کراچی ایئرپورٹ: ایئرپورٹس اتھارٹی آوارہ کتوں کو قابو کرنے میں ناکام، ملبہ صوبائی قوانین پر ڈال دیا
اشاعت کی تاریخ: 23rd, January 2025 GMT
علامتی فوٹو
کراچی ایئرپورٹ پر آوارہ کتوں کا آزادانہ مٹر گشت جاری ہے، پاکستان ایئرپورٹس اتھارٹی (پی اے اے) مسافروں اور طیاروں کیلئے خطرہ بننے والے ان کتوں کو ایئرپورٹ سے دور رکھنے میں ناکام ہے۔
اتھارٹی کا موقف ہے کہ صوبائی حکومت کے قوانین آوارہ کتوں کو تحفظ فراہم کرتے ہیں اس لیے انہیں مارا نہیں جا سکتا۔
گاڑیوں کے پیچھے دوڑتے یہ کتے اکثر پیدل چلنے والوں پر بھی بھونکتے دیکھے گئے ہیں، جناح ٹرمنل کی پارکنگ میں ریسٹورنٹ کے قریب بھی کتوں کی آمد ورفت رہتی ہے، اس سے پہلے ایئرپورٹ کے جنرل ایوی ایشن ایریا میں طیاروں کے قریب آوارہ کتے گھومتے دیکھے گئے ہیں۔
فلائٹ سیفٹی کے ماہرین کے مطابق کتوں کی ایئرپورٹ کے علاقے میں موجودگی انسانوں اور طیاروں کیلئے خطرناک ہے۔
شہری ہوابازی ہینگر سے روانہ ہونے والی پرواز حادثے کے اندیشے کے سبب منسوخ کرنا پڑی۔
پاکستان ایئرپورٹس اٹھارٹی کے ترجمان کا کہنا ہے کہ ایئرپورٹ کے لینڈ سائیڈ ایریا میں آوارہ کتوں کی موجودگی کا نوٹس لے لیا گیا ہے اور کتے پکڑنے کیلئے ایدھی فاؤنڈیشن سے مدد مانگی گئی ہے۔
ترجمان کا کہنا ہے کہ 3700 ایکڑ پر مشتمل کراچی ایئرپورٹ گنجان آباد علاقوں سے گھرا ہوا ہے۔ پی اے اے نے اپنی حدود میں صفائی کے لیے خصوصی انتظامات کر رکھے ہیں اور ضلعی انتظامیہ سے بھی آوارہ کتوں کی روک تھام کے لیے تعاون جاری ہے۔ تاہم صوبائی قانون آوارہ کتوں کو مارنے کی اجازت نہیں دیتا جس سے کتوں کی تعداد میں اضافہ ہو رہا ہے۔
.
ذریعہ
ذریعہ: Jang News
کلیدی لفظ: کراچی ایئرپورٹ آوارہ کتوں
پڑھیں:
وزیراعلیٰ پنجاب مریم نواز کا میرپور آزاد کشمیر کے لیے ایئرپورٹ، الیکٹرک بسوں اور ترقیاتی منصوبوں کا اعلان
وزیراعلیٰ پنجاب مریم نواز نے میرپور آزاد کشمیر کے لیے ایئرپورٹ، الیکٹرک بسوں اور ترقیاتی منصوبوں کا اعلان کردیا ہے۔
میرپور میں انتخابی جلسے سے خطاب کرتے ہوئے مریم نواز نے کہا کہ مظفرآباد میں انہوں نے خود کو ‘کشمیر کی بیٹی’ کہا تھا، جس پر بعض لوگوں نے اعتراض کیا، حالانکہ ان کی خاندانی جڑیں کشمیر سے وابستہ ہیں۔’ وہ دل اور روح سے خود کو کشمیری سمجھتی ہیں، کیونکہ ان کے دادا، دادی، نانا اور نانی سب کا تعلق کشمیر سے تھا‘۔
یہ بھی پڑھیں: وزیراعلیٰ پنجاب مریم نواز شریف کا کیا گیا وعدہ پورا، 10 جدید الیکٹرک بسوں کا تحفہ مظفرآباد روانہ
انہوں نے کہا کہ میرپور پہنچ کر ٹوٹی پھوٹی سڑکیں دیکھ کر افسوس ہوا۔ کشمیریوں نے ہمیشہ پاکستان کی ترقی میں اہم کردار ادا کیا، اب وقت آ گیا ہے کہ میرپور میں بھی ترقی اور خوشحالی کے نئے دور کا آغاز ہو۔
وزیراعلیٰ پنجاب نے کہا کہ نواز شریف نے میرپور میں بین الاقوامی ہوائی اڈہ بنانے کا وعدہ کیا ہے اور ان کی روایت ہے کہ وہ جو وعدہ کرتے ہیں اسے پورا بھی کرتے ہیں۔
انہوں نے کہا کہ آزاد کشمیر کو ترقیاتی منصوبوں، اورنج لائن، الیکٹرک بسوں، جدید اسپتالوں، گھروں تک مفت ادویات کی فراہمی، راشن کارڈ اور ہمت کارڈ جیسی عوامی سہولیات کی ضرورت ہے، اور یہ سہولیات صرف وہی قیادت فراہم کر سکتی ہے جسے عوام نے بارہا خدمت کا موقع دیا اور جس نے پاکستان کو ایٹمی طاقت بنایا۔
یہ بھی پڑھیں: مسلم لیگ ن کو موقع ملا تو میرپور اور پورے آزاد کشمیر کی تقدیر بدلیں گے : نواز شریف
مریم نواز نے دعویٰ کیا کہ نواز شریف اور ان کی حکومتوں کے خلاف متعدد سازشیں کی گئیں، تاہم عوام کی حمایت کے باعث وہ سیاسی میدان میں ثابت قدم رہے۔ انہوں نے کہا کہ اگر نواز شریف کے ترقیاتی منصوبوں کو الگ کر دیا جائے تو آزاد کشمیر میں ترقیاتی کام بہت کم رہ جائیں گے۔
انہوں نے بلاول بھٹو زرداری کا نام لیے بغیر تنقید کرتے ہوئے کہا کہ حکومت بناتے وقت تو سب کامیابی کے دعوے کرتے ہیں، لیکن جب عوامی مسائل حل کرنے کی باری آتی ہے تو ذمہ داری وفاق پر ڈال دی جاتی ہے۔
ان کا کہنا تھا کہ آج جن سڑکوں کے ذریعے عوام جلسے میں پہنچے ہیں، وہ بھی نواز شریف کے دورِ حکومت میں تعمیر کی گئی تھیں۔
یہ بھی پڑھیں: مظفرآباد میں مسلم لیگ ن کا پاور شو: اقتدار میں آکر آزاد کشمیر کا بجٹ 10 گنا بڑھا دیں گے، نواز شریف
وزیراعلیٰ پنجاب نے اعلان کیا کہ مسلم لیگ (ن) انتخابات میں کامیابی کے بعد آزاد کشمیر میں جدید سفری، طبی اور فلاحی سہولیات فراہم کرے گی، جبکہ میرپور کے عوام کے لیے 10 الیکٹرک بسیں بھی تحفے کے طور پر دی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر الیکٹرک بس ایئرپورٹ مریم نواز مسلم لیگ ن میرپور نواز شریف
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم