جیکب آباد: سول اسپتال میں ادویات ناپید، مریضوں کو باہر سے خریدنے کا مشورہ
اشاعت کی تاریخ: 26th, January 2025 GMT
جیکب آباد (نمائندہ جسارت) سول اسپتال کے ایم ایس اور اکائونٹنٹ کی ملی بھگت سے کرپشن کا بازار گرم ہے، جنوری میں بجٹ سے 17 لاکھ 67 ہزار کا صفایا کیا گیا ، 10 لاکھ 61 ہزار سے زائد ادویات پر خرچ کرنے کے باوجود ایمرجنسی میں مریضوں کو باہر سے دوا لینے کا مشورہ دیا جا رہا ہے، جبکہ اسپتال کا جنریٹر ایک لاکھ 90 ہزار اور گاڑی ایک لاکھ 80 ہزار کا فیول پی گئی، کوئی پوچھنے والا نہیں، جنوری میں عام ادویات 37700، جان بچانے والی ادویات 7 لاکھ 13 ہزار اور اسپیسفک کنزیومبل 3 لاکھ 10 ہزار کی خریدی گئی، پھر بھی اسپتال میں ادویات کے فقدان سے دور دراز سے آنے والے غریب مریضوں کو مشکلات کا سامنا کرنا پڑتا ہے۔ شہریوں جاوید علی، عمیر، ارباب، مسمات رانی، عائشہ، سندیا کماری اور دیگر نے شکایت کرتے ہوئے کہا کہ اسپتال میں علاج کی سہولیات ناپید ہو گئی ہیں، ایم ایس کو شکایت پر بھی کوئی ازالہ نہیں ہوتا، سول اسپتال میں نارمل سلائن ڈرپ اور ڈرپ سیٹ تک موجود نہیں، ماہانہ لاکھوں روپے کا بجٹ کہاں خرچ ہو رہا ہے؟ اس کی تحقیقات کرائی جائے۔ انہوں نے وزیر اعلیٰ، وزیر صحت، سیکرٹری اور کمشنر لاڑکانہ سمیت رکن سندھ اسمبلی شیر محمد مغیری سے نوٹس لینے کا مطالبہ کیا ہے۔ دوسری جانب اس سلسلے میں ایم ایس ڈاکٹر پرکاش سے رابطہ کیا گیا تو انہوں نے کچھ بھی بتانے سے انکار کر دیا۔
.ذریعہ: Jasarat News
کلیدی لفظ: اسپتال میں
پڑھیں:
بھارت میں خواتین کے خلاف جرائم میں ہوش رُبا اضافہ، مودی راج میں انصاف ناپید
بھارت میں خواتین کے خلاف جرائم میں ہوش ربا اضافہ ہو چکا ہے جب کہ مودی راج میں انصاف ناپید ہے۔
ہندو انتہا پسند جماعت بی جے پی کی کٹھ پتلی حکومت کے دور میں ریپ کلچر بھارت کی نئی پہچان بن چکا ہے اور مودی سرکار صرف جھوٹے نعروں تک محدود ہو گئی ہے۔ "بیٹی بچاؤ، بیٹی پڑھاؤ" صرف ایک فریب بن کر رہ گیا ہے جب کہ زمینی حقائق مودی کے دعووں سے کوسوں دور ہیں۔
مودی راج میں خواتین کے خلاف جرائم عروج پر ہیں۔ بھارت عورتوں کے لیے جہنم بن چکا ہے۔
ہندوستان ٹائمز کے مطابق بھارتی ریاست اڈیشہ کے جگت سنگھ پور میں 18 سالہ لڑکی کو اغوا کرکے اجتماعی زیادتی کا نشانہ بنایا گیا ہے۔ متاثرہ لڑکی اپنی سہیلی کے ساتھ سالگرہ کی تقریب سے واپس آ رہی تھی کہ راستے میں 2 افراد نے اسے اغوا کر لیا۔
رپورٹ کے مطابق متاثرہ لڑکی کے والد نے بتایا کہ ملزمان نے لڑکی کو کھیت میں لے جا کر اجتماعی زیادتی کا نشانہ بنایا جب کہ اس کی سہیلی موقع سے فرار ہونے میں کامیاب ہو گئی۔ لڑکی کی حالت تشویشناک ہے اور وہ ضلع ہیڈکوارٹر اسپتال میں داخل ہے۔
پولیس نے متاثرہ لڑکی کے والد کی شکایت پر مقدمہ درج کر کے ملزمان کی تلاش شروع کردی ہے ۔ بھارت میں خواتین کے خلاف جرائم کے مسلسل واقعات سامنے آ رہے ہیں، جس کے خلاف اپوزیشن سراپا احتجاج ہے۔
ہندوستان ٹائمز کی رپورٹ کے مطابق اپوزیشن کا کہنا ہے کہ بی جے پی حکومت گزشتہ ایک سال میں قانون و انصاف کی بحالی میں مکمل طور پر ناکام ثابت ہوئی ہے۔ بی جے ڈی کے رہنما پریابرات موہاپاترا نے کہا کہ ہم تمام مجرموں کی گرفتاری تک ایس پی آفس کا گھیراؤ جاری رکھیں گے۔
مودی کے دور میں بھارت خواتین کے لیے ایک خونیں قید خانہ بن چکا ہے۔ بھارت میں بیٹیوں کا خون سستا ہو چکا ہے اور انصاف صرف ایک خواب بن کررہ گیا ہے۔
حکومت نے ایک سال میں پاور سیکٹر میں نقصان کم کرکے ٹیکس پیئر کے 151 ارب روپے بچائے، وزیرتوانائی