چانسلر/گورنر سندھ کی وائس چانسلرز سے ملاقات، "معرکہ حق، جشنِ آزادی" کی تقریبات کو بھرپور انداز میں منانے کی ہدایت
اشاعت کی تاریخ: 26th, July 2025 GMT
کراچی (اُردو پوائنٹ اخبارتازہ ترین - این این آئی۔ 26 جولائی2025ء)چانسلر / گورنر سندھ کامران خان ٹیسوری نے صوبے کی سرکاری و نجی جامعات کے وائس چانسلرز سے گورنر ہاؤس میں ملاقات کی، جس میں "معرکہ حق، جشنِ آزادی" کے تحت منعقد ہونے والی تقریبات کے حوالے سے تفصیلی تبادلہ خیال کیا گیا۔گورنر سندھ نے وائس چانسلرز کو ہدایت کی کہ جامعات میں یومِ آزادی کی تقریبات جوش و جذبے، وقار اور قومی یکجہتی کے ساتھ منائی جائیں۔
انہوں نے کہا کہ "معرکہ حق، جشنِ آزادی" محض ایک عنوان نہیں، بلکہ طلبہ و طالبات کو نظریاتی شعور، حب الوطنی اور اتحاد کے پیغام سے جوڑنے کا موقع ہے۔ گورنر سندھ نے وائس چانسلرز پر زور دیا کہ نوجوان نسل کو مایوسی سے نکال کر مثبت سوچ اور فعال کردار کی جانب راغب کیا جائے۔(جاری ہے)
انہوں نے کہا کہ تعلیمی ادارے ملک کی فکری بنیادیں ہیں، یہاں سے شعور، تعمیر اور ترقی کا سفر شروع ہوتا ہے۔
اس موقع پر وائس چانسلرز نے "معرکہ حق، جشنِ آزادی" کی تقریبات میں گورنر سندھ کو بطور مہمانِ خصوصی مدعو کیا، جسے انہوں نے خوش دلینسینقبولنکیا۔ملاقات میں این ای ڈی یونیورسٹی آف انجینئرنگ اینڈ ٹیکنالوجی کے وائس چانسلر پروفیسر ڈاکٹر محمد طفیل جوکھیو، وائس چانسلر ایس بی بی دیوان یونیورسٹی ڈاکٹر محمد اورنگزیب خان، ڈی ایچ اے صفہ یونیورسٹی (DSU) کے پرو وائس چانسلر پروفیسر ڈاکٹر جوہر خورشید فاروقی، پرو وائس چانسلر داؤد یونیورسٹی آف انجینئرنگ اینڈ ٹیکنالوجی (DUET) پروفیسر ڈاکٹر عبدالوحید بھٹو، وائس چانسلر نذیر حسین یونیورسٹی (NHU) پروفیسر ڈاکٹر مسرور احمد شیخ، وائس چانسلر انڈس یونیورسٹی پروفیسر ڈاکٹر انجینئر عاصم الرحمان خان، وائس چانسلر علما یونیورسٹی پروفیسر ڈاکٹر منصور الظفر داؤد، چانسلر گرین وچ یونیورسٹی سیما مغل، SZABIST میں نائب صدر ڈویلپمنٹ اینڈ فنانس نسرین حق، پرو چانسلر کراچی انسٹی ٹیوٹ آف اکنامکس اینڈ ٹیکنالوجی (KIET) ڈاکٹر سید یوسف احمد کے علاوہ دیگر وائس چانسلرز اور ان کے نامزد کردہ پروفیسرزنبھینشریکنتھے۔.ذریعہ: UrduPoint
کلیدی لفظ: تلاش کیجئے پروفیسر ڈاکٹر وائس چانسلرز وائس چانسلر گورنر سندھ معرکہ حق
پڑھیں:
ایچ ای سی نے بغیر واضح ایجنڈے کے VCs کو ہنگامی طور پر آج طلب کرلیا
فائل ایمیجہائیر ایجوکیشن کمیشن (ایچ ای سی) نے بغیر واضح ایجنڈے کے وائس چانسلرز (وی سیز) کو ہنگامی طور پر آج طلب کرلیا۔
ایک غیر معمولی اقدام کے تحت ایچ ای سی نے ملک بھر کی جامعات کے وائس چانسلرز کو گزشتہ رات دیر گئے 10 بجکر 49 منٹ پر کوآرڈینیشن ڈویژن کی جانب سے بھیجے گئے تیسری ای میل کے ذریعے آج صبح 10 بجے اسلام آباد میں ایچ ای سی آڈیٹوریم میں حاضری کی ہدایت کی۔
ای میل میں نہ تو اجلاس کا مقصد بتایا گیا اور نہ ہی کوئی ایجنڈا شامل تھا۔
اس سے قبل ایک دوسری ای میل کے ذریعے وائس چانسلرز کو 24 اور 25 جولائی 2025 کو جناح کنونشن سینٹر اسلام آباد میں دو روزہ تقریب میں شرکت کی دعوت دی گئی تھی جس میں آئی ٹی منصوبوں کے آغاز اور لیپ ٹاپ تقسیم کی تقاریب کا ذکر تھا۔
تاہم ان پیغامات میں سرکاری جامعات کو درپیش سنگین مالی بحران جیسے اہم معاملات پر کوئی بات نہیں کی گئی، جس سے اجلاس کے مقصد اور شفافیت پر سوالات اٹھ رہے ہیں۔
ڈاکٹر عافیہ صدیقی کیس،اسلام آباد ہائیکورٹ کا وزیراعظم سمیت وفاقی کابینہ کو طلب کرنے کا عندیہ