سندھ کے مفاد پر سمجھوتا نہیں کرینگے،ناصر حسین شاہ
اشاعت کی تاریخ: 19th, January 2025 GMT
سکھر (نمائندہ جسارت) صوبائی وزیر توانائی، منصوبہ بندی سید ناصر حسین شاہ نے کہا ہے کہ نہروں کا مسئلہ بہت اہم ہے، سندھ کے مفاد پر کوئی سمجھوتا نہیں کریں گے۔ انہوں نے کہا کہ سب سے اہم پاکستان ہے، پاکستان ہے تو ہم ہیں، ایسے حساس مسائل صوبوں اور عوام میں اختلاف پیدا کرتے ہیں۔ ڈی ای پی ڈی سکھر ریجن اور ہوپ فار مین کائنڈ آرگنائزیشن کے تعاون سے گنگھوٹی گراؤنڈ روہڑی میں خصوصی بچوں کے لیے اسپورٹس فیسٹیول کی افتتاحی تقریب کے موقع پر میڈیا سے گفتگو کرتے ہوئے انہوں نے کہا کہ بجلی بلنگ چیک کرنے کے لیے محکمہ توانائی میں کمیٹی بنائی گئی ہے۔ حیرت ہے کہ سرکاری اداروں میں بہت زیادہ بلنگ کی جا رہی ہے۔ صوبائی وزیر نے کہا کہ بیراج روڈ پر ایک اسکول کو ہر بار 20 گنا زیادہ بل بھیجا گیا ہے، بل زیادہ بھیجنے کے باوجود عوام لوڈشیڈنگ سے نجات حاصل نہ کر سکے۔ انہوں نے کہا کہ میں توانائی کا وزیر ہوں، روہڑی میں میرا گھر ہے اور وہاں دن میں 8 بار لوڈشیڈنگ ہو رہی ہے۔ شہری کہتے ہیں کہ اس سے بہتر تھا کہ آپ توانائی کے وزیر نہ ہوتے۔ انہوں نے کہا کہ عوام لوڈشیڈنگ اور اوور بلنگ سے نجات حاصل نہیں کر سکے، یہ ہماری ذمہ داری ہے کہ اس مسئلے پر کام کریں تاکہ کسی کے ساتھ نا انصافی نہ ہو، انہوں نے سکھر سمیت پورے صوبے کے تمام اسپیشل ایجوکیشن سینٹرز کو سولر سسٹم فراہم کرنے کا اعلان کیا۔ اسپورٹس فیسٹیول کے موقع پر خصوصی بچوں نے سائن لینگویج میں قومی ترانہ پیش کیا اور سکھر ریجن کے 8 اسپیشل ایجوکیشن سینٹرز کے بچوں نے مارچ پاس بھی پیش کیا۔
.ذریعہ: Jasarat News
کلیدی لفظ: انہوں نے کہا کہ
پڑھیں:
سکھر: بھینس کے معاملے پر دو گروہوں میں جھگڑا، 3 افراد قتل
---فائل فوٹوسکھر میں بھینس چوری کے معاملے پر جاگیرانی برادری کے دو گروہوں میں جھگڑے کے دوران فائرنگ کے تبادلے میں 3 افراد قتل اور ایک شخص زخمی ہوگیا۔
صوبہ سندھ کے شہر سانگھڑ میں جونیجو برادری کے جھگڑے میں 3 افراد کے قتل جبکہ 19افراد زخمی ہو گئے۔
ایس ایس پی سکھر کے مطابق روہڑی کے قریب فائرنگ کے تبادلے میں دونوں اطراف سے ہلاکتیں ہوئیں ہیں، زخمیوں اور لاشوں کو اسپتال منتقل کردیا گیا۔
پولیس کے مطابق چند ماہ قبل دونوں فریقین میں صلح ہوگئی تھی، عید کے روز دوبارہ جھگڑا ہوا، بھینس چوری کے معاملے پر گزشتہ سال 13 افراد قتل ہوچکے ہیں۔
خیبرپختونخوا،سرکاری اسکولز کو فرنیچر فراہم کرنے کا فیصلہ