے گا تاکہ ایسے واقعات کی روک تھام ہو سکے۔
کراچی، نادرن بائی پاس پر پلاسٹک کے گودام میں آگ لگ گئی