بنوقابل پروگرام کو مزید شہروں میں وسعت دے رہے ہیں،جاوید قصوری
اشاعت کی تاریخ: 19th, January 2025 GMT
لاہور (نمائندہ جسارت) امیر جماعت اسلامی پنجاب وسطی محمد جاوید قصوری نے شیخوپورہ کے ضلعی شوریٰ کے اجلاس میں شرکت کی۔ تنظیمی، دعوتی اُمور کا جائزہ لیا، بنو قابل پروگرام کے حوالے سے تفصیلات طے کیں اور آئندہ کے اہداف کے حوالے سے رہنمائی کی۔ اس موقع پر نائب امیر صوبہ نصراللہ گورائیہ، امیر ضلع زاہد عمران کوروٹانہ، قیم ضلع انجینئر علی رحمان و دیگر اراکین ضلعی شوریٰ بھی موجود تھے۔ محمد جاوید قصوری نے اپنے خطاب میں کہا کہ موجودہ مہنگائی کے دور میں تعلیم حاصل کرنا غریب گھرانوں کے لیے مشکل ہوتا جا رہا ہے، اس لیے الخدمت فائونڈیشن کے تعاون سے نوجوانوں کو مفت آئی ٹی کورسز فراہم کر رہے ہیں، ’’بنو قابل پروگرام‘‘ کے تحت گزشتہ سال 50 ہزار سے زائد طلبہ و طالبات کو مختلف کورسز میں تربیت دی جا چکی ہے، بے روزگار نوجوانوں کی آئی ٹی کے ذریعے ٹریننگ اور ہنر مندی کے ذریعے بے روزگاری ختم کرنے کا جامع پلان تیار کیا ہے، اب اس پروگرام کو مزید شہروں تک وسعت دی جا رہی ہے۔ انہوں نے کہا کہ پروگرام کے کورسز کو سندھ ٹیکنیکل ایجوکیشن بورڈ اور پنجاب بورڈ آف ٹیکنیکل ایجوکیشن سمیت دیگر اہم تکنیکی اداروں سے منسلک کیا گیا ہے تاکہ طلبہ کو جاری کردہ سرٹیفیکیٹس کو قومی اور عالمی سطح پر موثر بنایا جا سکے، ان کورسز کی تربیت پیشہ ور آئی ٹی ماہرین کی زیر نگرانی دی جا رہی ہے، نوجوان نسل کی صحیح اور درست سمت رہنمائی سے انہیں بہتر مستقبل دیا جا سکتا ہے۔ ملکی موجودہ صورتحال پر تشویش کا اظہار کرتے ہوئے محمد جاوید قصوری نے کہا کہ حکمرانوں نے عوام سے جینے کا حق چھین لیا، لوگوں کے صبر کا پیمانہ لبریز ہو چکا، لاوا پھٹنے والا ہے، حکومت میں شامل جماعتیں جاگیرداروں، وڈیروں اور کرپٹ سرمایہ داروں کی پشتیبان ہیں، حکمرانوں نے اپنے مفاد کے لیے ہمیشہ ملک کا سودا کیا اور عوام کو تکلیفیں دیں، چوکیدار بدلتے ہیں، کرپٹ نظام اپنی جگہ قائم ہے، مہنگائی، بے روز گاری، بجلی و گیس کے بلوں کی وجہ سے لوگوں کی نیندیں اُڑ گئیں، کرپشن اور سودی نظام نے ملک کا بیڑہ غرق کر دیا۔
.ذریعہ: Jasarat News
کلیدی لفظ: جاوید قصوری
پڑھیں:
ثنا جاوید اور شعیب ملک کی عید کی تصاویر نے سب کی توجہ سمیٹ لی
اداکارہ ثنا جاوید اور سابق قومی کپتان شعیب ملک نے عیدالاضحیٰ کی دلکش تصاویر سوشل میڈیا پر شیئر کردیں۔
خوبصورت جوڑی کی بڑی عید کی تصاویر مداحوں کو بےحد پسند آئیں۔ دونوں نے دبئی سے عید کے پہلے دن کی جھلکیاں انسٹاگرام پر پوسٹ کیں، جس میں وہ روایتی لباس پہنے خوشگوار موڈ میں نظر آئے۔
ثنا جاوید نے عید کے موقع پر سلک کا بلاک پرنٹ کا ہلکا گلابی جوڑا زیب تن کیا، جبکہ شعیب ملک نے سرمئی رنگ کے روایتی شلوار قمیص کا انتخاب کیا۔ اس موقع پر شعیب ملک اور ان کی اہلیہ اداکارہ ثنا جاوید نے مداحوں کو عید کی مبارکباد دی۔
https://www.instagram.com/p/DKk5HO5Tngi/یاد رہے کہ اداکارہ ثنا جاوید نے اپنے کیریئر کا آغاز مشہور ڈراموں "پیارے افضل"، "ذرا یاد کر" اور "خانی" سے کیا تھا۔ گزشتہ چند برسوں میں ان کی ذاتی زندگی خبروں کا حصہ بنی رہی خاص طور پر گلوکار عمیر جسوال سے علیحدگی اور شعیب ملک سے شادی کے بعد انہیں شدید تنقید کا سامنا رہا۔
رواں برس رمضان میں ایک شو کے دوران ثنا کی ویڈیو وائرل ہوئی تھی جس پر ان کے ممکنہ حمل کی قیاس آرائیاں بھی کی گئیں تاہم اس بارے میں جوڑے کی جانب سے کوئی باضابطہ اعلان نہیں ہوا۔
https://www.instagram.com/p/DKk35vfTmL1/?utm_source=ig_web_copy_link&igsh=MzRlODBiNWFlZA==
خیبرپختونخوا،سرکاری اسکولز کو فرنیچر فراہم کرنے کا فیصلہ