گاڑی میں اونچی آواز میں نور جہاں کا گانا چلانے پر مقدمہ درج
اشاعت کی تاریخ: 9th, September 2025 GMT
لاہور کے علاقے نواب ٹاؤن کی پولیس نے گاڑی میں اونچی آواز میں ’جھانجر دی پاواں جھنکار‘ گانا چلانے والے شہری کے خلاف مقدمہ درج کرلیا۔
ایف آئی آر کے مطابق شہری نے اپنی گاڑی میں اونچی آواز میں گانا لگا رکھا تھا جس پر کارروائی عمل میں لائی گئی اور گاڑی کو مشکل سے روکا گیا۔
یہ بھی پڑھیں:’آپ گانے سے کب توبہ کریں گے‘، چاہت فتح علی خان کے نئے گانے ’توبہ توبہ‘ پر دلچسپ تبصرے
پولیس کے مطابق مقدمہ ساؤنڈ ایکٹ کی دفعات کے تحت درج کیا گیا ہے اور کیس پولیس کی مدعیت میں رجسٹر کیا گیا ہے۔
ایف آئی آر کے متن میں کہا گیا ہے کہ پولیس ناکہ بندی کے دوران بسم اللہ چوک پر ایک گاڑی کو روکا گیا جو قزلباش اشارہ کی طرف سے آرہی تھی۔ گاڑی میں اونچی آواز میں گانا ’جھانجر دی پاواں جھنکار‘ بج رہا تھا۔ ڈرائیور دانش علی سے استفسار پر اس نے بتایا کہ یہ اس کا شوق ہے اور وہ اکثر گاڑی میں اونچی آواز میں گانے بجاتا ہے۔
ملزم کے خلاف ساؤنڈ سسٹم ایکٹ 2015، دفعہ 6 کے تحت مقدمہ درج کیا گیا، مقدمہ پولیس اے ایس آئی رحمت علی کی مدعیت میں تھانہ نواب ٹاؤن میں رجسٹر کیا گیا، ملزم کی گاڑی موقع پر قبضہ میں لے لی گئی۔
یہ بھی پڑھیں: وہ تخلیق کار جنہیں جیتے جی مار دیا گیا
یاد رہے کہ جھانجر دی پاواں جھنکار، گانا ملکہ ترنم نور جہاں کا گایا ہوا سپر ہٹ پنجابی گانا ہے، یہ گانا 1984 کی پاکستانی فلم شعلے کے لیے ریکارڈ کیا گیا تھا، اس کے موسیقار وزیر افشار جبکہ شاعر خواجہ پرویز تھے۔
یہ گانا ریلیز ہوتے ہی مقبولیت کی بلندیوں پر پہنچ گیا تھا اور آج بھی پنجابی کلچر اور شادی بیاہ کی محفلوں میں بجایا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اونچی آواز ایف آئی آر پولیس جھانجر دی پاواں جھنکار جور جہاں گاڑی گانا لاہور نواب ٹاؤن.ذریعہ: WE News
کلیدی لفظ: اونچی ا واز ایف ا ئی ا ر پولیس جور جہاں گاڑی گانا لاہور نواب ٹاؤن کیا گیا
پڑھیں:
اسلام آباد میں ٹریفک پولیس اہلکاروں پرتشدد اور ہلڑبازی کرنے والا نوجوان گرفتار
اسلام آباد میں ٹریفک پولیس اہلکاروں پر تشدد کرنے اور ہلڑ بازی کرنے والے نوجوان کو گرفتار کر لیا گیا۔اسلام آباد پولیس کے مطابق نوجوان نےکل رات آئی 8 مرکز میں ہلڑبازی کی اورپولیس اہلکاروں پر تشدد کیا۔پولیس کا کہنا ہے کہ ملزم کی پولیس اہلکاروں سے جھگڑنے اور گالم گلوچ کی ویڈیو سامنے آئی تھی، ویڈیو میں ملزم پولیس اہلکاروں سے جھگڑتا اورگالم گلوچ کرتا نظر آرہا ہے۔سامنے آنے والی ویڈیو میں ملزم کو پولیس اہلکاروں سے جھگڑنے کے بعد گاڑی میں بیٹھ کر فرارہوتے بھی دیکھا جا سکتا ہے۔تھانہ آئی9 پولیس نے پولیس اہلکاروں سے جھگڑنے اور ہلڑ بازی کرنے والے ملزم کو گرفتار کرلیا ہے اور اس کی گاڑی بھی تھانے منتقل کر دی ہے۔
عدالت نے عمران خان اور بشریٰ بی بی کی گرفتاری 5 مقدمات میں روک دی