’’مشترکہ امن، خودمختاری اور تعاون کیلئے ہم متحد ہیں‘‘، پاک فوج کی میزبانی میں علاقائی دفاعی سربراہان کی کانفرنس
اشاعت کی تاریخ: 26th, July 2025 GMT
سٹی 42 : دارالحکومت اسلام آباد میں پاک فوج کی میزبانی میں علاقائی دفاعی سربراہان کی کانفرنس ہوئی، جس میں امریکا، ازبکستان، تاجکستان، کرغزستان، قازقستان کے اعلیٰ عسکری وفود نے شرکت کی۔ کانفرنس میں خطے میں امن، تعاون اور انسداد دہشتگردی پر اتفاق کیا گیا، پاک فوج کا علاقائی سلامتی میں کلیدی کردار اجاگرکیاگیا۔
کانفرنس کا تھیم "روابط مضبوط، امن محفوظ"تھا ۔ فیلڈ مارشل سید عاصم منیر کی میزبانی میں مہمان وفود کا پرتپاک خیرمقدم کیاگیا۔
مرغی کی قیمت نے شہریوں کے ہوش اڑا دئیے
فیلڈمارشل عاصم منیر نے کہاکہ دہشتگردی، سائبر حملے اور انتہاپسندی مشترکہ چیلنجز ہیں،ملٹری تعاون، اعتماد اور سٹریٹیجک ڈائیلاگ وقت کی ضرورت ہے۔ فیلڈ مارشل عاصم منیرنے کہاکہ "علاقائی خطرات سے نمٹنے کیلئے عسکری تعاون ناگزیر ہے""پاکستان باہمی اعتماد، تزویراتی مکالمے اور مشترکہ سیکیورٹی کا داعی ہے"۔
کانفرنس کے انعقاد سے پاکستان نے پیغام دیا کہ مشترکہ امن، خودمختاری اور تعاون کیلئے ہم متحد ہیں۔ شرکا نے پاکستان کے وژن اور میزبانی کو سراہا، اسلام آباد کانفرنس سے علاقائی دفاعی ہم آہنگی کو تقویت ملی۔
محکمہ سوشل ویلفیئر میں 15 ڈاکٹروں کی بھرتیوں کی منظوری
انسداد دہشتگردی، تربیتی تعاون اور سلامتی کے تجربات کا تبادلہ کیا گیا۔ سیکورٹی مکالمے میں وسطی و جنوبی ایشیا کی صورتحال پر بھی تفصیلی تبادلہ خیال کیاگیا، اس کے علاوہ مشترکہ تربیت، انسداد دہشتگردی اور انسانی ہمدردی کے ردعمل پر بھی گفتگو ہوئی۔
کانفرنس میں امریکا، وسطی ایشیائی ممالک کے عسکری وفود شریک ہوئے۔ تمام شرکاء نے علاقائی امن، خودمختاری اور مشترکہ خطرات پر اتفاق کیا،سائبر سکیورٹی، دہشتگردی اور پرتشدد انتہاپسندی مشترکہ چیلنجز قراردیئے گئے۔ شرکا نے پاکستان کی میزبانی، قیادت اور وژن کو سراہا،پاکستان کے دفاعی سفارت کاری کی جانب ایک تاریخی قدم سے خطے میں سلامتی، ربط اور تعاون کا نیا باب رقم ہوا۔
میٹرک میں خراب نتائج دینےوالےسکول سربراہان و اساتذہ کیخلاف کارروائی ہوگی
.ذریعہ: City 42
کلیدی لفظ: کی میزبانی
پڑھیں:
صدرِ مملکت نے امریکی جنرل مائیکل کوریلہ کو نشانِ امتیاز سے نوازدیا
سٹی 42 : صدرِ پاکستان آصف علی زرداری نے امریکی جنرل مائیکل کوریلہ کو نشانِ امتیاز (ملٹری) سے نوازدیا، یہ اعزاز اُنہیں خطے میں امن، دفاعی تعاون اور انسداد دہشتگردی میں خدمات پر دیا گیا۔
تقریب ایوانِ صدر اسلام آباد میں منعقد ہوئی، صدر آصف علی زرداری نے جنرل کوریلہ کو اعزاز سے نوازا، جنرل کوریلہ ، USCENTCOM کے کمانڈر ہیں۔
پاکستان اور امریکہ کے عسکری تعلقات میں مضبوطی پر جنرل کوریلہ کو سراہا گیا، جنرل کوریلہ کی قیادت سے دفاعی تعاون، انسداد دہشتگردی اور خطے کا امن فروغ پایا، پاکستان نے جنرل کوریلہ کی خدمات کو خراجِ تحسین پیش کیا۔
مرغی کی قیمت نے شہریوں کے ہوش اڑا دئیے
پاکستان نے اعلیٰ سطح پر دوطرفہ عسکری شراکت کی توثیق کی، جنرل کوریلہ نے فیلڈ مارشل سید عاصم منیر سے تفصیلی ملاقات کی، ملاقات میں علاقائی سیکیورٹی، انسداد دہشتگردی اور دفاعی تعاون زیر غور آئے۔
جنرل کوریلہ نے صدر پاکستان سمیت اعلیٰ قیادت سے ملاقاتیں کیں، امریکی جنرل کو ایوانِ صدر آمد پر تینوں افواج کا گارڈ آف آنر پیش کیا گیا، پاکستان اور امریکہ کا دفاعی تعلقات کو مزید وسعت دینے پر اتفاق کیا۔
محکمہ سوشل ویلفیئر میں 15 ڈاکٹروں کی بھرتیوں کی منظوری
نشانِ امتیاز (ملٹری) کی عطا پاکستان کی اعلیٰ سطح پر قدر دانی کا مظہر ہے، یہ اعزاز پاکستان، امریکہ دفاعی تعاون میں گہرائی کی علامت ہے۔
ڈاکٹر عافیہ صدیقی کیس،اسلام آباد ہائیکورٹ کا وزیراعظم سمیت وفاقی کابینہ کو طلب کرنے کا عندیہ