گوگل کے جیمنی اے آئی میں آڈیو فائل اپلوڈ کرنے کی سہولت متعارف
اشاعت کی تاریخ: 9th, September 2025 GMT
گوگل کے جیمنی اے آئی نے ایک بڑی اپ ڈیٹ متعارف کرادی ہے، جس کے بعد صارفین اب آڈیو فائلز اپلوڈ اور پراسیس کرسکیں گے۔ یہ فیچر اس سے قبل ملٹی ماڈل چیٹ بوٹ میں موجود نہیں تھا۔
نئی سہولت جیمنی موبائل ایپ اور ویب ورژن دونوں میں دستیاب ہے، جہاں صارفین چیٹ کے اندر پلس بٹن دبا کر کلپ کی شکل والے آئیکون سے آڈیو فائل اپلوڈ کرسکتے ہیں۔
یہ بھی پڑھیں: گوگل نے جیمنی 2.
گوگل سپورٹ پیج کے مطابق فری صارفین 10 منٹ تک کی آڈیو فائلز اپلوڈ کرسکتے ہیں، جبکہ جیمنی پرو یا الٹرا سبسکرائبرز کو 3 گھنٹے تک کی آڈیو فائل اپلوڈ کرنے کی سہولت دی گئی ہے۔ اس کے ساتھ ہی جیمنی پر بیک وقت 10 فائلز اپلوڈ کی جاسکتی ہیں جن میں زیپ فائلز بھی شامل ہیں۔
جیمنی پر ویڈیو اپلوڈ کرنے کی سہولت بھی دی گئی ہے، جس کے تحت 2GB تک کی ویڈیوز اپلوڈ کی جاسکتی ہیں، تاہم مفت صارفین کے لیے یہ وقت 5 منٹ اور پیڈ صارفین کے لیے ایک گھنٹہ مقرر کیا گیا ہے۔ اس کے علاوہ ایک کوڈ فولڈر یا گِٹ ہب ریپوزٹری بھی اپلوڈ کی جاسکتی ہے جس کی حد 5 ہزار فائلز یا 100MB رکھی گئی ہے۔
یہ بھی پڑھیں: گوگل کا تمام ایپ صارفین کو جیمنی لائیو اسسٹنٹ مفت پیش کرنے کا اعلان
گوگل کے مطابق آڈیو سپورٹ کے اضافے سے لیکچرز، میٹنگز اور پوڈکاسٹس سے اہم نکات اخذ کرنا مزید آسان ہوجائے گا۔ صارفین جیمنی کو طویل رپورٹس تیار کرنے، مختصر خلاصے لکھوانے یا نالج سلائیڈز بنانے کے لیے بھی استعمال کرسکیں گے جنہیں تصاویر کی شکل میں ایکسپورٹ کیا جاسکتا ہے۔
دوسری جانب گوگل کا نوٹ بُک ایل ایم ٹول بھی اس فیچر کی تکمیل کرتا ہے، جو طویل تحریری مواد کو دو افراد کی دلچسپ گفتگو پر مبنی آڈیو پوڈکاسٹ یا ویڈیو سمری میں تبدیل کرنے کی سہولت فراہم کرتا ہے.
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آڈیو فائل جیمنی گوگل
ذریعہ
ذریعہ: WE News
کلیدی لفظ: ا ڈیو فائل گوگل کرنے کی سہولت آڈیو فائل کے لیے
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
بھارت سے جنگ اور افغانستان میں کارروائی خارج ازامکان نہیں، وزیردفاع