آرمی چیف کے علاوہ کسی سے ملاقات نہیں ہوئی: بیرسٹر گوہر
اشاعت کی تاریخ: 29th, January 2025 GMT
پاکستان تحریک انصاف کے چیئرمین بیرسٹر گوہر خان—فائل فوٹو
پاکستان تحریک انصاف کے چیئرمین بیرسٹر گوہر خان کا کہنا ہے کہ آرمی چیف کے علاوہ کسی سے ملاقات نہیں ہوئی۔
اسلام آباد کی کچہری میں میڈیا سے گفتگو کرتے ہوئے انہوں نے کہا کہ ہمارے اوپر ہر قسم کی سختیاں کی گئی اس کے باوجود مذاکرات میں بانئ پی ٹی آئی نے پہل کی۔
بیرسٹر گوہر خان کا کہنا ہے کہ ہم نے اپنے مطالبات حکومت کے سامنے رکھے، حکومت نے مذاکرات میں لیٹ کیا، حکومت سنجیدہ ہوتی تو اپنا جواب دیتی، حکومت نے یہ کہا 28 کو کمیٹی روم میں جواب دیں گے۔
مشیرِ اطلاعات خیبر پختون خوا بیرسٹر محمد علی سیف کا کہنا ہے کہ نواز شریف اور مریم نواز مذاکرات کی ناکامی کے مشن میں کامیاب ہو گئے۔
چیئرمین پی ٹی آئی نے کہا کہ اگر حکومت ہمارے ساتھ جواب پہلے شیئر کرتی تو غور کر لیتے، ہم نے جوڈیشل کمیشن بنانے کا مطالبات میں کہا تھا لیکن حکومت نے جواب نہیں دیا، حکومت چاہتی نہیں تھی مذاکرات ہوں اور ان کا حل نکلیں۔
ان کا مزید کہنا ہے کہ آج جج زیبا چوہدری کے سامنے ہمارا 26 نومبر وال کیس لگا ہوا تھا، وہ قائم مقام جج ہیں اس وجہ سے انہوں نے تاریخ کی، ہم اُمید کرتے ہیں کہ مستقل جج ہو گا اور پراسس آگے چلے گا، یہ کیس آگے جا سکتا ہے، وکیل نے کیس کا اچھا ڈرافٹ بنایا ہے اور قانون کے مطابق چلے گا۔
بیرسٹر گوہر خان نے یہ بھی کہا کہ بڑے ناموں سے کوئی فرق نہیں پڑتا ہے، کوئی بھی قانون سے اوپر نہیں ہے، عدالت دیکھے گی کیس بنتا ہے تو چلائے گی۔
.ذریعہ: Jang News
کلیدی لفظ: بیرسٹر گوہر خان کہنا ہے کہ
پڑھیں:
شرلاک ہومز کی گتھی !
لیبر روم سے فون :
تین ہفتے پہلے ڈلیوری ہوئی تھی، کوئی پیچیدگی نہیں ہوئی تھی۔ 2 دن اسپتال رہنے کے بعد گھر بھیج دیا تھا۔ 3 ہفتے وہ ٹھیک رہی اور آج صبح ویجائنا سے بلیڈنگ شروع ہوئی۔ پہلے ہلکی ہلکی اور دوپہر کے بعد بڑے بڑے کلاٹس ( لوتھڑے)…
ہمارے پاس پہنچی تو بلڈپریشر لوئر سائیڈ پہ تھا، رنگت انتہائی پیلی، ہیموگلوبن چیک کروایا، سات نکلا.. ڈاکٹر نے ہسڑی بتائی۔
بخار؟ ہم نے پوچھا۔
نہیں ہے .. جواب ملا۔
بچے دانی کا حجم کیا ہے؟ اگلا سوال۔
پیٹ میں تو محسوس نہیں ہوئی، بچے دانی پیلوس میں جا چکی ہے۔
پی وی PV کی ؟
مریضہ کوآپریٹو نہیں ہے، سروکس تک تو میں نہیں پہنچ سکی لیکن ویجائنا سے کلاٹس نکالے ہیں ..
الٹرا ساؤنڈ میں کچھ نظر آیا؟ اگلا سوال۔
نہیں، بچے دانی خالی ہے ..
او کے سب لیبز بھجوائیں، خون کی دو تین بوتلیں چڑھائیں.. لیبز کا رزلٹ آ جائے تو اینٹی بایوٹک شروع کروا دیں۔ بچے دانی کو سکیڑنے والی دوائیں بھی شروع کروا دیں۔ ہماری ہدایات۔
فون بند ہو گیا۔ ہم اپنے کاموں میں مصروف ہو گئے۔
کچھ دیر بعد پھر گھنٹی بجی۔
ڈاکٹر ، بلیڈنگ ختم ہو گئی تھی ۔ بلڈ پریشر ٹھیک تھا لیکن اب ایک دم پھر سے بلیڈنگ شروع ہو گئی ہے اور بلڈ پریشر گر رہا ہے۔ مریضہ شاک میں جا رہی ہے …ڈاکٹر کی فکرمند آواز ۔
اجازت نامے پہ سائن کروائیں، آپریشن تھیٹر شفٹ کریں، چار بوتل خون منگوائیں، میں آ رہی ہوں۔
لیکن کس آپریشن کی اجازت لیں؟ ڈیوٹی ڈاکٹر کچھ کنفیوزڈ تھی۔
EUA and proceed .
Examination under anesthesia and proceed
کے معنی ہیں کہ مریضہ کو بے ہوش کرکے معائنہ کیا جائے اور پھر جو بھی حل نظر آئے وہ کیا جائے۔ یہ ٹرم بلائنڈ تو ہے لیکن اسے سینئر اور قابل اعتماد ڈاکٹرز استعمال کرتے ہیں۔
مریضہ آپریشن تھیٹر ٹیبل پہ لیٹی تھی۔ دونوں ہاتھوں سے خون کی بوتلیں لگی تھیں۔ بلڈ پریشر خون لگنے کے بعد کچھ قابو میں آ چکا تھا۔
مریضہ کو بے ہوش کر نے کے بعد ہم نے ویجائنا اور
بچے دانی کا معائنہ کیا۔ بچے دانی تھیلا بن کر خون کے لوتھڑوں سے بھری ہوئی تھی۔ ہم نے خون کے لوتھڑے نکال کر سکشن ویکیوم پائپ سے اندر کی صفائی کی اور پھر ایک اوزار سے بچے دانی کی دیواروں کو احتیاط سے کھرچا۔
بچے دانی خالی تو ہو گئی تھی مگر سکڑنے کے لیے تیار نہیں تھی ۔ اگر بچے دانی نہ سکڑے تو احتمال ہوتا ہے کہ بلیڈنگ دوبارہ شروع ہو گی۔
لیکن ہم کوئی خطرہ مول لینے کو تیار نہیں تھے۔ پہلے ہی بہت خون ضائع ہو چکا تھا۔
مریضہ کی پوزیشن بنائیں، ہم پیٹ کھولیں گے، ہم نے اعلان کرتے ہوئے انیستھیٹسٹ، نرس اور ڈاکٹر کو بتایا۔
کیا ؟ کیا بچے دانی نکالنی ہے؟ مریضہ صرف 25 برس کی ہے … نرس نے ہکلاتے ہوئے پوچھا۔
نہیں ، بچے دانی نکالنا آخری حل ہے، ابھی ہماری پوٹلی میں کچھ اور نسخے باقی ہیں … ہم نے جواب دیا۔
پیٹ کی ساری تہیں کھول کر بچہ دانی تک پہنچے۔ اسے ہاتھ میں پکڑا تو بالکل پتلے آٹے جیسی محسوس ہوئی .. اسے doughy feeling کہتے ہیں، ہم نے اپنی جونئیر کو بتایا۔
یہ صحت مند بچے دانی نہیں ہے اس لیے لاچار پڑی ہے، سکڑنے سے عاری ہے اور خون کا اخراج ہو رہا ہے۔
کیا دواؤں سے یہ سکڑ نہیں سکتی؟ ہماری جونئیر نے پوچھا۔
بیمار بچے دانی دواؤں سے قابو میں نہیں آتی، اس میں ہمت ہی نہیں ہوتی .. اس وقت اسے سہارے کی ضرورت ہے… یہ اس قدر بیمار ہے کہ دواؤں کا اثر ہونے تک اسے سہارا دیا جانا چاہیے ..
اور وہ سہارا کیا ہوگا؟ ہماری جونئیر نے پوچھا۔
دیکھتی رہو .. ہم نے مسکرا کر جواب دیا اگر چہ ہماری مسکراہٹ ماسک کے پیچھے سے دیکھی نہیں جا سکتی تھی ۔
ہم نے بچے دانی کو ہاتھ میں لیتے ہوئے نرس سے سوئی دھاگہ مانگا اور پھر چلا سوئی دھاگے اور گانٹھوں کا ایک سلسلہ۔
چلتے چلتے ہم نے سوچا بچے دانی سامنے ہے تو اس میں ایک ٹیکہ بھی لگا دیا جائے۔ ٹیکہ لگا کر بچے دانی کو واپس پیلوس میں رکھا۔ پیٹ بند کرنے سے پہلے ویجائنا کا دوبارہ معائنہ کیا کہ بچے دانی سے خون کے خروج کا کیا عالم ہے۔ ویجائنا خشک تھی۔
آہ ہا … ایک سکون بھری آواز۔
پیٹ بند کرتے ہوئے ہدایات کیں کہ لال خون کے ساتھ سفید خون بھی دیا جائے، اینٹی بایوٹکس شروع کر دی جائیں، بلڈ پریشر مانٹرنگ جاری رکھی جائے اور 2 گھنٹے بعد ہمیں اطلاع دی جائے۔
اسپتال سے نکلنے کو تھے کہ بیٹی کا فون آ گیا … امی واپسی پہ پزا لیتی آئیے گا ..
او کے .. جان امی …
2 گھنٹے بعد اسپتال سے فون آیا، میم مریضہ ہوش میں ہے، بالکل ٹھیک ہے، بلڈ پریشر نارمل ہے، خون دونوں طرف کی شریانوں میں جا رہا ہے۔ انٹی بایوٹک شروع کروا دی ہیں۔
او کے ، شکریہ ، صبح اس کیس پہ ڈسکشن ہو گی، سب تیار رہیں۔
جی میم …کون کون سا ٹاپک پڑھیں ؟
ڈاکٹر نے پوچھا۔
وہی جو سب کچھ ہوا … زچگی سے لے کر گھر جانے اور پھر بلیڈنگ کے ساتھ واپس آنے تک … سوچیے کہاں کیا گڑبڑ ہوئی؟ کیا تشخیص بنائی ہم نے؟ اور کیا کچھ کیا اور کیسے کیا؟
سوچو اور پڑھو صبح تک … صبح بات ہوگی … ہم نے کہا۔
بیٹی پاس بیٹھی سن رہی تھی، ہنس کر کہنے لگی، ہر وقت شرلاک ہومز نہ بنا کریں۔ سیدھی طرح بتا دیتیں کہ کیا حرج تھا؟
ارے بیٹی ، صاف صاف بتاؤ تو بھیجےمیں جاتا نہیں۔ اب ذہن پہ زور دیں گی، سوچیں گی اور پرابلم حل کرنے کا سوچیں گی اور یہ ہے پرابلم بیسڈ لرننگ… جو ہم نے ماسٹرخت یونی ورسٹی سے ایجوکشن سائیکاکوجی میں ماسٹرز کر کے سیکھی ہے …
قارئین ، تب تک آپ بھی سوچیں، اگلی بار کھلے گا سب ماجرہ !
ادارے کا کالم نگار کی رائے کے ساتھ متفق ہونا ضروری نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مہلت ختم، اقدامات سخت، پاکستان میں مقیم غیر قانونی، غیر ملکی اور افغان سٹیزن کے انخلا کا عمل مزید تیز