بھارتی کامیڈین کپل شرما کے کیفے پر فائرنگ
اشاعت کی تاریخ: 11th, July 2025 GMT
کینیڈا کے شہر سرے میں بھارتی کامیڈین کپل شرما کے حال ہی میں لانچ ہونے والے ریسٹورنٹ ”کیپس کیفے“ پر بدھ کی رات فائرنگ کی گئی۔
بھارتی میڈیا رپورٹس کے مطابق حملے کے نتیجے میں کم از کم 9 گولیاں چلائی گئیں جس کے باعث علاقے میں خوف و ہراس پھیل گیا۔
خوش قسمتی سے، اس واقعے میں کوئی جانی نقصان نہیں ہوا، تاہم اس حملے نے سیکیورٹی کے حوالے سے تشویش ضرورپیدا کر دی ہے
رپورٹس میں یہ بھی کہا گہا ہے کہ بھارت کی نیشنل انویسٹی گیشن ایجنسی (NIA) کی سب سے زیادہ مطلوب افراد کی فہرست میں شامل کالعدم تنظیم بابا خالصہ انٹرنیشنل (BKI) کے کارندے ہرجیت سنگھ لڈی نے اس حملے کی ذمہ داری قبول کرلی ہے ۔
View this post on InstagramA post shared by Mamaraazzi (@mamaraazzi)
لڈی کا کہنا تھا کہ یہ حملہ کپل شرما کے کامیڈی شو میں نہنگ سکھوں کے لباس اور برتاؤ پر کیے گئے تبصروں کے ردعمل میں کیا گیا۔
لڈی نے سوشل میڈیا پر ایک پوسٹ میں دعویٰ کیا کہ اس حملے کا مقصد کپل شرما سے ان کے شو میں نہنگ سکھوں کے بارے میں کیے گئے تبصروں پر عوامی طور پر معافی کا مطالبہ کرنا تھا۔
لڈی نے کہا کہ ”ہم نے کئی بار کپل شرما کے منیجر سے رابطہ کیا، لیکن انہوں نے ہمارے کالز کو نظرانداز کیا۔ اگر کپل شرما عوامی طور پر معافی نہیں مانگتے تو ہم ایسے ہی ردعمل دیں گے۔“
مقامی پولیس نے فوراً اس واقعے کی اطلاع ملنے پر تحقیقات شروع کر دیں اور فورینزک ٹیم نے موقع سے نمونے جمع کیے۔
پولیس کے مطابق، فائرنگ کی وجہ سے ریسٹورنٹ کی عمارت کو زیادہ نقصان نہیں پہنچا۔ تاہم، پولیس اور تحقیقاتی ادارے اس واقعے کے پیچھے اصل وجوہات کا سراغ لگانے کے لیے کام کر رہے ہیں۔
ریسٹورنٹ بزنس کی دنیا میں نئے نئے داخل ہونے والے بھارتی کامیڈین کے بارے میں اطلاعات یہ ہیں کہ ریسٹورنٹ اور عمارت جو نشانہ بنیں، وہ کسی اور شخص کی ملکیت ہیں۔
اس وقت کپل شرما کی طرف سے اس حملے پر کوئی براہ راست ردعمل سامنے نہیں آیا، لیکن ان کے قریبی ذرائع کا کہنا ہے کہ وہ اس واقعے کے بعد شدید پریشانی کا شکار ہیں۔
Post Views: 3.
ذریعہ
ذریعہ: Daily Mumtaz
کلیدی لفظ: کپل شرما کے اس واقعے اس حملے
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
پاکستان نے ورلڈ کپ 2028 کیلیے براہ راست کوالیفائی کر لیا