امریکی صدر ڈونلڈ ٹرمپ کی حماس کو دھمکی
اشاعت کی تاریخ: 8th, September 2025 GMT
واشنگٹن (انٹرنیشنل ڈیسک)امریکی صدر ڈونلڈ ٹرمپ نے ایک بیان میں حماس کو سخت لہجے میں خبردار کیا ہے کہ اگر اس نے یرغمالیوں کی رہائی اور جنگ بندی سے متعلق شرائط قبول نہ کیں تو اسے سنگین نتائج کا سامنا کرنا پڑے گا۔
صدر ٹرمپ نے کہا کہ ہر کوئی جنگ کا خاتمہ اور یرغمالیوں کی رہائی چاہتا ہے۔ ان کے مطابق اسرائیل پہلے ہی امریکی شرائط مان چکا ہے، اب ذمہ داری حماس پر ہے کہ وہ فوری طور پر ان شرائط کو تسلیم کرے۔
انہوں نے مزید کہا کہ یہ میری آخری وارننگ ہے، اس کے بعد کوئی اور وارننگ نہیں دی جائے گی۔ ٹرمپ کا کہنا تھا کہ اگر حماس نے انکار کیا تو نتائج انتہائی خطرناک ہوں گے۔
Post Views: 6.
ذریعہ
ذریعہ: Daily Mumtaz
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ