معروف ٹک ٹاک اسٹار کو ویڈیو وائرل ہونے کے بعد موت کی دھمکیاں موصول
اشاعت کی تاریخ: 29th, October 2025 GMT
امریکی یوٹیوبر اور ٹک ٹاک اسٹار کاز سوئیر سوشل میڈیا پر اس وقت تنازع کا شکار ہوگئے، جب ان کی ایک ویڈیو وائرل ہوئی جس میں وہ سنگاپور کے مارینا بے سینڈز ہوٹل کے انفینٹی پول میں بغیر اجازت داخل ہوتے دکھائی دیے۔
اس ویڈیو میں سوئیر نے دعویٰ کیا کہ انہوں نے پول میں چپکے سے داخل ہو کر ویڈیو بنائی۔ اس کے بعد سوشل میڈیا پر شدید تنقید کی گئی اور ناظرین نے اس حرکت کو خطرناک اور بعض حلقوں میں غیر قانونی قرار دیا۔
یہ بھی پڑھیں: 25 سالہ ٹک ٹاکر کی اچانک موت، آخری فون کال پر کیا بات کی تھی؟
حال ہی میں ایک ٹک ٹاک ویڈیو میں سوئیر نے اس تنازع پر معافی مانگی اور بتایا کہ ان کے خلاف دھمکی آمیز پیغامات کی شدت بڑھ گئی ہے، جن میں موت اور قید کی دھمکیاں بھی شامل ہیں۔ انہوں نے کہا، ’مجھے اب موت کی دھمکیاں موصول ہو رہی ہیں‘۔
سوئیر نے واضح کیا کہ ہوٹل کے مہمانوں کو پول تک رسائی حاصل ہے، لیکن یہ نہیں بتایا کہ آیا وہ خود ہوٹل میں قیام پذیر تھے یا نہیں۔ انہوں نے کہا، ’میرا وکیل کہتا ہے کہ میں تصدیق یا تردید نہیں کر سکتا‘۔
یہ بھی پڑھ لیں: رجب بٹ نے جنسی زیادتی، استحصال اور تشدد کیا، تمام ثبوت موجود ہیں، ٹک ٹاکر فاطمہ خان کا دعویٰ
دوسری جانب ہوٹل انتظامیہ نے بھی واضح کیا ہے ’ہم یاد دلانا چاہتے ہیں کہ انفینٹی پول تک رسائی صرف ہوٹل کے مہمانوں کو حاصل ہے، اور ہم جان بوجھ کر داخل ہونے والے افراد کے خلاف قانونی کارروائی کرنے سے گریز نہیں کریں گے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹک ٹاکر ٹک ٹاکر کو دھمکیاں معروف ٹک ٹاکر وائرل ویڈیو.ذریعہ: WE News
کلیدی لفظ: ٹک ٹاکر ٹک ٹاکر کو دھمکیاں معروف ٹک ٹاکر وائرل ویڈیو
پڑھیں:
کبریٰ خان کی نئی وائرل ڈانس ویڈیو پر صارفین کے دلچسپ تبصرے
پاکستانی شوبز انڈسٹری کی معروف اداکارہ کبریٰ خان کی نئی ڈانس ویڈیو سوشل میڈیا پر وائرل ہوگئی۔
کوریوگرافر زرمینہ یوسف نے فوٹو اینڈ ویڈیو شیئرنگ ایپ انسٹاگرام پر کبریٰ خان کے ہمراہ ڈانس کی ریہرسل کی ایک ویڈیو شیئر کی ہے جو سوشل میڈیا پر وائرل ہوگئی ہے۔
اس ویڈیو کو شیئر کرتے ہوئے کیپشن میں لکھا کہ ’یہ صرف ایک جھلک ہے‘۔
View this post on InstagramA post shared by Zarmeena Yusuf (@zarmeenayusuf___)
اداکارہ کی اس وائرل ڈانس ویڈیو کو سوشل میڈیا صارفین کی جانب سے بہت پسند کیا جا رہا ہے اور اس پر دلچسپ تبصرے بھی کیے جا رہے ہیں۔
ایک صارف نے تبصرہ کرتے ہوئے لکھا کہ یہ بہت زبردست ہے، کبریٰ خان بہت پیاری لگ رہی ہیں۔
ایک اور صارف نے لکھا کہ اس ویڈیو میں اداکارہ بالکل ایک چھوٹی سی بچی لگ رہی ہیں۔
واضح رہے کہ کبریٰ خان اکثر خود بھی سوشل میڈیا پر اپنے مداحوں کے ساتھ اس طرح کی دلچسپ ویڈیوز شیئر کرتی رہتی ہیں جنہیں ان کے مداحوں کی جانب سے بہت پسند کیا جاتا ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر