بھارت میں اجازت کے بنا نماز پڑھنے پر چار مسلمان گرفتار
اشاعت کی تاریخ: 20th, January 2025 GMT
بھارت(نیوز ڈیسک)انڈیا کی ریاست اترپردیش کے بریلی ضلع میں بغیر اجازت نجی پراپرٹ کے شیڈ کے اندر نماز ادا کرنے پر چار مسلمانوں کو گرفتار کرلیا گیا۔بھارتی حکام کا دعویٰ ہے کہ وہاں ایک مسجد غیر قانونی طور پر بنائی جا رہی تھی۔ یہ معاملہ ویڈیو کے سوشل میڈیا پر شیئر ہونے کے بعد سامنے آیا۔بھارتی میڈیا کے مبطابق ایک پولیس افسر نے بتایا کہ 20 سے زائد لوگ بغیر اجازت کے ایک عارضی ٹین شیڈ میں نماز ادا کر رہے تھے۔ یہ شیڈ جام ساونت شمالی نامی گاؤں میں ایک اراضی پر بنایا گیا تھا۔رپورٹ کے مطابق حکام سے اجازت لیے بغیر مسجد بنانے پر 7 افراد اور کچھ دیگر افراد کے خلاف مقدمہ درج کیا گیا ہے جن کی ابھی تک شناخت نہیں ہوسکی۔اس کے علاوہ، گروپ نے آنے والے تہواروں اور یوم جمہوریہ کی تقریبات کی وجہ سے بڑے اجتماعات پر پابندی کے باوجود ایک دعائیہ اجلاس منعقد کیا۔
بعض ملزمان تاحال فرار ہیں۔ایک ہندو گروپ نے سوشل میڈیا پر مذکورہ لوکیشن کی ایک ویڈیو پوسٹ کی، جس نے اس معاملے کو توجہ دلائی۔ تحقیقات کے بعد، پولیس نے الزامات کی تصدیق کی تو کچھ مقامی افراد سمیت سات افراد کے خلاف بہاری پولیس اسٹیشن میں مقدمہ درج کیا۔ ان پر حکام کے احکامات کی خلاف ورزی کا الزام عائد کیا گیا۔رپورٹ کے مطابق باہری پولس اسٹیشن کے انچارج افسر سنجے تومر نے کہا، “ہم نے گاؤں کے لیڈر کے بھائی محمد شاہد سمیت چار لوگوں کو گرفتار کیا ہے جن پر امن خراب کرنے کا الزام لگایا ہے۔پولیس رپورٹ کے مطابق انہوں نے اس جگہ کو بند کر دیا ہے۔ جام سامت گاؤں کے زیادہ تر لوگ مسلمان ہیں۔ سب کو محفوظ رکھنے کے لیے، کسی بھی قسم کی پریشانی کو روکنے کے لیے پولیس تعینات کردی گئی ہے۔
صوبہ سندھ ، پنجاب میں تیل و گیس کے نئے ذخائر دریافت ،معیشت کے لیے اچھی خبر آگئی
.ذریعہ: Daily Ausaf
پڑھیں:
کراچی: بھائی کی ضمانت کیلئے 3 سالہ بچی اغوا کرنے والا ملزم گرفتار
کراچی:خواجہ اجمیر نگری پولیس نے تاوان کے لیے اغوا 3 سالہ بچی کو بازیاب کرکے اغوا کار کو گرفتار کرلیا۔
تفصیلات کے مطابق خواجہ اجمیر نگری پولیس نے 23 جولائی 2025 کو اغواء کی جانے والی 3 سالہ بچی ریحانہ کو بازیاب کروا کر ایک ملزم کو گرفتار کرلیا۔
ترجمان ایس ایس پی سینٹرل کے مطابق بازیاب کرائی گئی بچی شاہنواز بھٹو کالونی کی رہائشی ہے، ملزم نے دوران تفتیش انکشاف کیا کہ اس کا بھائی منگھوپیر پولیس کے ہاتھوں گرفتار ہو کر جیل میں ہے، بھائی کی ضمانت کیلئے رقم کی ضرورت تھی اس لیے بچی کو اغوا کیا۔
گرفتار ملزم بازیاب کرائی جانے والی بچی کا قریبی رشتہ دار ہے، ملزم نے اعتراف کیا کہ اس نے بچی کو اغوا کرنے کی منصوبہ بندی اس لیے کی تاکہ بچی کے والدین کو بلیک میل کرکے رقم حاصل کی جائے۔
پولیس کے مطابق کارروائی انتہائی حساس اور پیشہ ورانہ انداز میں مکمل کی گئی تاکہ بچی کو کسی قسم کا نقصان نہ پہنچے، اغوا کار سے تفتیش جاری ہے جس میں مزید انکشافات متوقع ہیں۔
اہلِ علاقہ اور بچی کے والدین نے ڈی آئی جی ویسٹ عرفان علی بلوچ، ایس ایس پی سینٹرل ذیشان شفیق صدیقی اور ایس ایچ او خواجہ اجمیر نگری سرفراز کمانڈو کی فوری کارروائی کو سراہا اور شکریہ ادا کیا۔
پاکستان اسٹاک ایکسچینج میں تیزی، 100 انڈیکس ریکارڈ سطح پر، ڈالر سستا ہوگیا