ہائبرڈ نظام پاکستان کے مفاد میں ہے، کچھ لوگوں کو اس پر اعتراض ہے، خواجہ آصف
اشاعت کی تاریخ: 9th, September 2025 GMT
وزیر دفاع خواجہ آصف نے کہا ہے کہ ہائبرڈ نظام پاکستان کے لیے مفید ہے اور اس کے ذریعے سول اور ملٹری قیادت کے درمیان بہتر ہم آہنگی پیدا ہوئی ہے، تاہم کچھ عناصر کو یہ نظام قبول نہیں۔
نجی ٹی وی کے مطابق خواجہ آصف نے کہا کہ ہائبرڈ سسٹم کی بدولت پاکستان میں فیصلہ سازی میں تسلسل اور استحکام آیا ہے، لیکن بدقسمتی سے چند حلقے اس نظام پر تنقید کر کے ذاتی ایجنڈا آگے بڑھا رہے ہیں۔
فوج اور حکومت کا تعاون ملک کے لیے سودمند ہے
وزیر دفاع نے فیلڈمارشل سیدعاصم منیر کے امریکا کے حالیہ دورے کا حوالہ دیتے ہوئے کہا کہ اس کے مثبت اثرات سامنے آ رہے ہیں اور پاک-امریکا تعلقات میں بہتری آ رہی ہے۔ یہ پیش رفت کچھ لوگوں کو ہضم نہیں ہو رہی، کیونکہ وہ پاکستان کی ترقی میں رکاوٹ ڈالنا چاہتے ہیں۔
بھارت کبھی ہمارا خیر خواہ نہیں ہو سکتا
خواجہ آصف نے شنگھائی تعاون تنظیم (ایس سی او) میں پاکستان کی سفارتی کامیابیوں کا ذکر کرتے ہوئے کہا کہ ہمارا دیرینہ حریف ہے اور کبھی نہیں چاہے گا کہ پاکستان عالمی سطح پر اپنا مؤقف مضبوطی سے پیش کرے، لیکن ہم ہر فورم پر اپنے قومی مفادات کا بھرپور دفاع کریں گے۔
کالا باغ ڈیم پر سیاست نے قوم کو نقصان پہنچایا
خواجہ آصف نے کالا باغ ڈیم کے متنازع منصوبے پر گفتگو کرتے ہوئے کہا کہ یہ منصوبہ کوئی تکنیکی مسئلہ نہیں، لیکن گزشتہ 50 برس سے اسے صرف سیاسی اختلافات کی بھینٹ چڑھایا گیا ہے۔ اگر وزیراعلیٰ خیبر پختونخوا علی امین گنڈاپور اس منصوبے کی حمایت کرتے ہیں تو یہ ایک مثبت پیش رفت ہو سکتی ہے۔
سیلاب سے بچاؤ کے لیے عملی اقدامات ناگزیر
وزیر دفاع نے حالیہ سیلابی تباہ کاریوں پر تشویش کا اظہار کرتے ہوئے کہا کہ اگر ہم دریاؤں کے کنارے اور بندوں پر غیر قانونی تعمیرات روک دیں تو 50 فیصد مسائل خود بخود حل ہو سکتے ہیں۔انہوں نے یقین دہانی کرائی کہ سیلاب متاثرین کی بحالی کے لیے وفاقی اور صوبائی حکومتیں بھرپور اقدامات کریں گی۔
ذریعہ
ذریعہ: Daily Mumtaz
کلیدی لفظ: خواجہ ا صف نے ہوئے کہا کے لیے
پڑھیں:
وفاقی کابینہ، ادویات ٹریک اینڈ ٹریس سسٹم نفاذ کی باقاعدہ منظوری دے دی
اسلام آباد،وفاقی وزیرِ صحت مصطفیٰ کمال (mustafa kamal)نے کہا ہے کہ وفاقی کابینہ نے ملک بھر میں ادویات پر ٹریک اینڈ ٹریس سسٹم کے نفاذ کی باضابطہ منظوری دے دی ہے۔
اس سلسلے میں ڈرگ لیبلنگ اینڈ پیکنگ رولز 1978 میں ضروری ترامیم کی بھی منظوری دے دی گئی ہے۔منگل کو جاری بیان کے مطابق وفاقی وزیرِ صحت نے کہا کہ یہ فیصلہ پاکستان میں جعلی ادویات کے خاتمے کی جانب ایک بڑا اور تاریخی قدم ہے۔
پہلی بار ملک میں ہر دوا کو ڈیجیٹل طریقے سے ٹریک اور ویریفائی کیا جا سکے گا، جس سے جعلی، غیر معیاری اور نقلی ادویات کی مؤثر نشاندہی اور ان کے خاتمے میں مدد ملے گی۔
انہوں نے کہا کہ نئے نظام کے نفاذ کے بعد عام صارفین باآسانی دوا کی میعادِ استعمال، قیمت اور دیگر اہم معلومات کی مستند تصدیق کر سکیں گے، جس سے عوام کا ادویات کے نظام پر اعتماد مزید مضبوط ہوگا۔
مصطفیٰ کمال نے بتایا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی۔ نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں۔
وفاقی وزیرِ صحت نے کہا کہ یہ اہم اقدام پاکستان میں ادویات کی سپلائی چین کو محفوظ، شفاف اور معیاری بنانے کے لیے کیا گیا ہے۔
حکومت ادویات کے شعبے کو جدید خطوط پر استوار کرنے کے لیے عملی اقدامات کر رہی ہے اور ٹریک اینڈ ٹریس سسٹم کے نفاذ سے جعلی ادویات کے خلاف ایک مضبوط اور مؤثر دیوار قائم ہوگی۔
انہوں نے مزید کہا کہ پاکستان جدید ٹیکنالوجی کے استعمال میں خطے کے نمایاں ممالک میں شامل ہوگا۔ اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گاجس سے عوام کی صحت، زندگی اور اعتماد کا مکمل تحفظ یقینی بنایا جا سکے گا۔
مزید پڑھیں:میئر لندن، 16 سال سے کم عمر بچوں کیلئے سوشل میڈیا پر پابندی کی حمایت
وفاقی وزیرِ صحت کے مطابق ڈریپ کی جانب سے صنعت کو سہولت فراہم کرنے کے لیے جلد تکنیکی رہنما اصول جاری کیے جائیں گے، جبکہ متعلقہ فریقین کے ساتھ مشاورتی اجلاس بھی منعقد کیے جا چکے ہیں تاکہ نظام کے مؤثر اور مرحلہ وار نفاذ کو یقینی بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ