خوشخبری، سوئی سدرن گیس کا رمضان کیلیے نیا شیڈول، پورے دن میں صرف ساڑھے 4 گھنٹے سپلائی بند ہوگی
اشاعت کی تاریخ: 18th, February 2026 GMT
سوئی سدرن گیس نے رمضان المبارک کے حوالے سے شیڈول جاری کردیا جس کے مطابق سپلائی دن کے 24 گھنٹوں میں سے صرف ساڑھے چار گھنٹے بند رہے گی۔
ایکسپریس نیوز کے مطابق سوئی گیس نے سحر و افطار کے وقت گھریلو صارفین کو پریشر کے ساتھ گیس فراہمی کی یقین دہانی کرائی ہے۔
ایس ایس جی سی ترجمان کے مطابق رمضان المبارک میں صارفین کی سہولت کیلیے سحری سے قبل رات تین بجے سے اگلی رات ساڑھے 10 بجے تک مسلسل گیس فراہم کی جائے گی۔
اسی طرح رات ساڑھے 10 بجے سے 3 بجے تک سپلائی معطل رہے گی۔
ترجمان نے کہا کہ سوئی سدرن گیس کمپنی سحری اور افطاری کی تیاریوں کے لیے گیس کے بہترین پریشر کو یقینی بنائے گی تاکہ صارفین کو بالخصوص سحری اور افطاری میں کوئی مشکل پیش نہ آئے۔
ترجمان نے بتایا کہ ملکی ذخائر میں ہر سال گیس کے ذخائر میں 10 فیصد تک کمی کے باوجود حکومت نے رمضان المبارک کے دوران کمپنی کو اضافی گیس فراہم کرنے کی یقین دہانی کرائی جس کے باعث صارفین کو سہولت دی گئی ہے۔
مرکزی ترجمان سلمان احمد صدیقی نے کہا کہ گیس فراہمی کے دوران اگر صارفین کو پریشر کی کمی یا فراہمی نہ ہونے کی شکایت ہو تو وہ ہیلپ لائن 1199، موبائل ایپ یا قریبی کسٹمر فیسلٹیشن سینٹر پر شکایت درج کروائیں جس کا فوری ازالہ کیا جائے گا۔
ترجمان کا کہنا تھا کہ کمپریسر سے گیس کا استعمال قانونا جرم اور غیر اخلاقی عمل ہے جس کی وجہ سے پڑوسیوں کو مشکلات کا سامنا ہوتا ہے، اگر ایسا کوئی بھی شخص نظر میں ہو تو اُس کی فوری طور پر 1199 پر اطلاع دیں جس پر نام صیغہ راز میں رکھا جائے گا اورایسے شخص کے خلاف سخت قانونی کارروائی عمل میں لائی جائے گی جس کے تحت بھاری جرمانہ، قید اور طویل عرصے کیلیے گیس کنکشن کی معطلی ہوگی۔
.
ذریعہ
ذریعہ: Express News
کلیدی لفظ: صارفین کو
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا