فیڈرل بورڈ آف ریونیو نے پاکستان کسٹمز میں دس برس سے تعینات کنٹیجنٹ ملازمین کو اضافی بوجھ قرار دیتے ہوئے ملازمت سے فارغ کرنے کا فیصلہ کیا ہے،ایف بی آر میں تعینات کنٹیجنٹ ملازمین نائب قاصد ، سوئپر ہیں ،وفاقی حکومت کے ماتحت دیگر اداروں میں ایسے ملازمین کے کنٹریکٹ میں توسیع کی منظوری فنانس ڈویژن دے چکا ،ایف بی آر نے فنانس ڈویژن سے افسران کے لئے 10 10 گاڑیوں کی خریداری کے لئے 6 ارب کی منظوری حاصل کرلی،لیکن کنٹیجنٹ ملازمین کی فائل روک دی گئی۔ایف بی آر کے دوہرے معیار کی وجہ سے ملک بھر میں پاکستان کسٹمز کے نائب قاصد ،جمعدار،کلرک سمیت دیگر نچلے عہدوں پر کم تنخواہ والے کنٹیجنٹ ملازمین کا اپنی دس سے بارہ برس پر محیط ملازمتوں سے فارغ ہونے امکان ہے۔واضح رہے کہ ایف بی آر میں تعینات ممبر کسٹم ،سمیت دیگر اعلی افسران پاکستان کسٹمز کے کنٹیجنٹ ملازمین کی فائل وزارت خزانہ کو ارسال نہیں کر رہے جس کی وجہ وہ ایسے ملازمین کو قومی خزانے پر بوجھ قرار دے رہے ہیں جبکہ ایف بی آر کے ماتحت شعبوں میں کنٹریکٹ ملازمین ،ڈیلی ویجز ملازمین کے کنٹریکٹ میں توسیع ہورہی ہے اور وفاقی وزارت خزانہ ،بیت المال سمیت دیگر وفاقی اداروں میں کنٹیجنٹ ملازمین کی اگلے مالی سال تک توسیع ہو چکی ہے تاہم ایف بی آر کے ماتحت پاکستان کسٹمز کے ایسے ملازمین کی توسیع کے لئے نامعلوم وجوہات کی بنا پر فائل وزارت خزانہ کو ارسال نہیں کی جارہی ہے جبکہ دوسری جانب رواں ماہ کے آغاز میں ایف بی آر نے ہنڈا اٹلس کمپنی سے گریڈ 17 سے اوپر افسران کے لئے 1010 گاڑیاں خریدنے کے لئے معاہدہ کیا ہے اور اس 6 ارب کے معاہدے سے حاصل گاڑیوں کے لئے ابتدائی طور پر تین ارب روپے کی ادائیگی بھی کردی گئی ہے ۔واضح رہے کہ رواں مالی سال 2024-25کے دوران 5 ستمبر کو فنانس ڈویژن نے وفاقی حکومت کے ماتحت اداروں کو بچت مہم کے تحت گاڑیوں،ایمبولینس ،اسکول وین،میڈیکل آلات ،مشینری ،سمیت دیگر آلات کی خریداری پر مکمل پابندی عائد کی گئی تھی جبکہ ان اداروں کو متنبہ کیا گیا تھا کہ ان اداروں میں عارضی ملازمین کے لئے نئی ملازمتیں بھی نہیں نکالی جائیں گی جبکہ ایک دوسرے نوٹیفکیشن کے زریعے پہلے سے موجود کنٹیجنٹ ملازمین کے کنٹریکٹ میں توسیع کردی گئی تھی لیکن ایف بی آر کے ماتحت پاکستان کسٹمز کے کنٹیجنٹ ملازمین کی فائل وزارت خزانہ ارسال نہیں کی گئی ۔
.ذریعہ: Nawaiwaqt
پڑھیں:
سرکاری ملازمین کے لیے بڑی خوشخبری ؛ کرایہ داری سیلنگ میں 85 فیصد اضافہ منظور
سٹی 42: وفاقی ملازمین کے لیے کرایہ داری سیلنگ میں 85 فیصد اضافہ کردیا گیا۔وزارت ہاؤسنگ نے کرایہ داری سیلنگ کے اضافے کا نوٹیفکیشن جاری کر دیا۔
وزارت ہاؤسنگ و ورکس کا نیا اضافہ یکم نومبر 2025 سے نافذ ہوگا، رہائشی کرایہ داری سیلنگ کی شرحیں فنانس ڈویژن کی مشاورت سے مقرر کیا گیا ۔
وفاقی حکومت کے تمام ملازمین (بی ایس-1 تا 22) کے لیے اضافے کی منظوری دے دی گئی ، اضافہ کا اطلاق چھ خاص اسٹیشنز پر ہو گا۔
آئی سی سی سہ ماہی اجلاس کا آغاز آج سے دبئی میں ہو گا
بڑے شہروں میں کرایہ جات میں اضافہ سرکاری ملازمین کو بڑھتے کرایوں میں بڑا ریلیف دے گا۔وفاقی وزیر ہاؤسنگ میاں ریاض حسین پیرزادہ نے وفاقی ملازمین کو مبارکباد دی۔ ریاض حسین پیرزادہ نے کہا وزارت ہاؤسنگ ملازمین کی سہولت کے لیے پرعزم ہیں۔
اسلام آباد میں 17,400 سرکاری رہائشی مکانات جبکہ 43,000 سے زائد رجسٹرڈ درخواست گزار ہیں ۔ وفاقی کابینہ کی منظوری کے بعد سرکاری ملازمین کے رینٹل سیلنگ الاونس میں اضافے کا نوٹیفکیشن جاری کیا گیا ۔ نوٹیفیکشن کے مطابق تمام سرکاری ملازمین کے رینٹل سیلنگ الاونس میں 85 فیصد اضافہ کیا گیا ہے ۔
سال 2025 کا روشن ترین سپر مون کل رات آسمان پر نمودار ہوگا
وزارت ہاوسنگ اینڈ ورکس نے اسلام آباد، راولپنڈی، لاہور کراچی پشاور اور کوئٹہ کیلئے نئی رینٹل سیلنگ ریٹس جاری کر دیے ۔اسلام آباد میں کام کرنے والے بی پی ایس ایک اور دو کے ملازمین کو اب 13ہزار روپے ماہانہ ملیں گے ۔
گریڈ 1 اور 2 کے ملازمین کو باقی 5 شہروں میں 12 ہزار 193 روپے ملیں گے ۔گریڈ 3 اور 6 تک کے ملازمین کو اسلام آباد میں 20 ہزار 313 روپے ملیں گے ۔
جبکہ دوسرے پانچ شہروں میں 3 سے 6 تک کے ملازمین کو 17 ہزار860 روپے ماہانہ ملیں گے ۔گریڈ 17 اور 18 کے افسران کو اسلام آباد میں اب 76 ہزار 122 روپے ملا کریں گے ۔
پھلوں اور سبزیوں کی آج کی ریٹ لسٹ ۔منگل 04نومبر ، 2025
17،18 کے افسران کو باقی 5 شہروں میں 66 ہزار 411 روپے ماہانہ ملیں گے ۔
اسلام آباد میں گریڈ 19 کے افسر کو 1 لاکھ 12 ہزار ،گریڈ 20 کے افسر کو 1 لاکھ 27 ہزار روپے ملیں گے ۔
اسلام آباد میں گریڈ 21 کے افسر کو 1 لاکھ 52 ہزار 183 روپے جبکہ گریڈ 22 کے افسر کو 1 لاکھ 82 ہزار 121روپے ماہانہ ملیں گے ۔
تمام نئے رینٹل سیلنگ الاونس کا اطلاق یکم نومبر 2025 سے ہو گا
کراچی، نادرن بائی پاس پر پلاسٹک کے گودام میں آگ لگ گئی