جماعت اسلامی حیدرآباد کے سابق امیر عبدالوحید قریشی انتقال کرگئے
اشاعت کی تاریخ: 21st, January 2025 GMT
حیدرآباد(نمائندہ جسارت) جماعت اسلامی حیدرآباد کے سابق امیر وسابق ایم پی اے حیدرآباد کی ممتاز دینی، سیاسی سماجی شخصیت عبدالوحید قریشی قضائے الہی سے82سال کی عمر انتقال کرگئے، مرحوم کی نماز جنازہ ہیر آباد حیدرآباد میںسابق امیر جماعت اسلامی پاکستان سراج الحق نے پڑھائی جبکہ لالو لاشاری قبرستان میں سپرد خاک کیا گیا ۔مرحوم نے بیوہ‘ چار بیٹوں اور تین بیٹیوں کو سوگوار چھوڑا ہے اس موقع پر سراج الحق نے ہزاروں شرکاء سے خطاب کرتے ہوئے کہاکہ عبدالوحید قریشی ایک کردار، اچھے اخلاق اور بلا سیاسی تفریق انسانی خدمت کا نام ہے آج ان کی رحلت سے حیدرآباد کا ایک سیاست اور خدمت کا
بڑاباب مکمل ہوا وہ بے شمار تیموں، بیواؤں کی کفالت کرتے تھے کتنے ہی مظلوموں کا سہارا تھے مدارس اور مساجد کی دیکھ بھال اور ان کے لئے وسائل مہیا کرتے تھے مرحوم آخری وقت تک ملک میں اسلامی نظام کے نفاذکے لئے جدوجہد کرتے رہے کے چہرے پر اپنے پرائے کے لئے مسکراہٹ رہتی تھی جتنیی وہ اپنے شہر کے لوگوں سے محبت کرتے تھے، نماز جنازہ کے شرکاء نے ثابت کردیا کہ ہر شہری خواہ کسی بھی پارٹی تعلق رکھتا ہو ان کے لئے محبت رکھتا ہے آج میں ان کے ان خانہ سے ہی نہیں بلکہ پورے حیدرآباد سے تعزیت کرنے آیا ہوں اللہ تعالی انہیں جنت الفردوس میں اعلی مقام عطا فرمائے۔ نماز جنازہ میں جماعت اسلامی کے مرکزی رہنما ڈاکٹر معراج الہدیٰ صدیقی،اسد اللہ بھٹو، امیر جماعت اسلامی سندھ کاشف سعید شیخ، نائب امیر جماعت اسلامی سندھ حافظ نصر اللہ چنا، امیر جماعت اسلامی حیدرآبا د حافظ طاہر مجید، نائب امراء عقیل احمد خان، عبدالقیوم شیخ، سید ناصر کاظمی، جنرل سیکریٹری جماعت اسلامی حیدرآباد حنیف شیخ، ڈپٹی جنرل سیکریٹری عبدالباسط خان، حافظ سفیان، ایم کیو ایم پاکستان کے رکن قومی اسمبلی سید وسیم حسین،ایم کیو ایم ڈسٹرکٹ حیدرآباد کے آرگنائزر ظفر صدیقی، سابق ایم این اے صلاح الدین، جے یو آئی (ف) کے تاج محمد ناہیو ں، جے یو آئی(س) کے مولانا اعظم خان سواتی، حافظ ارمان چوہان، رضوان گدی، تنظیم اساتذہ کے محمد اسلم قریشی، جاوید اخلاق، جے آئی یوتھ ضلع حیدرآباد کے صدرعرفان قائمخانی، اسلامی جمعیت طلبہ حیدرآباد کے جنرل سیکریٹری حافظ ریحان ، سابق صدر حیدرآباد پریس کلب شاہد شیخ، شیعہ علماء کونسل کے مصطفی حیدری، نیشنل لیبر فیڈریشن پاکستان کے سابق صدر رانا محمود علی خان، این ایل ایف سندھ کے صدر شکیل احمد شیخ،جم خانہ حیدرآباد کے جنر ل سیکریٹری آغا تاج، معروف سرجن ڈاکٹر رئیس پرویز، چیئرمین ٹریفک اینڈ روڈ سیفٹی فاؤنڈیشن جاوید اقبال، چیمبر آف کامرس اینڈ انڈسٹریز، اسمال چیمبر آف کامرس کے رہنما،تاجر برادری،سائٹ ایسوسی ایشن حیدرآباد کے رہنما احسن معید شیخ، ایڈوکیٹ معید شیخ، صاحبزادگان ابواعلیٰ عارف،منصور قریشی، عمر فاروق قریشی، حسین فاروق قریشی سیاسی، سماجی و مذہبی رہنما ؤں، ناظمین زرونز،جماعت اسلامی کے کارکنان سمیت شہریوں کی بڑی تعداد بھی نماز جنازہ میں شریک تھی۔
جماعت اسلامی حیدرآبادکے سابق امیر عبدالوحید قریشی کی نماز سابق امیر سراج الحق کی امامت میںادا کی جارہی ہے ان سیٹ میں مرحوم کی یادگار تصویر
ذریعہ: Jasarat News
کلیدی لفظ: جماعت اسلامی حیدرا امیر جماعت اسلامی عبدالوحید قریشی حیدرا باد کے کے سابق کے لئے
پڑھیں:
ماورا اور امیر کی عید کی خوشیاں سوگ میں بدل گئیں
ماورا حسین اور امیر گیلانی کا شمار پاکستان کے خوبصورت جوڑوں میں ہوتا ہے۔
ماورا کا شمار پاکستانی ڈرامہ انڈسٹری کی سپر اسٹارز میں ہوتا ہے جنہوں نے ‘ثبات’ ‘نیم’، ‘سمی’، ‘جفا’، ‘نوروز’، ‘سمی’، ‘قصہ مہربانو کا’، ایک تمنا لاحاصل سی’ اور ‘آنگن’ جیسے ڈراموں میں اداکاری کر کے اپنی صلاحیتوں کا لوہا منوایا ہے۔
صرف پاکستان ہی نہیں بلکہ بھارت میں صرف ایک فلم ‘صنم تیری قسم’ میں کام کرکے اپنی پہچان بنانے میں کامیاب ہوگئی جو پہلی ریلیز پر تو سوائے ایک گانے ‘تو کھینچ میری فوٹو’ کی مقبولیت کے علاوہ کوئی کامیابی حاصل نہ کرسکی البتہ دوبارہ ریلیز پر سپر ہٹ قرار پائی۔
اداکارہ نے سال 2025 فروری میں اپنی دیرینہ محبت امیر گیلانی سے اچانک شادی کر کے سب کو حیران کردیا تھا۔
امیر گیلانی سے ماورا کی ملاقات تو پہلی بار یونیورسٹی میں ہوئی تھی تاہم ان کے درمیان محبت ڈرامہ سیریل ‘ثبات’ کے سیٹ پر پروان چڑھی، اگرچہ دونوں نے اپنے رشتے کو بہت زیادہ ظاہر کرنے سے گریز کیا لیکن دیکھنے والوں کی نظروں نے ان دونوں کے آنکھوں میں ایک دوسرے کے لیے محبت کو بھانپ لیا تھا۔
چند ماہ قبل ہی ماورا اور امیر گیلانی کی شادی کی تقریبات کا انعقاد ہوا جو اس جوڑے کی طرح ہی خوبصورت تھیں، اس کے بعد سے دونوں کی خوش خرم ازدواجی زندگی ان کی سوشل میڈیا پر شیئر کردہ پوسٹس سے خوب جھلکتی ہے۔
حال ہی میں عید الضحیٰ کے موقع پر ماورا اور امیر نے اپنی دلکش ویڈیو انسٹاگرام کی زینت بنائی جس میں وہ دونوں امیر کی بہن کے ہمراہ ایڈ شیریں کے وائرل گانے چم چم پر موج مستی کرتے نظر آرہے ہیں۔
عید کے موقع پر نازک کی ماورا ڈیزائنر فرحت طالب عزیز کا لائٹ گرین اور پرپل امتزاج کا جوڑا پہنی نظر آئیں جبکہ امیر گیلانی لائٹ گرے میں پہلی بار کلین شیو لک کے ساتھ ڈیشنگ قرار پائے۔
تاہم اس عید کے موقع پر شاید اس جوڑے کی خوشیوں کا عمر خاصی مختصر تھی کیوں اسی دوران ان کی زندگی کی ایک اہم چیز ان سے دور ہوکر انہیں غم میں مبتلا کر گئی۔
ہوا کچھ یوں کہ امیر اور ماورا کا پالتو کتا ‘یوگی’ صرف 2 سال کی عمر میں انہیں داغِ مفارقت دے گیا۔
دونوں اداکاروں نے اپنے اپنے انسٹاگرام ہینڈل پر اس حوالے سے خصوصی پوسٹ کرتے ہوئے اس نقصان سے آگاہ کیا۔
اداکارہ نے لکھا کہ ‘ہمارے خوبصورت لڑکے، تم بہت جلدی اور اچانک چلے گئے، اتنی مختصر سی مدت میں ہمیں اتنی محبت دینے کا شکریہ، ہم تمہیں ہر روز یاد کریں گے، ہم ہمیشہ تمہارے بارے میں سوچیں گے، میرے گولڈن بوائے۔۔۔ میرے یوگی۔۔۔ لو یو۔۔۔
View this post on InstagramA post shared by MAWRA (@mawrellous)
دوسری جانب امیر نے بھی یوگی کے لیے خصوصی پوسٹ کرتے ہوئے لکھا کہ ‘آج ہمارے دل کا ایک ٹکڑا ہم سے جدا ہوگیا، میرا بہترین دوست یوگی، جلد ملیں گے۔۔ ساتھ ہی انہوں نے یوگی کا پیدائش کا دن یعنی 6 جون 2023 اور موت کی تاریخ یعنی 8 جون 2025 لکھی۔
A post shared by Ameer Gilani (@ameergilani)
دونوں نے اپنی پوسٹ میں یوگی کے ساتھ گزارے یادگار اور دل کو چھو لینے والے لمحات کی ویڈیو اور تصاویر بھی شیئر کیں جنہیں دیکھ کر اندازہ ہوتا ہے کہ یوگی ان کے دل کے کتنا قریب تھا۔
اس صدمے پر جہاں دونوں اداکار اور ان کے اہلِ خانہ غمگین ہیں وہیں انہوں نے عید کے پہلے دن کے علاوہ اپنی مزید کوئی عید پوسٹ بھی شیئر نہیں کی۔
سوشل میڈیا صارفین بھی ان کے اس صدمے پر دکھ کا اظہار کرتے نظر آئے، بہت سے صارفین نے اپنے تبصروں میں لکھا کہ اپنے پالتو جانور کو کھو دینا انتہائی تکلیف دہ ہوتا ہے یہ ہمارے بچوں کی طرح دل میں جگہ بنالیتے ہیں۔
وہیں بہت سے صارفین کتوں کی عمومی عمر کے پیشِ نظر صرف دو سال میں یوگی کی اچانک موت پر اپنی حیرت کا اظہار اور سوال کرتے نظر آئے۔
زیادہ تر صارفین نے ماورا اور امیر کے پالتو کتے کی موت پر ان کو تسلی اور محبت کے پیغام بھیجے اور گزشتہ عید پر یوگی کے ساتھ کھینچی تصاویر کو یاد کیا۔
Post Views: 2
’نئے آئی فون 17 میں پرانی چِپ‘، لاکھوں ضائع کرنے سے پہلے لیک رپورٹ پڑھ لیں