زیادہ مقبول کون؟ بابر اعظم یا شاہد آفریدی؟ سابق کپتان کا بڑا دعویٰ
اشاعت کی تاریخ: 22nd, January 2025 GMT
پاکستان کے سابق قومی کپتان اظہر علی نے کرکٹ لیجنڈ آل راؤنڈر شاہد آفریدی کے بعد سب سے مقبول کھلاڑی کا نام بتا دیا۔
پاکستان کے سابق قومی کپتان اظہر علی نے اسٹار بلے باز بابر اعظم کو لیجنڈ آل راؤنڈر شاہد آفریدی کے بعد سب سے مقبول قومی کرکٹر قرار دے دیا۔
حالیہ انٹرویو میں اظہر علی نے بابر اعظم کی بیٹنگ مہارت کی تعریف کرتے ہوئے کہا کہ اگرچہ وہ بابر کی کپتانی پر کئی بار تنقید کر چکے ہیں لیکن انہوں نے کبھی بھی ان کی بیٹنگ پر سوال نہیں اٹھایا۔
اظہر علی نے کہا، "بابر نے اتنے عرصے تک کپتانی کی، انہیں اس دوران ایک اور ٹیم بنانا چاہیے تھی لیکن جب بات بیٹنگ کی آتی ہے تو وہ مہارت کے ساتھ ملک کا نام روشن کرتے ہیں۔"
سابق کپتان نے مزید کہا کہ بابر اعظم پاکستان کے وہ واحد کھلاڑی ہیں جنہوں نے اپنی بیٹنگ سے دنیا بھر میں مداحوں کو متاثر کیا ہے۔ "آپ کسی ٹورنامنٹ میں اچھا نہ بھی کھیلیں لیکن بابر واحد کھلاڑی ہیں جو ہجوم کو جنون میں مبتلا کر دیتے ہیں، بالکل اسی طرح جیسے شاہد آفریدی اپنی ہارڈ ہٹنگ کے لیے مشہور تھے۔"
اظہر علی کا کہنا تھا، "بابر نے جس طرح بھارت اور دنیا بھر میں اپنا نام بنایا ہے، وہ قابل ستائش ہے۔ ایک روایتی بلے باز ہونے کے باوجود انہیں جو داد مل رہی ہے، وہ حیران کن ہے۔ شاہد بھائی کے بعد میں نے بابر کو پہلا کھلاڑی دیکھا ہے جو اس حد تک مقبول ہے۔"
اظہر علی کے اس بیان کو شائقین اور کرکٹ ماہرین نے بابر اعظم کی مہارت اور ان کی مقبولیت کا ایک اور اعتراف قرار دیا ہے۔
.
ذریعہ: Express News
کلیدی لفظ: اظہر علی
پڑھیں:
سابق وزیر اعظم آزادکشمیر سردار تنویر الیاس کی پیپلزپارٹی میں شمولیت
سٹی 42: سابق وزیر اعظم آزادکشمیر سردار تنویر الیاس 6 ایم ایل ایز اور امیدوار اسمبلی کے ہمراہ پیپلزپارٹی میں شامل ہو گئے ۔
ذرائع کے مطابق پیپلزپارٹی کی مرکزی قیادت سے سردار تنویر الیاس نے ملاقات جس میں سیاسی صورتحال پر مشاورت کی گئی۔
ذرائع کا کہنا ہے کہ سردار تنویر الیاس نے چوہدری ریاض سے بھی تفصیلی ملاقات اور آئندہ کا لائحہ عمل طے کیا،آزادکشمیر کی سیاست میں بڑی تبدیلیوں کی توقع ہے،پیپلزپارٹی آزادکشمیر کی پوزیشن مضبوط ہونے کے امکانات ہیں،سابق وزیر اعظم آزادکشمیر سردار تنویر الیاس کاپیپلزپارٹی میں شمولیت کا باضابطہ اعلان جلد متوقع ہے، سیاسی حلقوں میں چہ مگوئیاں شروع ہو گئیں۔
اٹک: کانگو وائرس سے بچاؤ کیلئے ضلع بھر میں ہیلتھ ایمرجنسی نافذ
خیال رہے کہ سردار تنویر الیاس استحکام پاکستان پارٹی آزادکشمیر کے موجودہ صدر ہیں۔
لاہور؛ بیوی کو ٹوکے کے وار سے قتل کرنے والا سفاک شوہر گرفتار